മ​ങ്കൊ​മ്പ്: വ​ർ​ഷ​ങ്ങ​ളേ​റെ​യാ​യി​ട്ടും കി​ട​ങ്ങ​റ പാ​ല​ത്തി​ന്‍റെ നി​ർ​മാ​ണ പ്രവൃത്തികൾ പൂ​ർ​ത്തി​യാ​കാ​ത്ത​തി​ൽ പ്ര​തി​ഷേ​ധം ശ​ക്ത​മാ​കു​ന്നു. എ​സി റോ​ഡ് ന​വീ​ക​ര​ണ ജോ​ലി​ക​ൾ​ക്കൊ​പ്പം ആ​രം​ഭി​ച്ച പാ​ല​ത്തി​ന്‍റെ നി​ർ​മാ​ണം നാ​ലു​വ​ർ​ഷ​ത്തോ​ള​മാ​യി​ട്ടും പൂ​ർ​ത്തീ​ക​രി​ക്കാ​നാ​കാ​ത്ത​തി​ൽ ദു​രൂ​ഹ​ത​യു​ണ്ടെ​ന്നാ​ണ് നാ​ട്ടു​കാ​ർ സം​ശ​യി​ക്കു​ന്ന​ത്. സ്ട്ര​ക്ച​ർ ജോ​ലി​ക​ൾ വേ​ഗ​ത്തി​ൽ പൂ​ർ​ത്തി​യാ​യെ​ങ്കി​ലും അ​വ​സാ​ന​ഘ​ട്ട ജോ​ലി​ക​ളാ​ണ് ഇ​ഴ​ഞ്ഞു നീ​ങ്ങു​ന്ന​ത്. അ​തേ​സ​മ​യം പാ​ല​ത്തി​ന്‍റെ നി​ർ​മാ​ണ​ത്തി​ൽ ഒ​ട്ടേ​റെ അ​പാ​ക​ത​ക​ളും സം​ഭ​വി​ച്ചി​ട്ടു​ണ്ടെ​ന്നും നാ​ട്ടു​കാ​ർ പ​റ​യു​ന്നു. പ​ഴ​യപാ​ലം ന​വീ​ക​രി​ക്കു​ന്ന​തി​നൊ​പ്പം സ​മാ​ന്ത​ര പാ​ല​വും നി​ർ​മി​ച്ചു നാ​ലു​വ​രി ഗ​താ​ഗ​തം സാ​ധ്യ​മാ​കു​ന്ന ത​ര​ത്തി​ലാ​ണ് പാ​ലം നി​ർ​മി​ക്കു​ന്ന​ത്.

എ​ന്നാ​ൽ, പു​തു​താ​യി നി​ർ​മി​ച്ച സ​മാ​ന്ത​ര പാ​ല​ത്തി​നു ബ​ല​ക്ഷ​യ​മു​ണ്ടെ​ന്നു നേ​ര​ത്തേ​ത​ന്നെ തെ​ളി​ഞ്ഞി​രു​ന്നു. പാ​ല​ത്തി​ന്‍റെ അ​ടി​ഭാ​ഗ​ത്തെ കോ​ൺ​ക്രീ​റ്റി​ൽ പ​ല​യി​ട​ത്താ​യി വി​ള്ള​ൽ ക​ണ്ടി​രു​ന്നു. ഇ​തു വാ​ർ​ത്ത​യാ​കു​ക​യും നാ​ട്ടു​കാ​രു​ടെ പ്ര​തി​ഷേ​ധം ശ​ക്ത​മാ​കു​ക​യും ചെ​യ്ത​തോ​ടെ വി​ള്ള​ല​ട​ച്ചു ത​ടി​ത​പ്പു​ക​യാ​യി​രു​ന്നു.

