തൊ​ടു​പു​ഴ: ജി​ല്ല​യു​ടെ പ്ര​ധാ​ന പാ​ത​യോ​ര​ങ്ങ​ളി​ലെ​ല്ലാം മാ​ലി​ന്യം ത​ള്ള​ൽ പ​തി​വാ​കു​ന്നു. പ്ര​ധാ​ന വി​നോ​ദ സ​ഞ്ചാ​ര കേ​ന്ദ്ര​ങ്ങ​ളി​ലേ​ക്കു​ള്ള പാ​ത​യോ​ര​ങ്ങ​ളി​ലാ​ണ് കൂ​ടു​ത​ൽ മാ​ലി​ന്യ നി​ക്ഷേ​പ​വും ന​ട​ക്കു​ന്ന​ത്. സ​ഞ്ചാ​രി​ക​ൾ ഉ​പ​യോ​ഗ​ത്തി​നു ശേ​ഷം ത​ള്ളു​ന്ന ഭ​ക്ഷ​ണാ​വ​ശി​ഷ്ട​ങ്ങ​ളും കു​പ്പി​ക​ളു​മെ​ല്ലാം വ​ഴി​വ​ക്കി​ൽ കി​ട​ക്കു​ക​യാ​ണ്.

ഹ​രി​ത കേ​ര​ളം പ​ദ്ധ​തി​യു​ടെ ഭാ​ഗ​മാ​യി നേ​ര​ത്തേ മാ​ലി​ന്യ​നീ​ക്കം ഉൗ​ർ​ജി​ത​മാ​യി ന​ട​ന്നി​രു​ന്നെ​ങ്കി​ലും ഇ​പ്പോ​ൾ പ​ല മേ​ഖ​ല​ക​ളി​ലും മാ​ലി​ന്യം സ​മ​യാ സ​മ​യ​ങ്ങ​ളി​ൽ നീ​ക്കം ചെ​യ്യാ​ൻ അ​ധി​കൃ​ത​ർ കാ​ര്യ​മാ​യ ഇ​ട​പെ​ട​ൽ ന​ട​ത്തു​ന്നി​ല്ല. അ​ന്യ ജി​ല്ല​കളി​ൽനി​ന്നും ഇ​വി​ടേ​യ്ക്ക് ഹോ​ട്ട​ൽ മാ​ലി​ന്യ​വും മ​റ്റും എ​ത്തി​ക്കു​ന്ന സം​ഘ​ങ്ങ​ളും സ​ജീ​വ​മാ​ണ്.

കൊ​ച്ചി-​ധ​നു​ഷ്കോ​ടി ദേ​ശീ​യ​പാ​ത​യി​ൽ നേ​ര്യ​മം​ഗ​ലം വ​ന​മേ​ഖ​ല​യി​ൽ വ​ൻ​തോ​തി​ൽ മാ​ലി​ന്യം ത​ള്ളു​ന്നു​ണ്ട്. മൂ​ന്നാ​റി​ലേ​ക്ക് എ​ത്തു​ന്ന സ​ഞ്ചാ​രി​ക​ൾ പാ​ത​യോ​ര​ത്ത് ഭ​ക്ഷ​ണം ക​ഴി​ച്ച​ശേ​ഷം അ​വ​ശി​ഷ്ട​ങ്ങ​ൾ നേ​ര്യ​മം​ഗ​ലം വ​ന​ത്തി​ൽ ത​ള്ളു​ന്ന​താ​ണ് മാ​ലി​ന്യ​പ്ര​ശ്നം രൂ​ക്ഷ​മാ​കാ​ൻ കാ​ര​ണ​മാ​കു​ന്ന​ത്.

