നെ​ടു​ങ്ക​ണ്ടം: ചേ​മ്പ​ള​ത്ത് സ്‌​കൂ​ള്‍ പ​രി​സ​ര​ത്തേ​ക്ക് മാ​ലി​ന്യ​ങ്ങ​ള്‍ ഒ​ഴു​ക്കി​വി​ട്ട​താ​യി പ​രാ​തി. ചേ​മ്പ​ളം സെന്‍റ്് മേ​രീ​സ് എ​ല്‍​പി സ്‌​കൂ​ളി​ന്‍റെ പാ​ച​ക​പ്പു​ര​യി​ലേ​ക്കും മു​റ്റ​ത്തേ​ക്കും ക​ന്യാ​സ്ത്രീ മ​ഠ​ത്തി​ലേ​ക്കു​മാ​ണ് മാ​ലി​ന്യ​ങ്ങ​ള്‍ ഒ​ഴു​കി​യെ​ത്തി​യ​ത്. സ്‌​കൂ​ളി​​ന്‍റെ സ​മീ​പ​ത്തു​ള്ള ഒ​രു വ്യ​ക്തി സ്ഥി​ര​മാ​യി സ്‌​കൂ​ള്‍ പ​രി​സ​ര​ത്തേ​ക്ക് മാ​ലി​ന്യ​ങ്ങ​ള്‍ ഒ​ഴു​ക്കി​വി​ടു​ന്ന​താ​യി പി​ടി​എ ഭാ​ര​വാ​ഹി​ക​ള്‍ പ​റ​ഞ്ഞു. ഇ​ത് അ​വ​സാ​നി​പ്പി​ക്കാ​ന്‍ പ​ല​ത​വ​ണ ആ​വ​ശ്യ​പ്പെ​ട്ടെ​ങ്കി​ലും ഇ​യാ​ള്‍ ത​യാ​റാ​യി​ട്ടി​ല്ല.

ഇ​യാ​ളു​ടെ മീ​ന്‍കു​ള​ത്തി​ലെയും ചാ​ണ​ക​ക്കു​ഴി​യി​ലെയും മറ്റു മാ​ലി​ന്യ​ങ്ങ​ളും സ്ഥി​ര​മാ​യി ഒ​ഴു​ക്കി​വി​ടു​ക​യാ​ണ്. അ​സ​ഹ​നീ​യ​മാ​യ ദു​ര്‍​ഗ​ന്ധ​മാ​ണ് സ്‌​കൂ​ള്‍ പ​രി​സ​ര​ത്ത്.

250 ഓ​ളം കൊ​ച്ചു​കു​ട്ടി​ക​ള്‍ പ​ഠി​ക്കു​ന്ന സ്‌​കൂ​ളി​​ന്‍റെ പ്ര​വ​ര്‍​ത്ത​ന​ത്തെ​ ത​ന്നെ ബാ​ധി​ക്കു​ന്ന വി​ധ​മാ​ണ് കഴിഞ്ഞ ദിവസം മാ​ലി​ന്യം ഒ​ഴി​ക്കി​യ​ത്. ഒ​ഴു​കി​യെ​ത്തി​യ മാ​ലി​ന്യ​ങ്ങ​ള്‍ പാ​ച​ക​പ്പു​ര​യ്ക്ക് ഉ​ള്ളി​ലേ​ക്ക് ക​യ​റി​യ​തി​നാ​ല്‍ ഭ​ക്ഷ​ണം പാ​കം ചെ​യ്യു​ന്ന​തും ത​ട​സ​പ്പെ​ട്ടു.

സം​ഭ​വം സം​ബ​ന്ധി​ച്ച് പാ​മ്പാ​ടും​പാ​റ പ​ഞ്ചാ​യ​ത്തി​ല്‍ സ്‌​കൂ​ള്‍ അ​ധി​കൃ​ത​ര്‍ പ​രാ​തി ന​ല്‍​കി. പ​ഞ്ചാ​യ​ത്ത് പ്ര​സി​ഡ​ന​ന്‍റ് ജോ​സ് തെ​ക്കെ​ക്കു​റ്റ് സ്ഥ​ല​ത്തെ​ത്തു​ക​യും മാ​ലി​ന്യം നീ​ക്കം ചെ​യ്യാ​ന്‍ അ​യ​ല്‍​വാ​സി​യോ​ട് ആ​വ​ശ്യ​പ്പെ​ടു​ക​യും ചെ​യ്തു. സ്വ​കാ​ര്യ വ്യ​ക്തി​യു​ടെ ഇ​ത്ത​രം പ്ര​വ​ര്‍​ത്ത​ന​ങ്ങ​ള്‍ നി​ര്‍​ത്താ​ന്‍ പ​ഞ്ചാ​യ​ത്തും ആ​രോ​ഗ്യ​വ​കു​പ്പും ന​ട​പ​ടി സ്വീ​ക​രി​ക്ക​ണ​മെ​ന്ന് സ്‌​കൂ​ള്‍ അ​ധി​കൃ​ത​ര്‍ ആ​വ​ശ്യ​പ്പെ​ട്ടു.