വൈ​ക്കം: അ​ധഃ​സ്ഥി​ത ജ​ന​ത​യു​ടെ സ​ഞ്ചാ​ര സ്വാ​ത​ന്ത്ര്യ​ത്തി​നാ​യി ന​ട​ന്ന ഐ​തി​ഹാ​സി​ക സ​മ​ര​മാ​യ വൈ​ക്കം സ​ത്യ​ഗ്ര​ഹ​ത്തി​ന്‍റെ ദീ​പ്ത​സ്മ​ര​ണ​ക​ൾ വൈ​ക്കം സ​ത്യ​ഗ്ര​ഹ സ്മാ​ര​ക​ത്തി​ലെ മ്യൂ​സി​യ​ത്തി​ലെ​ത്തി​യാ​ൽ തൊ​ട്ട​റി​യാം.

വി​സ്മ​യ​ത്തി​ന്‍റെ​യും വി​ജ്ഞാ​ന​ത്തി​ന്‍റെ​യും ജാ​ല​കം തു​റ​ന്നു​ത​രു​ന്ന വൈ​ക്കം സ​ത്യ​ഗ്ര​ഹ മ്യൂ​സി​യം മ​ഹാ​ത്മ​ജി ബോ​ട്ടി​റ​ങ്ങി​യ വൈ​ക്ക​ത്തെ പ​ഴ​യ ബോ​ട്ടു​ജെ​ട്ടി​യു​ടെ സ​മീ​പ​ത്താ​ണ്.
വൈ​ക്കം സ​ത്യ​ഗ്ര​ഹ​ത്തി​ലെ സം​ഭ​വ ബ​ഹു​ല​മാ​യ അ​ന​ർ​ഘ​നി​മി​ഷ​ങ്ങ​ളും ഗാ​ന്ധി​ജി​യു​ടെ വൈ​ക്കം സ​ന്ദ​ർ​ശ​ന​വു​മെ​ല്ലാം പ​ഴ​യ​കാ​ല രേ​ഖ​ക​ളി​ലൂ​ടെ​യും ചി​ത്ര​ങ്ങ​ളി​ലൂ​ടെ​യും മ്യൂ​സി​യ​ത്തി​ൽ അ​നാ​വ​ര​ണം ചെ​യ്യ​പ്പെ​ടു​ന്നു.

സ​ത്യ​ഗ്ര​ഹ സ്മാ​ര​ക മു​റ്റ​ത്ത് സ്ഥാ​പി​ച്ചി​ട്ടു​ള്ള ഗാ​ന്ധി​ജി​യു​ടെ അ​ർ​ധ​കാ​യ പ്ര​തി​മ​യാ​ണ് സ്മാ​ര​ക​ത്തി​ലെ മു​ഖ്യാ​ക​ർ​ഷ​ണം. അ​ധഃ​സ്ഥി​ത​ർ​ക്ക് നി​ര​ത്തി​ൽ പ​രി​ധി നി​ശ്ച​യി​ച്ചി​രു​ന്ന തീ​ണ്ടാ​പ്പ​ല​ക സ​ത്യ​ഗ്ര​ഹി​ക​ൾ എ​ടു​ത്തെ​റി​യു​ന്ന ശി​ല്പം, വൈ​ക്കം മ​ഹാ​ദേ​വ ക്ഷേ​ത്ര​ത്തി​ലേ​ക്കു പ്ര​വേ​ശി​ക്കാ​നാ​യി നി​ൽ​ക്കു​ന്ന വി​ശ്വാ​സി​ക​ളു​ടെ ശി​ല്പ​വു​മൊ​ക്കെ നൂ​റു​വ​ർ​ഷം മു​മ്പ​ത്തെ സാ​മൂ​ഹ്യ ജീ​വി​ത​ത്തി​ന്‍റെ നേ​ർ​ക്കാ​ഴ്ച​ക​ളാ​ണ്.