ഇ​തോ​ടൊ​പ്പം സ​മീ​പ ജി​ല്ല​ക​ളി​ൽ നി​ന്ന് രാ​ത്രി​കാ​ല​ങ്ങ​ളി​ൽ ശു​ചി​മു​റി മാ​ലി​ന്യ​ങ്ങ​ൾ ഉ​ൾ​പ്പെ​ടെ​യു​ള്ള​വ​യും ത​ള്ളു​ന്നു​ണ്ട്. ചീ​യ​പ്പാ​റ, വാ​ള​റ വെ​ള്ള​ച്ചാ​ട്ട​ങ്ങ​ൾ​ക്കു സ​മീ​പ​വും ചെ​ങ്കു​ളം ഹൈ​ഡ​ൽ ടൂ​റി​സം ബോ​ട്ടിം​ഗ് കേ​ന്ദ്ര​ത്തി​ന് സ​മീ​പ​വും മാ​ലി​ന്യം നി​ക്ഷേ​പി​ക്കു​ന്നു​ണ്ട്.

അ​വ​ധി ആ​ഘോ​ഷി​ക്കാ​നാ​യി സ​ഞ്ചാ​രി​ക​ൾ കു​ടു​ബ സ​മേ​തം എ​ത്തു​ന്ന മൂ​ന്നാ​റി​ൽ മാ​ലി​ന്യ പ്ര​ശ്നം അ​തി​രൂ​ക്ഷ​മാ​ണ്. വീ​ടു​ക​ളി​ൽനി​ന്നും ഹോ​ട്ട​ലു​ക​ളി​ൽനി​ന്നും പൊ​തി​ഞ്ഞു കൊ​ണ്ടു​വ​രു​ന്ന ഭ​ക്ഷ​ണ സാ​ധ​ന​ങ്ങ​ൾ സ​ഞ്ചാ​രി​ക​ൾ പ്ര​ധാ​ന പാ​ത​യോ​ര​ങ്ങ​ളി​ലി​രു​ന്നാ​ണ് ക​ഴി​ക്കു​ന്ന​ത്.
ഭ​ക്ഷ​ണ​ശേ​ഷം ആ​ഹാ​രാ​വ​ശി​ഷ്ട​ങ്ങ​ളും വെ​ള്ള​ക്കു​പ്പി​ക​ളും പാ​ത​യോ​ര​ങ്ങ​ളി​ൽ ഉ​പേ​ക്ഷി​ക്കു​ന്ന​ത് പ​തി​വാ​ണ്.

പ​ഴ​യ മൂ​ന്നാ​ർ ബൈ​പാ​സ്, രാ​ജ​മ​ല, മാ​ട്ടു​പ്പെ​ട്ടി റോ​ഡു​ക​ൾ എ​ന്നി​വി​ട​ങ്ങ​ളി​ലാ​ണ് സ​ഞ്ചാ​രി​ക​ൾ ഏ​റ്റ​വു​മ​ധി​കം മാ​ലി​ന്യ​ങ്ങ​ൾ ത​ള്ളി​യി​രി​ക്കു​ന്ന​ത്. മു​തി​ര​പ്പു​ഴ​യി​ലും മാ​ലി​ന്യ​ങ്ങ​ൾ ത​ള്ളു​ന്നു​ണ്ട്.
തൊ​ടു​പു​ഴ - പു​ളി​യ​ൻ​മ​ല സം​സ്ഥാ​ന പാ​ത​യി​ൽ കു​ള​മാ​വ് മു​ത​ൽ പൈ​നാ​വ് വ​രെ​യു​ള്ള വ​ന​മേ​ഖ​ല​യി​ൽ മാ​ലി​ന്യം ത​ള്ള​ൽ നി​ർ​ബാ​ധം തു​ട​രു​ക​യാ​ണ്.

ഹോ​ട്ട​ൽ മാ​ലി​ന്യ​ങ്ങ​ളും ജൈ​വാ​വ​ശി​ഷ്ട​ങ്ങ​ളും അ​റ​വു​ശാ​ല മാ​ലി​ന്യ​ങ്ങ​ളും മ​ത്സ്യാ​വ​ശി​ഷ്ട​ങ്ങ​ളു​മെ​ല്ലാം ഇ​ക്കൂ​ട്ട​ത്തി​ൽ ഉ​ണ്ട്. പ്ലാ​സ്റ്റി​ക് മാ​ലി​ന്യ​ങ്ങ​ളും മ​ദ്യ​ക്കു​പ്പി​ക​ളു​മെ​ല്ലാം വ​ന​മേ​ഖ​ല​യി​ൽ ചി​ത​റി​ക്കി​ട​ക്കു​ന്ന​ത് പ​തി​വു കാ​ഴ്ച​യാ​ണ്. വാ​ഗ​മ​ണ്‍ വി​നോ​ദ സ​ഞ്ചാ​ര കേ​ന്ദ്ര​ത്തി​ലും മാ​ലി​ന്യ നി​ക്ഷേ​പ​മു​ണ്ട്.

