പീ​രു​മേ​ട്: വ​യ​നാ​ട്ടി​ൽ വി​വാ​ഹ​ച്ച​ട​ങ്ങി​ൽ സം​ബ​ന്ധി​ച്ച് തി​രി​കെ വ​രി​ക​യാ​യി​രു​ന്ന കു​ടും​ബ​ത്തി​ലെ അ​ഞ്ചം​ഗ​സം​ഘം സ​ഞ്ച​രി​ച്ചി​രു​ന്ന വാ​ഹ​നം അ​പ​ക​ട​ത്തി​ൽ​പ്പെ​ട്ടു. ശ​നി​യാ​ഴ്ച രാ​ത്രി​യാ​ണ് അ​പ​ക​ടം. വ​ണ്ടി​പ്പെ​രി​യാ​ർ പ​ഴ​യ പാ​മ്പ​നാ​റി​നു സ​മീ​പം വാ​ഹ​നം നി​യ​ന്ത്ര​ണം​വി​ട്ടു മ​റി​യു​ക​യാ​യി​രു​ന്നു.

വ​ള​ക്ക​ട​വ് ച​പ്പാ​ത്ത് ഭൂ​ത​ക്കു​റി​ഞ്ഞി​യി​ൽ വീ​ട്ടി​ൽ ന​വാ​സ് (50), ഭാ​ര്യ ഫാ​ത്തി​മ (45), ഇ​വ​രു​ടെ കു​ട്ടി​ക​ൾ ഉ​ൾ​പ്പെ​ടെ​യു​ള്ള​വ​രാ​ണ് വാ​ഹ​ന​ത്തി​ലു​ണ്ടാ​യി​രു​ന്ന​ത്. ഫാ​ത്തി​മ​യു​ടെ കാ​ലി​നു പ​രി​ക്കേ​റ്റു. ഇ​വ​രെ മു​ണ്ട​ക്ക​യ​ത്തെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

പാ​മ്പ​നാ​ർ പെ​ട്രോ​ൾ പ​മ്പ് ക​ഴി​ഞ്ഞ​പ്പോ​ൾ ഡ്രൈ​വ​ർ ഉ​റ​ങ്ങി​പ്പോ​വു​ക​യും റോ​ഡ​രി​കി​ൽ സ്ഥാ​പി​ച്ചി​രു​ന്ന ദി​ശാ​ബോ​ർ​ഡി​ലേ​ക്ക് വാ​ഹ​നം ഇ​ടി​ച്ചു​ക​യ​റു​ക​യു​മാ​യി​രു​ന്നു. നാ​ട്ടു​കാ​രും മ​റ്റു വാ​ഹ​ന യാ​ത്ര​ക്കാ​രും ചേ​ർ​ന്നാ​ണ് ര​ക്ഷാ​പ്ര​വ​ർ​ത്ത​നം ന​ട​ത്തി​യ​ത്. ഒ​രാ​ഴ്ച​യ്ക്കു​ള്ളി​ൽ കു​മ​ളി​ക്കും കു​ട്ടി​ക്കാ​ന​ത്തി​നും ഇ​ട​യി​ൽ ഡ്രൈ​വ​ർ ഉ​റ​ങ്ങിപ്പോ​യ​തി​നെ​ത്തു​ട​ർ​ന്ന് ആ​റു വാ​ഹ​നാ​പ​ക​ട​ങ്ങ​ളാ​ണ് ഉണ്ടായത്.