ഹ​രി​പ്പാ​ട്‌: സാ​ഹി​ത്യ പ്ര​വ​ർ​ത്ത​ക​ സ​ഹ​ക​ര​ണ​സം​ഘം പു​സ്‌​ത​ക പ്ര​സാ​ധ​ന ച​രി​ത്രത്തി​ൽ 80 വ​ർ​ഷ​ങ്ങ​ൾ പൂ​ർ​ത്തീ​ക​രി​ക്കു​ന്ന പ​ശ്ചാത്ത​ല​ത്തി​ൽ നാ​ഷ​ണ​ൻ ബു​ക്ക് സ്റ്റാ​ളി​ന്‍റെ ആ​ഭി​മു​ഖ്യ​ത്തി​ൽ ഇ​ന്നുമു​ത​ൽ 15 വ​രെ പു​സ്തകോ​ത്സ​വം​സം​ഘ​ടി​പ്പി​ക്കും.​ വൈ​കി​ട്ട് 3.30ന് ​കേ​ര​ള​വ​ർ​മ മെ​മ്മോ​റി​യ​ൽ താ​ലൂ​ക്ക് സെ​ൻ​ട്ര​ൽ ലൈ​ബ്ര​റി അ​ങ്ക​ണ​ത്തി​ൽ മു​ൻ​മ​ന്ത്രി ജി.​ സു​ധാ​ക​ര​ൻ പു​സ്‌​ത​കോ​ത്സ​വം ഉ​ദ്ഘാ​ട​നം ചെ​യ്യും. സ്വാ​ഗ​ത​സം​ഘം ചെ​യ​ർ​മാ​ൻ സി.​എ​ൻ.​എ​ൻ. ന​മ്പി അ​ധ്യ​ക്ഷ​നാ​കും.

ആ​ദ്യ വി​ൽ​പ്പ​ന ഹ​രി​പ്പാ​ട് ന​ഗ​ര​സ​ഭാ ചെ​യ​ർ​മാ​ൻ കെ.​കെ. രാ​മ​കൃ​ഷ്ണ​നും കു​ട്ടി​ക​ൾ​ക്കു​ള്ള പു​സ്ത​ക കൂ​പ്പ​ൺ വി​ത​ര​ണം കേ​ര​ള ഗ്രാ​മീ​ണ ബാ​ങ്ക് റീ​ജ​ണ​ൽ മാ​നേ​ജ​ർ ര​മ്യ നി​ർ​വ​ഹി​ക്കും. ജി.​ ബാ​ബു​രാ​ജ്, ഇ​ള​നെ​ല്ലൂ​ർ ത​ങ്ക​ച്ച​ൻ, എം.​ സ​ത്യ​പാ​ല​ൻ, ജോ​ൺ തോ​മ​സ്, കെ.​സോ​മ​ൻ, വൃ​ന്ദ.​എ​സ്.​ കു​മാ​ർ, എ​സ്‌​പി​സി​എ​സ് സെ​ക്ര​ട്ട​റി എ​സ്.​ സ​ന്തോ​ഷ്കു​മാ​ർ എ​ന്നി​വ​ർ പ്ര​സം​ഗി​ക്കും.

വ്യാ​ഴാ​ഴ്ച ന​ട​ക്കു​ന്ന സാം​സ്‌​കാ​രി​ക സ​മ്മേ​ള​നം ര​മേ​ശ് ചെ​ന്നി​ത്ത​ല എം​എ​ൽ​എ ഉ​ദ്ഘാ​ട​നം ചെ​യ്യും. വി​വി​ധ ദി​വ​സ​ങ്ങ​ളി​ലാ​യി സ​ഹ​കാ​രി സം​ഗ​മം, വ​നി​താ​ദി​നാ​ച​ര​ണം, കേ​ര​ള കാ​ളി​ദാ​സ ട്ര​സ്റ്റി​ന്‍റെ ആ​ഭി​മു​ഖ്യ​ത്തി​ൽ വി​വി​ധ പ​രി​പാ​ടി​ക​ൾ, സ​ർ​ഗ ചൈ​ത​ന്യ റൈ​റ്റേ​ഴ്സ് ഫോ​റം അ​വ​ത​രി​പ്പി​ക്കു​ന്ന ക​വി​യ​ര​ങ്ങ്, ല​ഹ​രി വി​രു​ദ്ധ സെ​മി​നാ​ർ, പു​സ്ത​ക​പ്ര​കാ​ശ​നം, കേ​ര​ള വ​ർ​മ സെ​ൻ​ട്ര​ൽ ലൈ​ബ്ര​റി​യു​ടെ വി​വി​ധ പ​രി​പാ​ടി​ക​ൾ, അ​ക്ഷ​ര ശ്ലോ​ക​സ​ദ​സ് എ​ന്നി​വ ന​ട​ക്കും.​ സ​മാ​പ​ന സ​മ്മേ​ള​ന​ത്തി​ൽ എ​ൻ​ബി​എ​സ് മാ​ർ​ക്ക​റ്റിം​ഗ് മാ​നേ​ജ​ർ ജി.​ ബി​പി​ൻ ന​ന്ദി പ​റ​യും. 10 ദി​വ​സ​ങ്ങ​ളാ​യി ന​ട​ക്കു​ന്ന പു​സ്ത​കോ​ത്സ​വത്തി​ൽ വി​വി​ധ​വി​ഷ​യ​ങ്ങ​ളി​ൽ സ​മ​ഗ്ര​മാ​യ പു​സ്ത​ക ശേ​ഖ​ര​മു​ണ്ട്.

നോ​വ​ൽ, ക​ഥ, ക​വി​ത, ലേ​ഖ​നം, പ​ഠ​നം, ശാ​സ്ത്രം, ബാ​ല​സാ​ഹി​ത്യം, വൈ​ജ്ഞാ​നി​കം തു​ട​ങ്ങി എ​ല്ലാ മേ​ഖ​ല​ക​ളേ​യും പ്ര​തി​നി​ധീ​ക​രി​ക്കു​ന്ന പു​സ്ത​ക​ശേ​ഖ​രം ആ​ക​ർ​ഷക​മാ​യ​ വി​ല​ക്കി​ഴി​വോ​ടെ സ്വ​ന്ത​മാ​ക്കാ​നു​ള്ള സു​വ​ർ​ണാ​വ​സ​രം കൂ​ടിയാ​ണി​ത്.