വനിതാ കമ്മീഷന് സെമിനാര് ഇന്ന്
1574619
Thursday, July 10, 2025 7:01 AM IST
കോട്ടയം: സംസ്ഥാന വനിതാ കമ്മീഷനും ജില്ലാ പഞ്ചായത്തും സംയുക്തമായി സ്ത്രീകളും ആരോഗ്യവും, സൈബര് ഇടങ്ങളിലെ ചതിക്കുഴികള് എന്നീ വിഷയങ്ങളില് സംസ്ഥാനതല സെമിനാര് സംഘടിപ്പിക്കും. ജില്ലാ പഞ്ചായത്ത് ഹാളില് ഇന്നു രാവിലെ 10ന് വനിതാ കമ്മീഷന് അംഗം അഡ്വ. ഇന്ദിര രവീന്ദ്രന് സെമിനാര് ഉദ്ഘാടനം ചെയ്യും.
ജില്ലാ പഞ്ചായത്ത് പ്രസിഡന്റ് ഹേമലത പ്രേംസാഗര് അധ്യക്ഷത വഹിക്കും. ചങ്ങനാശേരി ജനറല് ആശുപത്രി ഗൈനക്കോളജിസ്റ്റ് കണ്സള്ട്ടന്റ് ഡോ.എല്. ലതാകുമാരി, കേരള പോലീസ് സൈബര് എക്സ്പേര്ട്ട് ബി. ശ്യംകുമാര്,
ജില്ലാ പഞ്ചായത്തംഗങ്ങളായ വൈസ് പ്രസിഡന്റ് ജോസ് പുത്തന്കാലാ, പി.ആര്. അനുപമ, പി.എം. മാത്യു, മഞ്ജു സുജിത്, ഹൈമി ബോബി, ജില്ലാ പഞ്ചായത്ത് സെക്രട്ടറി പി.എസ്. ഷിനോ, കേരള വനിതാ കമ്മീഷന് മെംബര് സെക്രട്ടറി വൈ.ബി. ബീന, കേരള വനിതാ കമ്മീഷന് റിസര്ച്ച് ഓഫീസര് എ.ആര്. അര്ച്ചന എന്നിവര് പങ്കെടുക്കും.