ആ​ല​പ്പു​ഴ: വി​ജ​യാ പാ​ര്‍​ക്കി​നു സ​മീ​പം ബീ​ച്ചി​നോ​ട് ചേ​ര്‍​ന്നു നി​ര്‍​മാ​ണ​ത്തി​ലി​രി​ക്കു​ന്ന ദേ​ശീ​യ​പാ​ത​യു​ടെ മേ​ല്‍​പ്പാ​ല​ത്തി​ന്‍റെ ഗ​ര്‍​ഡ​റുകൾ ത​ക​ര്‍​ന്നുവീ​ണു. എ​ലി​വേ​റ്റ​ഡ് ഹൈ​വേ​യു​ടെ ഭാ​ഗ​മാ​യ കൂ​റ്റ​ന്‍ ഗ​ര്‍​ഡ​റു​ക​ളാ​ണ് ഇ​ന്നലെ രാ​വി​ലെ 11 ഓ​ടെ ത​ക​ര്‍​ന്നു വീ​ണ​ത്. തൊ​ഴി​ലാ​ളി​ക​ള്‍ താ​മ​സി​ക്കു​ന്ന ഷെ​ഡി​നു മു​ക​ളി​ലേ​ക്കാ​ണ് വ​ലി​യ ശ​ബ്ദ​ത്തോ​ടെ ഗ​ര്‍​ഡ​റു​ക​ള്‍ ത​ക​ര്‍​ന്നു വീ​ണ​തെ​ന്ന് ദൃ​ക്സാ​ക്ഷി​ക​ള്‍ പ​റ​ഞ്ഞു.

അ​തേ​സ​മ​യം, ഷെ​ഡി​ല്‍ തൊ​ഴി​ലാ​ളി​ക​ള്‍ ഇ​ല്ലാ​തി​രു​ന്ന സ​മ​യ​മാ​യ​തി​നാ​ല്‍ ഒ​ഴി​വാ​യ​ത് വ​ന്‍ ദു​ര​ന്തം. പി​ല്ല​ര്‍ ന​മ്പ​ര്‍ 17നും 18​നും ഇ​ട​യി​ലെ നാ​ലു ഗ​ര്‍​ഡ​റു​ക​ള്‍ പൂ​ര്‍​ണ​മാ​യും താ​ഴേ​ക്ക് നി​ലം പ​തി​ക്കു​ക​യാ​യി​രു​ന്നു. ഈ ​പി​ല്ല​റി​നു താ​ഴെ കു​ട്ടി​ക​ള്‍ സ്ഥി​ര​മാ​യി ക​ളി​ക്കാ​റു​ണ്ടാ​യി​രു​ന്നു​വെ​ന്ന്് പ്ര​ദേ​ശവാ​സി​ക​ള്‍ പ​റ​ഞ്ഞു.

അ​പ​ക​ട​ത്തി​ല്‍ സ​മീ​പ​ത്തു​ള്ള വീ​ടു​ക​ളി​ല്‍ വി​ള്ള​ല്‍ വീ​ണി​ട്ടു​ണ്ട്. ആ​ല​പ്പു​ഴ ബീ​ച്ചി​ല്‍ വി​ജ​യ പാ​ര്‍​ക്കി​ന്‍റെ വ​ട​ക്കു​വ​ശം നി​ര്‍​മാ​ണ​ത്തി​ലി​രു​ന്ന പു​തി​യ ബൈ​പാ​സ് പാ​ല​ത്തി​ന്‍റെ ഗ​ര്‍​ഡ​റു​ക​ളാ​ണ് പൊ​ളി​ഞ്ഞു​വീ​ണ​ത്. ഏ​താ​നും ആ​ഴ്ച​ക​ള്‍​ക്കു മു​ന്‍​പാ​യി​രു​ന്നു ഇ​വ സ്ഥാ​പി​ച്ച​ത്.

