അ​മ്പ​ല​പ്പു​ഴ: മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ റേ​ഡി​യേ​ഷ​ൻ ചി​കി​ത്സ വൈ​കു​ന്നു. റേ​ഡി​യേ​ഷ​ൻ ഫി​സി​സ്റ്റ് ത​സ്തി​ക​യി​ൽ നി​ല​വി​ൽ ക​രാ​ർ അ​ടി​സ്ഥാ​ന​ത്തി​ൽ ജോ​ലി ചെ​യ്തി​രു​ന്ന ഉ​ദ്യോ​ഗ​സ്ഥ സ്വ​കാ​ര്യ സ്ഥാ​പ​ന​ത്തി​ൽ ജോ​ലി​തേ​ടി പോ​യ​തോ​ടെ കാ​ൻ​സ​ർ വി​ഭാ​ഗ​ത്തി​ൽ റേ​ഡി​യേ​ഷ​ൻ ആ​വ​ശ്യ​മാ​യി വ​രു​ന്ന മു​ഴു​വ​ൻ രോ​ഗി​ക​ളു​ടെ​യും ചി​കി​ത്സ പ്ലാ​ൻ ചെ​യ്യാ​ൻ ഒ​രു ഉ​ദ്യോ​ഗ​സ്ഥ​ൻ മാ​ത്ര​മാ​യി.

നി​ല​വി​ലു​ള്ള ഒ​ഴി​വി​ലേ​ക്ക് ഫി​സി​സ്റ്റി​നെ നി​യ​മി​ക്കു​ക​യോ, ക​രാ​ർ അ​ടി​സ്ഥാ​ന​ത്തി​ൽ എ​ടു​ക്കു​ക​യോ ചെ​യ്തി​ട്ടി​ല്ല. കാ​ൻ​സ​ർ ബാ​ധി​ത കോ​ശ​ങ്ങ​ളി​ലേ​ക്ക് കൃ​ത്യ​മാ​യ അ​ള​വി​ലു​ള്ള റേ​ഡി​യേ​ഷ​ൻ നൂ​ത​ന സാ​ങ്കേ​തി​ക ഉ​പ​ക​ര​ണ​മാ​യ ലീ​നി​യ​ർ ആ​ക്സി​ല​റേ​റ്റ​ർ യ​ന്ത്ര​ത്തി​ലൂ​ടെ എ​ത്തി​ക്കു​ന്ന​തി​ൽ നി​ർ​ണാ​യ​ക പ​ങ്കുവ​ഹി​ക്കു​ന്ന​വ​രാ​ണ് റേ​ഡി​യേ​ഷ​ൻ ഫി​സി​സ്റ്റു​മാ​ർ. ക​ഴി​ഞ്ഞ ര​ണ്ടു മാ​സ​മാ​യി റേ​ഡി​യേ​ഷ​ൻ ചി​കി​ത്സ​യ്ക്കു​വേ​ണ്ടി രോ​ഗി​ക​ൾ ഊ​ഴം കാ​ത്തി​രി​ക്കു​ക​യാ​ണ്.

കൃ​ത്യ​സ​മ​യ​ത്ത് ചി​കി​ത്സ ന​ട​ന്നി​ല്ലെ​ങ്കി​ൽ രോ​ഗം മ​റ്റു ഭാ​ഗ​ങ്ങ​ളി​ലേ​ക്ക് വ്യാ​പി​ച്ച് സ​ങ്കീ​ർ​ണ​മാ​വും. കാ​ൻ​സ​ർ അ​തി​ന്‍റെ തു​ട​ക്ക​ത്തി​ൽ​ത​ന്നെ ക​ണ്ടെ​ത്താ​നു​ള്ള പ​ദ്ധ​തി​ക​ളു​മാ​യി സ​ർ​ക്കാ​ർ മു​ന്നോ​ട്ട് പോ​കു​മ്പോ​ഴാ​ണ് അ​ധി​കൃ​ത​രു​ടെ അ​ലം​ഭാ​വ​വും നി​യ​മ​ന​ത്തി​ലെ കാ​ല​താ​മ​സ​വും മൂ​ലം കാ​ൻ​സ​ർ ചി​കി​ത്സ​ത​ന്നെ വൈ​കു​ന്ന​ത്.