സ​ത്യ​ഗ്ര​ഹ സ്മാ​ര​ക​ത്തി​ലെ​ത്തി മ്യൂ​സി​യം സ​ന്ദ​ർ​ശി​ച്ച് പു​റ​ത്തി​റ​ങ്ങു​ന്നൊ​രാ​ൾ ഉ​ള്ളു​പൊ​ള്ളു​ന്ന അ​നു​ഭ​വ​ങ്ങ​ളു​മാ​യാ​ണ് മ​ട​ങ്ങു​ന്ന​ത്. നൂ​റു വ​ർ​ഷ​ങ്ങ​ൾ​ക്ക് മു​മ്പ് മൃ​ഗ​ങ്ങ​ളേ​ക്കാ​ൾ അ​വ​ഗ​ണ​ന സ​ഹി​ച്ചു ജ​ന്മ​ത്തെ ശ​പി​ച്ചു ജീ​വി​ച്ച മ​നു​ഷ്യ​രു​ടെ ജീ​വി​ത ദൈ​ന്യ​ത ഒ​രു യാ​ഥാ​ർ​ഥ്യ​മാ​യി​രു​ന്നെ​ന്ന് പു​തി​യ കാ​ല​ത്തെ വി​ദ്യാ​ർ​ഥി​ക​ൾ​ക്കും യു​വ​ജ​ന​ങ്ങ​ൾ​ക്കും വി​ശ്വ​സി​ക്കാ​നാ​വു​ന്നി​ല്ല.

ഗാ​ന്ധി​ജി വൈ​ക്കം ബോ​ട്ട് ജെ​ട്ടി​യി​ൽ ഇ​റ​ങ്ങി​യ​ത്, കാ​യ​ൽ​ക്ക​ര പ്ര​സം​ഗം, ഇ​ണ്ടം​തു​രു​ത്തി മ​ന​യി​ലെ ച​ർ​ച്ച, ഗാ​ന്ധി​ജി - ശ്രീ​നാ​രാ​യ​ണ​ഗു​രു കൂ​ടി​ക്കാ​ഴ്ച തു​ട​ങ്ങി ഒ​ട്ടേ​റെ സം​ഭ​വ​ങ്ങ​ളു​ടെ രേ​ഖ​ക​ൾ ഇ​വി​ടെ​യു​ണ്ട്. റി​സ​പ്ഷ​ൻ, ഗാ​ല​റി, വൈ​ക്കം - സ​ത്യ​ഗ്ര​ഹ​ത്തി​നു മു​ൻ​പ്, സ​ത്യ​ഗ്ര​ഹ​ത്തി​ലെ പ്ര​ധാ​ന സം​ഭ​വ​ങ്ങ​ൾ, തീ​ണ്ടാ​പ്പ​ല​ക​യും സ​മ​ര​സേ​നാ​നി​ക​ളും ഇ​ങ്ങ​നെ നീ​ണ്ടു​പോ​കു​ന്നു മ്യൂ​സി​യ​ത്തി​ലെ കാ​ഴ്ച​ക​ൾ.

സ​മ​ര​സേ​നാ​നി​ക​ളു​ടെ ചി​ത്ര​ങ്ങ​ൾ ഉ​ൾ​പ്പെ​ടു​ത്തി​യ ഫോ​ട്ടോ ഗാ​ല​റി, ആ​ർ​ട്ട് ഗാ​ല​റി, റി​സ​ർ​ച് സെ​ന്‍റ​ർ, ഉ​ദ്യാ​നം, മി​നി തി​യ​റ്റ​ർ, ഇ​ന്‍റ​റാ​ക്ടീ​വ് സ്‌​ക്രീ​ൻ, ഇ​ന്‍റ​റാ​ക്ടീ​വ് കി​യോ​സ്‌​ക് എ​ന്നി​വ​യും ഒ​രു​ക്കി​യി​ട്ടു​ണ്ട്. നാ​ല് ഹാ​ളു​ക​ളി​ൽ ക്ര​മീ​ക​രി​ച്ചി​രി​ക്കു​ന്ന ഡി​ജി​റ്റ​ൽ രൂ​പ​ത്തി​ലു​ള്ള പു​രാ​രേ​ഖ​ക​ൾ, രേ​ഖാ​ചി​ത്ര​ങ്ങ​ൾ, പ​ക​ർ​പ്പു​ക​ൾ, ഡോ​ക്യു​മെ​ന്‍റ​റി പ്ര​ദ​ർ​ശ​നം, ഗാ​ന്ധി ഗാ​ല​റി എ​ന്നി​വ​യാ​ണു മ​റ്റു സ​വി​ശേ​ഷ​ത​ക​ൾ.

603 ദി​വ​സം നീ​ണ്ടു​നി​ന്ന ദേ​ശീ​യ​ശ്ര​ദ്ധ ആ​ക​ർ​ഷി​ച്ച വൈ​ക്കം സ​ത്യ​ഗ്ര​ഹം അ​യി​ത്ത​ത്തി​നെ​തി​രാ​യി രാ​ജ്യ​ത്ത് ആ​ദ്യം ന​ട​ന്ന പോ​രാ​ട്ട​മാ​യാ​ണ് ക​ണ​ക്കാ​ക്ക​പ്പെ​ടു​ന്ന​ത്.