പോലീ​സും ദേ​ശീ​യ​പാ​ത അ​ഥോറി​റ്റി ഉ​ദ്യോ​ഗ​സ്ഥ​രും സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തു​ക​യാ​ണ്.

എ​പ്പോ​ഴും ആ​ളു​ക​ള്‍ സ​ഞ്ച​രി​ക്കു​ന്ന ആ​ല​പ്പു​ഴ ന​ഗ​ര​ത്തി​ലെ തി​ര​ക്കേ​റി​യ ബീ​ച്ച് പാ​ത കൂ​ടി​യാ​ണി​ത്. ആ​ല​പ്പു​ഴ ക​ള​ര്‍​കോ​ട് മു​ത​ല്‍ കൊ​മ്മാ​ടി വ​രെ​യു​ള്ള ഭാ​ഗ​ത്താ​ണ് നി​ല​വി​ലു​ള്ള ബൈ​പാ​സി​ന് സ​മാ​ന്ത​ര​മാ​യി പു​തി​യ മേ​ല്‍​പ്പാ​ലം നി​ര്‍​മി​ക്കു​ന്ന​ത്. സം​ഭ​വ​ശേ​ഷം ദേ​ശീ​യ​പാ​ത അഥോറി​റ്റി പ്രോ​ജ​ക്ട് മാ​നേ​ജ​ര്‍ സ്ഥ​ലം സ​ന്ദ​ര്‍​ശി​ച്ചു.

കേ​ര​ള​ത്തി​ല്‍ ദേ​ശീ​യ​പാ​ത​യി​ല്‍ എ​ല്ലാ​യി​ട​ത്തും ഇ​തേ രീ​തി​യി​ലാ​ണ് പാ​ല​ങ്ങ​ള്‍ പ​ണി​യു​ന്ന​തെ​ന്നും വി​ദ​ഗ്ധ സ​മി​തി​യെ കൊ​ണ്ട് പ​രി​ശോ​ധി​പ്പി​ച്ച് ര​ണ്ടു ദി​വ​സ​ത്തി​ന​കം റി​പ്പോ​ര്‍​ട്ട് സ​മ​ര്‍​പ്പി​ക്കു​മെ​ന്നും പ്രോ​ജ​ക്ട് മാ​നേ​ജ​ര്‍ വ്യ​ക്ത​മാ​ക്കി. ഗർഡറുകൾ തകർന്നുവീണ സ്ഥലം ആല പ്പുഴ ജില്ലാ കളക്ടർ അലക്സ് വർഗീസ് സന്ദർശിച്ചു.

ഗുണനിലവാരം പരിശോധിക്കണം:
കെ.​സി. വേ​ണു​ഗോ​പാ​ല്‍ എം​പി

ആ​ല​പ്പു​ഴ: ബൈപാസി​ന്‍റെ ബീ​ച്ച് ഭാ​ഗ​ത്തെ നി​ര്‍​മാ​ണ​ത്തി​ലി​രു​ന്ന ഉ​യ​ര​പ്പാ​ത​യു​ടെ ഗ​ര്‍​ഡ​റു​ക​ള്‍ ത​ക​ര്‍​ന്നുവീ​ണ സം​ഭ​വത്തി​ല്‍ സ​മ​ഗ്ര അ​ന്വേ​ഷ​ണം വേ​ണ​മെ​ന്ന് കെ.​സി.​ വേ​ണു​ഗോ​പാ​ല്‍ എം​പി. ഉ​യ​ര​പ്പാ​ത​യു​ടെ നി​ര്‍​മാ​ണപ്ര​വ​ര്‍​ത്ത​ന​ങ്ങ​ളി​ല്‍ പാ​ലി​ക്കേ​ണ്ട ഗു​ണ​നി​ല​വാ​ര​വും സു​ര​ക്ഷാ മാ​ന​ദ​ണ്ഡ​ങ്ങ​ളും വി​ല​യി​രു​ത്തു​ന്ന​തി​ന് ഒ​രു സാ​ങ്കേ​തി​ക സം​ഘ​ത്തെ രൂ​പീ​ക​രി​ക്ക​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു. ഇ​ക്കാ​ര്യം ചൂ​ണ്ടി​ക്കാ​ട്ടി കേ​ന്ദ്ര ഉ​പ​രി​ത​ല ഗ​താ​ഗ​തമ​ന്ത്രി നി​തി​ന്‍ ഗ​ഡ്ക​രി​ക്ക് അ​ദ്ദേ​ഹം ക​ത്തു ന​ല്‍​കി.

