നെ​ടു​ങ്ക​ണ്ടം: ക​ല്ലാ​റി​ല്‍ പ്ര​വ​ര്‍​ത്തി​ക്കു​ന്ന വ​ര​കു​കാ​ലാ​യി​ല്‍ സാ​നി​റ്റ​റീ​സി​ൽ ലോ​ഡ് ക​യ​റ്റാ​നെ​ത്തി​യ വാ​ഹ​നം ചു​മ​ട്ടുതൊ​ഴി​ലാ​ളി യൂ​ണി​യ​ൻ സ​മ​ര​ക്കാ​ര്‍ ത​ട​ഞ്ഞു. സ്ഥാ​പ​ന​ത്തി​ല്‍ ചു​മ​ട്ടു​തൊ​ഴി​ലാ​ളി​ക​ളെ ഒ​ഴി​വാ​ക്കാ​നാ​യി ഇ​ത​രസം​സ്ഥാ​ന തൊ​ഴി​ലാ​ളി​ക​ള്‍​ക്ക് ജോ​ലി ന​ല്‍​കി​യ​താ​യി ആ​രോ​പി​ച്ച് സം​യു​ക്ത തൊ​ഴി​ലാ​ളി യൂ​ണി​യ​ന്‍റെ നേ​തൃ​ത്വ​ത്തി​ല്‍ സ്ഥാ​പ​ന​ത്തി​നു മു​ന്നി​ൽ 45 ദി​വ​സ​മാ​യി ചു​മ​ട്ടുതൊ​ഴി​ലാ​ളി​ക​ൾ സ​മ​ര​ത്തി​ലാ​ണ്.

എ​ന്നാ​ല്‍, വ്യാ​പാ​രം ത​ട​സ​പ്പെ​ടു​ത്താ​ന്‍ യൂ​ണി​യ​നു​ക​ള്‍​ക്ക് അ​വ​കാ​ശ​മി​ല്ലെ​ന്നും വി​ഷ​യം കോ​ട​തി​യു​ടെ പ​രി​ഗ​ണ​ന​യി​ലാ​ണെ​ന്നും സ്ഥാ​പ​ന ഉ​ട​മ ജോ​ബി വ​ര​കു​കാ​ല പ​റ​ഞ്ഞു. കോ​ട​തി​യും നി​യ​മ​വും അ​നു​ശാ​സി​ക്കു​ന്ന വ്യ​വ​സ്ഥ​ക​ൾ അം​ഗീ​ക​രി​ക്കാ​ന്‍ ത​യാ​റാ​ണ്. തൊ​ഴി​ലാ​ളി​ക​ള്‍​ക്കെ​ന്ന​തു​പോ​ലെ തൊ​ഴി​ല്‍ ദാ​താ​ക്ക​ള്‍​ക്കും നി​യ​മം അ​വ​കാ​ശ​ങ്ങ​ള്‍ ന​ല്‍​കി​യി​ട്ടു​ണ്ട്. അ​ത് പാ​ലി​ച്ചാ​ണ് ത​ങ്ങ​ള്‍ ബി​സി​ന​സ് ചെ​യ്യു​ന്ന​ത്. ത​ങ്ങ​ള്‍ തൊ​ഴി​ലാ​ളി വി​രു​ദ്ധ​രാ​ണെ​ന്നു​ള്ള യൂ​ണി​യ​നു​ക​ളു​ടെ നി​ല​പാ​ട് ശ​രി​യ​ല്ല.

വ​ര്‍​ഷ​ങ്ങ​ളാ​യി ത​ങ്ങ​ളു​ടെ സ്ഥാ​പ​ന​ങ്ങ​ളി​ല്‍ നി​ര​വ​ധി തൊ​ഴി​ലാ​ളി​ക​ള്‍ ജോ​ലി ചെ​യ്യു​ന്നു​ണ്ട്. വാ​ഹ​നം ത​ട​ഞ്ഞു​കൊ​ണ്ട് യൂ​ണി​യ​നു​ക​ള്‍ ഇ​പ്പോ​ള്‍ ന​ട​ത്തു​ന്ന സ​മ​രം മൂ​ലം വ​ലി​യ ന​ഷ്ട​മാ​ണ് ഉ​ണ്ടാ​യി​ട്ടു​ള്ള​ത്. പ്ര​ശ്‌​ന​ത്തി​ല്‍ ലേ​ബ​ര്‍ ക​മ്മീ​ഷ​ണ​ര്‍ ഇ​തു​വ​രെ​യും ച​ര്‍​ച്ച​യ്ക്ക് വി​ളി​ച്ചി​ട്ടി​ല്ലെ​ന്നും ജോ​ബി പ​റ​ഞ്ഞു.

ന്യാ​യ​മാ​യ തൊ​ഴി​ല്‍ അ​വ​കാ​ശം ല​ഭി​ക്കു​ന്ന​തി​നാ​യി സ​മാ​ധാ​ന​പ​ര​മാ​യ സ​മ​ര​മു​റ​ക​ളാ​ണ് ന​ട​ത്തു​ന്ന​തെ​ന്ന് യൂ​ണി​യ​ൻ നേ​താ​ക്ക​ളും പ​റ​യു​ന്നു. ധി​ക്കാ​ര​പ​ര​മാ​യ സ​മീ​പ​ന​മാ​ണ് സ്ഥാ​പ​ന ഉ​ട​മ​യി​ല്‍നി​ന്ന് ഉ​ണ്ടാ​കു​ന്ന​ത്.

ച​ര്‍​ച്ച​യ്ക്ക് ക്ഷ​ണി​ക്കാ​ന്‍ പോ​ലും ഇ​വ​ര്‍ ത​യാ​റാ​കു​ന്നി​ല്ല. ഗോ​ഡൗ​ണു​ക​ളി​ല്‍ ക​യ​റ്റി​റ​ക്ക് ജോ​ലി ചെ​യ്യ​ണ​മെ​ങ്കി​ല്‍ അ​റ്റാ​ച്ച്ഡ് വി​ഭാ​ഗം തൊ​ഴി​ലാ​ളി​ക​ള്‍​ക്കു​ള്ള കാ​ര്‍​ഡ് വേ​ണം. അ​തി​ല്ലാ​ത്ത​വ​രെ ഉ​പ​യോ​ഗി​ച്ചാ​ണ് ഉ​ട​മ ജോ​ലി ചെ​യ്യി​ക്കു​ന്ന​ത്. ഉടമ പി​ടി​വാ​ശി വെ​ടി​ഞ്ഞ് യ​ഥാ​ര്‍​ഥ തൊ​ഴി​ലാ​ളി​ക​ള്‍​ക്ക് ജോ​ലി ന​ല്‍​ക​ണ​മെ​ന്ന് സം​യു​ക്ത സ​മ​ര സ​മി​തി നേ​താ​ക്ക​ള്‍ ആ​വ​ശ്യ​പ്പെ​ട്ടു.