മു​ഹ​മ്മ: ശ്രീ​നാ​രാ​യ​ണ ഗു​രു​വി​ന്‍റെ വൈ​ദ്യ​നാ​യി​രു​ന്ന വ​ല​പ്പാ​ട് ഗു​രു​നാ​ഥ​ൻ വൈ​ദ്യ​രു​ടെ​യും മ​ഹാ​ക​വി കു​മാ​ര​നാ​ശാ​ന്‍റെ​യും ശി​ഷ്യ​നാ​യി​രു​ന്ന വി​ദ്വാ​ൻ വൈ​ദ്യ​രു​ടെ (കൃ​ഷ്ണ​ൻ​കു​ട്ടി വൈ​ദ്യ​ർ ) മു​ഹ​മ്മ പു​ത്ത​ന​ങ്ങാ​ടി​യി​ലു​ള്ള തോ​പ്പി​ൽ വീ​ട്ടി​ൽ മോ​ഷ​ണം. പാര​മ്പ​ര്യ വൈ​ദ്യകു​ടും​ബ​മാ​യ തോ​പ്പി​ൽ വീ​ട്ടി​ൽ ആ​ൾ​ത്താമസം ഇ​ല്ലാ​തി​രു​ന്ന സ​മ​യ​ത്താ​ണ് മോ​ഷ​ണം ന​ട​ന്ന​ത്.

കു​ടും​ബ​നാ​ഥ​നാ​യ ബാ​ബു​വും ഭാ​ര്യ വി​ജ​യ​കു​മാ​രി​യും ബംഗളൂരു​ള്ള മ​ക​ന്‍റെ വീ​ട്ടി​ൽ പോ​യ സ​മ​യ​ത്താ​ണ് വി​ല​പി​ടി​പ്പു​ള്ള വ​സ്തു​ക്ക​ൾ ക​വ​ർ​ന്ന​ത്. വീ​ട്ടി​ൽ ദി​വ​സ​ങ്ങ​ളോ​ളം താ​മ​സി​ച്ചാ​ണ് മോ​ഷ​ണം ന​ട​ത്തി​യ​തെ​ന്നു ബാ​ബു പ​റ​ഞ്ഞു. 150 വ​ർ​ഷ​ത്തി​ലേ​റെ പ​ഴ​ക്ക​മു​ള്ള ഉ​പ​ക​ര​ണ​ങ്ങ​ളാ​ണ് ന​ഷ്ട​പ്പെ​ട്ട​ത്.

ഒ​രു ചാ​ക്ക് അ​രി പു​ഴു​ങ്ങാ​ൻ ക​ഴി​യു​ന്ന വ​ലി​യ ചെ​മ്പു​ക​ലം , കാ​ൽ​പ്പെ​ട്ടി​ക​ൾ, വ​ലി​യ നി​ല​വി​ള​ക്കു​ക​ൾ, ലേ​ഹ്യം ഉ​ണ്ടാ​ക്കു​ന്ന ഉ​രു​ളി​ക​ൾ, കി​ണ്ണം, വ​സ്തി​ക്കു​ഴ​ൽ എ​ന്നി​ങ്ങ​നെ​യു​ള്ള വ​സ്തു​ക്ക​ളാ​ണ് ക​വ​ർ​ന്ന​ത്. വീ​ടി​ന്‍റെ ജ​ന​ൽ ക​മ്പി​ക​ൾ മു​റി​ച്ചാ​ണ് മോഷ്ടാക്കൾ അ​ക​ത്ത് പ്രവേശിച്ച​ത്. മോ​ഷ​ണ വ​സ്തു​ക്ക​ൾ മ​റ്റാ​രു​ടെ​യും ശ്ര​ദ്ധ​യി​ൽ​പ്പെ​ടാ​തെ ക​ട​ത്തു​ന്ന​തി​നാ​കാം മോ​ഷ്ടാ​ക്ക​ൾ ദി​വ​സ​ങ്ങ​ളോ​ളം വീ​ട്ടി​ൽ താ​മ​സി​ച്ച​തെ​ന്ന് അ​നു​മാ​നി​ക്കു​ന്നു.

ചാ​ര​മം​ഗ​ലം പ​റ​മ്പ് വേ​ലി​ക്ക​ക​ത്ത് കു​ടും​ബ​ക്ഷേ​ത്ര​ത്തി​ലും ക​ഴി​ഞ്ഞ ദി​വ​സം മോ​ഷ​ണം ന​ട​ന്നു. മു​റി കു​ത്തി​ത്തു​റ​ന്ന് ഓ​ട്ടു​പാ​ത്ര​ങ്ങ​ൾ, വി​ള​ക്കു​ക​ൾ, പൂ​ജാവ​സ്തു​ക്ക​ൾ എ​ന്നി​വ​യാ​ണ് ക​വ​ർ​ന്ന​ത്. മോ​ഷ​ണ​ശേ​ഷം മൊ​ബൈ​ൽ ഫോ​ണും വാ​തി​ൽ പൊ​ളി​ക്കാ​ൻ ഉ​പ​യോ​ഗി​ച്ച ഉ​ളി​യും മോ​ഷ്ടാ​ക്ക​ൾ മ​റ​ന്നു വ​ച്ചി​രു​ന്നു. ഇ​വ പോ​ലീ​സി​ന് കൈ​മാ​റി​യ​താ​യി ബ​ന്ധ​പ്പെ​ട്ട​വ​ർ പ​റ​ഞ്ഞു.

കാ​യി​പ്പു​റം ത​യ്യി​ൽ കു​ടും​ബക്ഷേ​ത്ര​ത്തി​ലും മ​ഞ്ഞി​പ്പു​ഴ​യി​ലും ക​ഴി​ഞ്ഞ ദി​വ​സം മോ​ഷ​ണം ന​ട​ന്നി​രു​ന്നു. ചെ​മ്പു​ക​ലം, ഓ​ട്ടു​രു​ളി​ക​ൾ, നി​ല​വി​ള​ക്കു​ക​ൾ എ​ന്നി​വ​യാ​ണ് ക​വ​ർ​ന്ന​ത്.