തി​ര​ക്കേ​റി​യ സ്ഥ​ല​ത്താ​ണ് ഇ​പ്പോ​ള്‍ അ​പ​ക​ടമുണ്ടാ​യ​ത്. ആ ​സ​മ​യ​ത്ത് തൊ​ഴി​ലാ​ളി​ക​ള്‍ ഉ​ള്‍​പ്പെ​ടെ​യു​ള്ള​വ​ര്‍ ആ ​പ​രി​സ​ര​ത്ത് ഇ​ല്ലാ​ത്ത​തി​നാ​ലാ​ണ് വ​ലി​യ അ​പ​ക​ടം ഒ​ഴി​വാ​യ​ത്. അ​പ​ക​ടം പ്ര​ദേ​ശ​വാ​സി​ക​ളെ ഒ​ന്ന​ട​ങ്കം അ​സ്വ​സ്ഥ​രാ​ക്കു​ന്ന​തും സു​ര​ക്ഷ സം​ബ​ന്ധി​ച്ച് വ​ലി​യ ആ​ശ​ങ്ക വ​ര്‍​ധി​പ്പി​ക്കു​ന്ന​തു​മാ​ണ്.​ കൂ​ടാ​തെ നി​ര്‍​മാ​ണ പ്ര​വ​ര്‍​ത്ത​ന​ങ്ങ​ളു​ടെ വി​ശ്വാ​സ്യ​ത സം​ശ​യ​നി​ഴ​ലി​ലാ​ണ്. നി​ര്‍​മാ​ണ​ത്തി​ന് ഉ​പ​യോ​ഗി​ച്ച വ​സ്തു​ക്ക​ളു​ടെ ഗു​ണ​നി​ല​വാ​രം സം​ബ​ന്ധി​ച്ച് പ​രി​ശോ​ധ​ന ന​ട​ത്ത​ണം. ഇ​ത്ത​രം സം​ഭ​വ​ങ്ങ​ള്‍ ആ​വ​ര്‍​ത്തി​ക്കാ​തി​രി​ക്കാ​നു​ള്ള സു​ര​ക്ഷാ മു​ന്‍​ക​രു​ത​ലു​ക​ള്‍ ഉ​റ​പ്പാ​ക്ക​ണ​മെ​ന്നും കെ.​സി. വേ​ണു​ഗോ​പാ​ല്‍​ ആ​വ​ശ്യ​പ്പെ​ട്ടു.

സ​മ​ഗ്ര അ​ന്വേ​ഷ​ണം വേ​ണം

ആ​ല​പ്പു​ഴ: മേ​ല്‍​പ്പാ​ല​ത്തി​ന്‍റെ ഗ​ര്‍​ഡ​റു​ക​ള്‍ ത​ക​ര്‍​ന്നു​വീ​ണ​ത് സം​ബ​ന്ധി​ച്ച് സ​മ​ഗ്ര അ​ന്വേ​ഷ​ണം വേ​ണ​മെ​ന്ന് കെ​പി​സി​സി ജ​ന​റ​ല്‍ സെ​ക്ര​ട്ട​റി എ.​എ. ഷു​ക്കൂ​ര്‍ ആ​വ​ശ്യ​പ്പെ​ട്ടു. ക​ഴി​ഞ്ഞ ഏ​താ​നും ആ​ഴ്ച​ക​ളാ​യി പ​ണി​പൂ​ര്‍​ത്തി​യാ​ക്കി​യ ഗ​ര്‍​ഡ​റു​ക​ള്‍ സു​ര​ക്ഷി​ത​മാ​യി സ്ഥാ​പി​ച്ച​താ​ണ്.