ഇ​പ്പോ​ൾ ഈ ​ചെ​ക്ക്പോ​സ്റ്റു​ക​ളു​ടെ പ്ര​വ​ർ​ത്ത​നം നി​ല​ച്ചി​രി​ക്കു​ക​യാ​ണ്. ഇ​പ്പോ​ൾ വാ​ഗ​മ​ണ്ണി​ലേ​ക്കു​ള്ള റോ​ഡു​ക​ളു​ടെ വ​ശ​ങ്ങ​ളി​ലെ​ല്ലാം സ​ഞ്ചാ​രി​ക​ൾ ഉ​പേ​ക്ഷി​ക്കു​ന്ന ഭ​ക്ഷ​ണാ​വ​ശി​ഷ്ട​ങ്ങ​ളും വെ​ള്ള​ക്കു​പ്പി​ക​ളും മ​ദ്യ​ക്കു​പ്പി​ക​ളും ചി​ത​റി​ക്കി​ട​ക്കു​ക​യാ​ണ്.

ആ​ല​പ്പു​ഴ -മ​ധു​ര സം​സ്ഥാ​ന പാ​ത​യു​ടെ ഭാ​ഗ​മാ​യ ചേ​ല​ച്ചു​വ​ട്-​വ​ണ്ണ​പ്പു​റം റോ​ഡി​ലും മാ​ലി​ന്യം ത​ള്ളു​ന്ന​ത് പ​തി​വാ​ണ്. വ​ണ്ണ​പ്പു​റം പ​ഞ്ചാ​യ​ത്തി​ലെ മു​ണ്ട​ൻ​മു​ടി, ക​ന്പ​ക​ക്കാ​നം, ക​ഞ്ഞി​ക്കു​ഴി പ​ഞ്ചാ​യ​ത്തി​ലെ പ​ഴ​യ​രി​ക്ക​ണ്ടം മു​ത​ൽ ത​ട്ടേ​ക്ക​ല്ല് വ​രെ​യു​ള്ള ഭാ​ഗ​ത്താ​ണ് രാ​ത്രി​യു​ടെ മ​റ​വി​ൽ സാ​മൂ​ഹ്യ​വി​രു​ദ്ധ​ർ പ​തി​വാ​യി മാ​ലി​ന്യം ത​ള്ളു​ന്ന​ത്. ശു​ചി​മു​റി മാ​ലി​ന്യ​ങ്ങ​ൾ അ​ട​ക്ക​മു​ള്ള​വ​യാ​ണ് ചാ​ക്കി​ൽ നി​റ​ച്ച് റോ​ഡ് വ​ക്കി​ൽ ത​ള്ളു​ന്ന​ത്.

തൊ​ടു​പു​ഴ-​പാ​ലാ റൂ​ട്ടി​ലെ ജി​ല്ലാ​തി​ർ​ത്തി​യാ​യ നെ​ല്ലാ​പ്പാ​റ​യി​ലും മാ​ലി​ന്യ​നി​ക്ഷേ​പ​മു​ണ്ട്. ഈ ​ഭാ​ഗ​ത്ത് വാ​ഹ​ന​ങ്ങ​ൾ നി​ർ​ത്തി ആ​ളു​ക​ൾ ആ​ഹാ​രം ക​ഴി​ക്കു​ന്ന​ത് പ​തി​വാ​ണ്. മ​റ്റു സം​സ്ഥാ​ന​ങ്ങ​ളി​ൽനി​ന്ന് എ​ത്തു​ന്ന ച​ര​ക്കു​ലോ​റി​ക​ളും ത​ടി​ലോ​റി​ക​ളും ഉ​ൾ​പ്പെ​ടെ രാ​ത്രി ഇ​വി​ടെ ത​ങ്ങാ​റു​ണ്ട്.