തൊ​ടു​പു​ഴ: ന​ഗ​ര​സ​ഭ​യി​ൽ വെ​ങ്ങ​ല്ലൂ​രി​ന് സ​മീ​പം ഉ​യ​ർ​ന്ന പ്ര​ദേ​ശ​ങ്ങ​ളി​ൽ ജ​ല അ​ഥോ​റി​റ്റി​യു​ടെ കു​ടി​വെ​ള്ളം മു​ട​ങ്ങു​ന്ന​താ​യി പ​രാ​തി. അ​റ്റ​കു​റ്റ​പ്പ​ണി​ക​ളു​ടെ​യും വി​ത​ര​ണ ശൃം​ഖ​ല​യി​ലെ ത​ക​രാ​റു​ക​ൾ പ​രി​ഹ​രി​ക്കു​ന്നു​വെ​ന്ന പേ​രി​ലാ​ണ് തു​ട​ർ​ച്ച​യാ​യി കു​ടി​വെ​ള്ള വി​ത​ര​ണം മു​ട​ങ്ങു​ന്ന​തെ​ന്ന് നാ​ട്ടു​കാ​ർ പ​റ​ഞ്ഞു.

വെ​ള​ളം കി​ട്ടാ​താ​യ​തോ​ടെ ഈ ​ഭാ​ഗ​ത്തെ ഉ​പ​ഭോ​ക്താ​ക്ക​ൾ ദി​നം​പ്ര​തി വാ​ട്ട​ർ അ​ഥോ​റി​റ്റി അ​ധി​കൃ​ത​രെ ബ​ന്ധ​പ്പെ​ടു​ന്നു​ണ്ടെ​ങ്കി​ലും ഉ​ട​ൻ പ​രി​ഹാ​രം ഉ​ണ്ടാ​കു​മെ​ന്ന് മാ​ത്ര​മാ​ണ് മ​റു​പ​ടി. ആ​ഴ്ച​ക​ളാ​യി ഇ​വി​ടെ വെ​ള്ളം ല​ഭ്യ​മാ​കാ​ത്ത അ​വ​സ്ഥ​യാ​ണ്.

ഉ​യ​ർ​ന്ന പ്ര​ദേ​ശ​ങ്ങ​ളി​ലേ​ക്ക് വെ​ള്ളം പ​ന്പ് ചെ​യ്യു​ന്പോ​ഴു​ണ്ടാ​കു​ന്ന മ​ർ​ദ​ത്തി​ൽ പൈ​പ്പു​ക​ൾ പൊ​ട്ടു​മോ​യെ​ന്ന ആ​ശ​ങ്ക​യി​ൽ അ​ധി​കൃ​ത​ർ ഇ​തി​ന് ത​യാ​റാ​വാ​ത്ത​താ​ണ് കു​ടി​വെ​ള്ളം നി​ഷേ​ധി​ക്ക​പ്പെ​ടു​ന്ന​തി​ന് പി​ന്നി​ലെ​ന്നാ​ണ് ഉ​പ​ഭോ​ക്താ​ക്ക​ളു​ടെ ആ​ക്ഷേ​പം. ഉ​യ​രം കു​റ​ഞ്ഞ പ്ര​ദേ​ശ​ങ്ങ​ളി​ൽ കു​ടി​വെ​ള്ളം ത​ട​സ​മി​ല്ലാ​തെ ല​ഭി​ക്കു​ന്നു​ണ്ട്.

ഇ​തി​ന്‍റെ തു​ട​ർ​ച്ച​യാ​യി പൈ​പ്പ് ക​ട​ന്ന് പോ​കു​ന്ന ഉ​യ​ർ​ന്ന പ്ര​ദേ​ശ​ങ്ങ​ളി​ൽ വെ​ള്ള​മെ​ത്തു​ന്നു​മി​ല്ല.
ഇ​തി​നി​ടെ താ​ഴ്ന്ന പ്ര​ദേ​ശ​ങ്ങ​ളി​ലു​ള്ള ഏ​താ​നും കു​ടി​വെ​ള്ള പൈ​പ്പു​ക​ളി​ൽ നി​ന്നും ഹോ​സും മ​റ്റും ഉ​പ​യോ​ഗി​ച്ച് അ​ന​ധി​കൃ​ത​മാ​യി വെ​ള്ളം സം​ഭ​രി​ക്കു​ന്ന​താ​യും പ​രാ​തി​യു​ണ്ട്. ചി​ല​ർ പൈ​പ്പി​ൽനി​ന്നു​ള്ള വെ​ള്ളം കി​ണ​ർ റീ​ച്ചാ​ർ​ജ് ചെ​യ്യാ​ൻ ഉ​പ​യോ​ഗി​ക്കു​ന്ന​താ​യും ആ​ക്ഷേ​പ​മു​ണ്ട്.

പ്ര​ദേ​ശ​ത്തെ മി​ക്ക വി​ടു​ക​ളു​ടെ​യും കു​ടി​വെ​ള്ള​ത്തി​നു​ള്ള ഏ​ക മാ​ർ​ഗം പൊ​തു ജ​ല​വി​ത​ര​ണ സം​വി​ധാ​ന​മാ​ണ്.

വി​വി​ധ കാ​ര​ണ​ങ്ങ​ൾ പ​റ​ഞ്ഞ് കു​ടി​വെ​ള്ളം നി​ഷേ​ധി​ക്കു​ന്ന വാ​ട്ട​ർ അ​ഥോ​റി​റ്റി അ​ധി​കൃ​ത​രു​ടെ അ​ലം​ഭാ​വ​ത്തി​നെ​തി​രേ ഉ​ന്ന​ത ഉ​ദ്യോ​ഗ​സ്ഥ​ർ​ക്കും വ​കു​പ്പ് മ​ന്ത്രി​ക്കും പ​രാ​തി ന​ൽ​കാ​ൻ ഒ​രു​ങ്ങു​ക​യാ​ണ് ഉ​പ​ഭോ​ക്താ​ക്ക​ൾ.