സു​ര​ക്ഷി​ത​മാ​യി സ്ഥാ​പി​ക്ക​പ്പെ​ട്ട ഗ​ര്‍​ഡ​റു​ക​ള്‍ ഒ​രു​മി​ച്ച് നി​ലം​പൊ​ത്തി​യ​ത് സം​ബ​ന്ധി​ച്ച് ത​ദ്ദേ​ശ​വാ​സി​ക​ളാ​യ ജ​ന​ങ്ങ​ള്‍​ക്ക് ഏ​റെ സം​ശ​യ​ങ്ങ​ള്‍ ഉ​ണ്ട്. ശാ​സ്ത്രീ​യ​മാ​യ പ​രി​ശോ​ധ​ന​ക​ള്‍ കൂ​ടാ​തെ​യാ​ണ് ഈ ​ഗ​ര്‍​ഡ​റു​ക​ള്‍ നി​ര്‍​മി​ച്ചി​ട്ടു​ള്ള​തെ​ന്നും ആ​വ​ശ്യ​മാ​യ കോ​ണ്‍​ക്രീ​റ്റ് മി​ശ്രി​തം ഉ​പ​യോ​ഗി​ക്കാ​തെ​യാ​ണോ ഗ​ര്‍​ഡ​റു​ക​ള്‍ നി​ര്‍​മി​ച്ചി​രി​ക്കു​ന്ന​തെ​ന്നു​മു​ള്ള സം​ശ​യ​ങ്ങ​ള്‍ ഏ​റെ​യാ​ണെ​ന്നും ഷു​ക്കൂ​ര്‍ പ​റ​ഞ്ഞു.

ഗ​ര്‍​ഡ​റു​ക​ള്‍ ഒ​രു​മി​ച്ച് നി​ലം​പൊ​ത്തി​യ ഭാ​ഗ​ത്തെ ചെ​റി​യ വ​ള​വ് സം​ബ​ന്ധി​ച്ച സാ​ങ്കേ​തി​ക പ്ര​ശ്ന​വും ത​ക​ര്‍​ച്ച​യ്ക്കു കാ​ര​ണ​മെ​ന്ന സം​ശ​യ​വും പ്ര​ദേ​ശ​വാ​സി​ക​ള്‍​ക്കു​ണ്ടെ​ന്ന് ഷു​ക്കൂ​ര്‍ ചൂ​ണ്ടി​ക്കാ​ട്ടി. അ​ശ്ര​ദ്ധ​യും പ​രി​ശോ​ധ​ന​ക്കു​റ​വും നി​ര്‍​മാ​ണ​ത്തി​ലു​ണ്ടെ​ന്നു പ്ര​ദേ​ശ​വാ​സി​ക​ള്‍​ക്ക് പ​രാ​തി​യു​ണ്ടെ​ന്നും ഷു​ക്കൂ​ര്‍ പ​റ​ഞ്ഞു. മേ​ല്‍​പ്പാ​ല​ത്തി​ന്‍റെ നി​ര്‍​മാ​ണ​ഘ​ട്ട​ത്തി​ല്‍ ശാ​സ്ത്രീ​യ​മാ​യ പ​രി​ശോ​ധ​ന​ക​ള്‍​ക്ക് ഉ​ന്ന​ത ഉ​ദ്യോ​ഗ​സ്ഥ​ര്‍ ത​യാ​റാ​ക​ണ​മെ​ന്നും ഷു​ക്കൂ​ര്‍ ആ​വ​ശ്യ​പ്പെ​ട്ടു.