മൂ​ല​മ​റ്റം: അ​റ​ക്കു​ളം പ​ഞ്ചാ​യ​ത്തി​ൽ വൈ​ദ്യു​തി ബോ​ർ​ഡി​ന്‍റെ എ​ബി​സി കേ​ബി​ൾ പ​ദ്ധ​തി​ക്ക് തു​ട​ക്ക​മാ​യി. കേ​ബി​ളിലൂടെ വൈ​ദ്യു​തി വി​ത​ര​ണം ചെ​യ്യു​ന്ന പ​ദ്ധ​തി​യാ​ണി​ത്. എ​ൽ​ടി ലൈ​നു​ക​ൾ കേ​ബി​ൾ വ​ഴി​യാ​ക്കു​ന്ന സി​എം​യു പ​ദ്ധ​തി​യും എ​ച്ച്ടി ലൈ​നു​ക​ൾ കേ​ബി​ൾ​വ​ഴി​യാ​ക്കു​ന്ന ആ​ർ​ഡി​എ​സ് പ​ദ്ധ​തി​യു​മാ​ണ് ന​ട​പ്പാ​ക്കു​ന്ന​ത്.

കേ​ന്ദ്ര​സ​ർ​ക്കാ​രി​ന്‍റെ ഫ​ണ്ടു​പ​യോഗിച്ച് സം​സ്ഥാ​ന വൈ​ദ്യു​തി ബോ​ർ​ഡാ​ണ് കേ​ബി​ൾ പ​ദ്ധ​തി ന​ട​പ്പാ​ക്കു​ന്ന​ത്. പ​ഞ്ചാ​യ​ത്തി​ലെ എ​കെ​ജി ഭാ​ഗം, സെ​ന്‍റ് ജോ​ർ​ജ് സ്കൂ​ൾ ജം​ഗ്ഷ​ൻ, അ​ശോ​ക​ജം​ഗ്ഷ​ൻ, ജ്യോ​തി ഭ​വ​ൻ ഭാ​ഗം, കു​ള​മാ​വ് എ​ന്നി​വി​ട​ങ്ങ​ളി​ലെ എ​ൽ​ടി ലൈ​നു​ക​ളാ​ണ് ഏ​രി​യ​ൽ ബ​ണ്ടി​ൽ​ഡ് കേ​ബി​ളു​ക​ളി​ലൂ​ടെ പ​രി​വ​ർ​ത്ത​നം ചെ​യ്യു​ന്ന​ത്.

കു​ള​മാ​വ്, ഇ​ല​പ്പി​ള്ളി, മു​ട്ടം, ഇ​ടാ​ട് തു​ട​ങ്ങി​യ പ്ര​ദേ​ശ​ങ്ങ​ളി​ലെ ഹൈ​ടെ​ൻ​ഷ​ൻ ലൈ​നു​ക​ളാ​ണ് എ​ബി​സി കേ​ബി​ളു​ക​ളി​ലേ​ക്ക് മാ​റ്റു​ന്ന​ത്. നി​ല​വി​ൽ വൈ​ദ്യു​തി പോ​സ്റ്റു​ക​ളി​ലൂ​ടെ വൈ​ദ്യു​തി വി​ത​ര​ണം ചെ​യ്യു​ന്ന​തു​വ​ഴി​യു​ള്ള അ​പ​ക​ട​ങ്ങ​ൾ കു​റ​യ്ക്കു​ക, പ്ര​സ​ര​ണ​ന​ഷ്ടം ഒ​ഴി​വാ​ക്കു​ക, അ​റ്റ​കു​റ്റ​പ്പ​ണി​ക​ൾ​ക്കും മ​റ്റു​മാ​യി വ​രു​ന്ന വ​ലി​യ ചെ​ല​വി​ല്ലാ​താ​ക്കു​ക, വൈ​ദ്യു​തി ലൈ​നു​ക​ളി​ൽ ജോ​ലി ചെ​യ്യു​ന്പോ​ൾ ഷോ​ക്ക​ടി​ച്ചും മ​റ്റും ജീ​വ​ന​ക്കാ​ർ​ക്കു​ണ്ടാ​കു​ന്ന ദു​ര​ന്ത​ങ്ങ​ൾ ഒ​ഴി​വാ​ക്കു​ക, മ​ഴ​ക്കാ​ല​ത്ത് മ​രം​വീ​ണു​ണ്ടാ​കു​ന്ന​വൈ​ദ്യു​തി ത​ട​സം ഇ​ല്ലാ​താ​ക്കു​ക എ​ന്നീ ല​ക്ഷ്യ​ങ്ങ​ൾ മു​ൻ​നി​ർ​ത്തി​യാ​ണ് ഏ​രി​യ​ൽ ബ​ണ്ടി​ൽ​ഡ് കേ​ബി​ൾ പ​ദ്ധ​തി ന​ട​പ്പാ​ക്കു​ന്ന​ത്.

ര​ണ്ടാം​ഘ​ട്ട​ത്തി​ൽ കൂ​ടു​ത​ൽ പ്ര​ദേ​ശ​ങ്ങ​ൾ പ​ദ്ധ​തി​യി​ൽ ഉ​ൾ​പ്പെ​ടു​ത്താനാ​ണ് തീ​രു​മാ​നം. ജി​ല്ല​യി​ൽ എ​ല്ലാ നി​യോ​ജ​ക​മ​ണ്ഡ​ല​ങ്ങ​ളി​ലും എ​ബി​സി കേ​ബി​ൾ പ​ദ്ധ​തി​ക്ക് തു​ട​ക്കംകു​റി​ച്ചി​ട്ടു​ണ്ട്.