കാ​യം​കു​ളം: ആ​കാ​ശം മു​ട്ടു​ന്ന കെ​ട്ടു​കാ​ഴ്ച​ക​ളും അ​നു​ഷ്ഠാ​ന വി​ശു​ദ്ധി​യോ​ടെ​യു​ള്ള കു​ത്തി​യോ​ട്ട​ങ്ങ​ളു​മാ​യി ലോ​കോ​ത്സ​വ​ങ്ങ​ളു​ടെ നെ​റു​ക​യി​ല്‍ ഇ​ടം നേ​ടി​യ ചെ​ട്ടി​കു​ള​ങ്ങ​ര ക്ഷേ​ത്ര​ത്തി​ലെ കും​ഭ​ഭ​ര​ണി ഉ​ത്സ​വ കെ​ട്ടു​കാ​ഴ്ച വി​സ്മ​യ​മാ​യി. ആ​ചാ​ര വി​ശു​ദ്ധി​യോ​ടെ ഇ​ന്ന​ലെ രാ​വി​ലെ ഏ​ഴു​മു​ത​ല്‍ വ​ഴി​പാ​ട് ഭ​വ​ന​ങ്ങ​ളി​ല്‍​നി​ന്നു കു​ത്തി​യോ​ട്ട ഘോ​ഷ​യാ​ത്ര​ക​ള്‍ ഒ​ന്നൊ​ന്നാ​യി ക്ഷേ​ത്ര​ത്തി​ലേ​ക്ക് എ​ത്തി​ത്തു​ട​ങ്ങി.

തു​ട​ര്‍​ന്ന് ക്ഷേ​ത്ര പ്ര​ദ​ര്‍​ശ​ന ത്തി​നുശേ​ഷം ദേ​വീ സ​ന്നി​ധി​യി​ല്‍ ചു​വ​ട് ച​വി​ട്ടി കു​ത്തി​യോ​ട്ട സ​മ​ര്‍​പ്പ​ണം ന​ട​ന്നു. ന​ര​ബ​ലി സ​ങ്ക​ല്‍​പ്പ​ത്തി​ല്‍ അ​ധി​ഷ്ഠി​ത​മാ​യ വ​ഴി​പാ​ടാ​ണ് കു​ത്തി​യോ​ട്ടം, അ​തി​നാ​ല്‍ ഭ​ക്ത​സ​ഹ​സ്ര​ങ്ങ​ള്‍ ക്ഷേ​ത്ര​ത്തി​ലേ​ക്ക് ഒ​ഴു​കി​യെ​ത്തി. കും​ഭ​ഭ​ര​ണി​നാ​ളി​ല്‍ മാ​ത്രം ന​ട​ത്തു​ന്ന വ​ഴി​പാ​ടാ​ണ് കു​ത്തി​യോ​ട്ടം എ​ന്ന പ്ര​ത്യേ​ക​ത​യുമുണ്ട്.

ക്ഷേ​ത്ര​വു​മാ​യി ബ​ന്ധ​പ്പെ​ട്ട 13 ക​ര​ക​ളി​ലാ​യി നി​ര്‍​മി​ച്ച ദൃ​ശ്യവി​സ്മ​യ​ങ്ങ​ളാ​യ കെ​ട്ടു​കാ​ഴ്ച​ക​ള്‍​ ഒ​ന്നൊ​ന്നാ​യി വൈ​കു​ന്നേ​രം നാ​ലൊ​ടെ ക്ഷേ​ത്ര​ത്തി​ലെ​ത്തി തു​ട​ങ്ങി. കെ​ട്ടു​കാ​ഴ്ച​ക​ള്‍ ക്ഷേ​ത്രസ​ന്നി​ധി​യി​ല്‍ എ​ത്തി ദേ​വി​യെ വ​ണ​ങ്ങി സ​മീ​പ​ത്തെ കാ​ഴ്ചക്ക​ണ്ട​ത്തി​ല്‍ അ​ണി​നി​ര​ന്ന വ​ര്‍​ണാഭ​മാ​യ കാ​ഴ്ച ദ​ര്‍​ശി​ക്കാ​ന്‍ ഒ​രു ദേ​ശ​മാ​കെ ഇ​ന്ന​ലെ ചെ​ട്ടി​കു​ള​ങ്ങ​ര​യി​ലേ​ക്കു പ്ര​വ​ഹി​ക്കു​ക​യാ​യി​രു​ന്നു .

ആ​റു കു​തി​ര, അ​ഞ്ചു തേ​ര്, ഭീ​മ​ന്‍, ഹ​നു​മാ​ന്‍, പാ​ഞ്ചാ​ലി എ​ന്നി​വ​യാ​യി​രു​ന്നു കെ​ട്ടു​കാ​ഴ്ചക​ളാ​യി എ​ത്തി​യ​ത്. ക​ര​വി​രു​തും അ​തി​ലേ​റെ ഭ​ക്തി​യും ക​ല​യും ഓ​ണാ​ട്ടു​ക​ര​യു​ടെ ഒ​രു​മ​യും പ്ര​ക​ട​മാ​ക്കു​ന്ന​താ​യി​രു​ന്നു കും​ഭ​ഭ​ര​ണി കെ​ട്ടു​കാ​ഴ്ചക​ള്‍. പു​ല​ര്‍​ച്ചെ ചെ​ട്ടി​കു​ള​ങ്ങ​ര അ​മ്മ​യു​ടെ എ​ഴു​ന്ന​ള്ളി​പ്പ് ന​ട​ക്കു​ന്ന​തോ​ടെ ഈ ​വ​ര്‍​ഷ​ത്തെ കും​ഭ ഭ​ര​ണി ഉ​ത്സ​വം സ​മാ​പി​ക്കും.