പാ​ല​ത്തി​ൽ ടാ​റിം​ഗ് ജോ​ലി​ക​ൾ പൂ​ർ​ത്തി​യാ​ക്കു​ക​യും പി​ന്നീ​ട് ഇ​തു നീ​ക്കം​ചെ​യ്യു​ക​യും ചെ​യ്തി​രു​ന്നു. നി​ർ​മാ​ണ​ത്തി​ലെ അ​പാ​ക​ത​ക​ൾ മൂ​ല​മാ​ണ് ഇ​ങ്ങ​നെ ചെ​യ്ത​തെ​ന്നാ​ണ് പ​റ​യ​പ്പെ​ടു​ന്ന​ത്. പാ​ല​ത്തി​ന്‍റെ നി​ർ​മാ​ണ​ജോ​ലി​ക​ൾ പൂ​ർ​ത്തി​യാ​കാ​ത്ത​തുമൂ​ലം ഇ​തു​വ​ഴി​യെ​ത്തു​ന്ന വാ​ഹ​ന​യാ​ത്ര​ക്കാ​ർ ഏ​റെ ബു​ദ്ധി​മു​ട്ടു​​ന്നു. ചെ​യ്ത ജോ​ലി​ക​ളു​ടെ ബി​ല്ല് മാ​റി​ക്കി​ട്ടാ​ത്ത​തി​നാ​ലാ​ണ് പ​ണി​ക​ൾ ഇ​ഴ​യു​ന്ന​തെ​ന്നാ​ണ് ക​രാ​ർ ക​മ്പ​നി​യി​ലെ ജീ​വ​ന​ക്കാ​രി​ൽനി​ന്നു പു​റ​ത്തു​വ​രു​ന്ന വി​വ​ര​ങ്ങ​ൾ.

എ​ന്നാ​ൽ, നാ​ട്ടു​കാ​ർ ഇ​തു വി​ശ്വ​സി​ക്കാ​ൻ ത​യാ​റ​ല്ല. പാ​ല​ങ്ങ​ളു​ടെ ഡി​സൈ​നിം​ഗി​ലും അ​പാ​ക​ത​ക​ൾ ഏ​റെ​യാ​ണെ​ന്നാ​ണ് നാ​ട്ടു​കാ​രു​ടെ പ​രാ​തി. ഏ​റെ വാ​ഹ​ന​ത്തി​ര​ക്കു​ണ്ടാ​കു​ന്ന കി​ട​ങ്ങ​റ-​മു​ട്ടാ​ർ പാ​ലം ഈ ​പാ​ല​ത്തി​ലേ​ക്കാ​ണ് വ​ന്നു​ചേ​രു​ന്ന​ത്.

ഇ​ത് ഏ​റെ അ​പ​ക​ട​ങ്ങ​ൾ​ക്കു കാ​ര​ണ​മാ​യേ​ക്കാം. മു​ട്ടാ​ർ റോ​ഡി​ൽ നി​ന്നെ​ത്തു​ന്ന വാ​ഹ​ന​ങ്ങ​ൾ കി​ട​ങ്ങ​റ പാ​ല​ത്തി​ലേ​ക്കു ക​യ​റു​മ്പോ​ൾ ച​ങ്ങ​നാ​ശേ​രി ഭാ​ഗ​ത്തു​നി​ന്നെ​ത്തു​ന്ന വാ​ഹ​ന​ങ്ങ​ളു​മാ​യി അ​പ​ക​ട​മു​ണ്ടാ​കാ​നു​ള്ള സാ​ധ്യ​ത ഏ​റെ​യാ​ണ്.

റോ​ഡി​ന്‍റെ നി​ർ​മാ​ണ​ജോ​ലി​ക​ൾ പൂ​ർ​ത്തി​യാ​കു​ന്ന​തോ​ടെ വാ​ഹ​ന​ങ്ങ​ൾ അ​തി​വേ​ഗ​ത്തി​ലാ​കും സ​ഞ്ച​രി​ക്കു​ക. സ്ഥ​ലപ​രി​ച​യ​മി​ല്ലാ​ത്ത, മ​റ്റു ജി​ല്ല​ക​ളി​ൽ നി​ന്നെ​ത്തു​ന്ന വാ​ഹ​ന​യാ​ത്ര​ക്കാ​ർ​ക്കാ​ണ് അ​പ​ക​ടസാ​ധ്യ​ത​യേ​റു​ന്ന​ത്. സാ​മാ​ന്യ​ബു​ദ്ധി​പോ​ലും ഉ​പ​യോ​ഗി​ക്കാ​തെ​യാ​ണ് പാ​ല​ങ്ങ​ളു​ടെ ഡി​സൈ​ൻ ത​യാ​റാ​ക്കി​യ​തെ​ന്നാ​ണ് നാ​ട്ടു​കാ​രു​ടെ ആ​ക്ഷേ​പം.

അ​പ​ക​ടസാ​ധ്യ​ത​ക​ൾ പ​രി​ഹ​രി​ച്ച് എ​ത്ര​യും വേ​ഗം പാ​ല​ങ്ങ​ളു​ടെ നി​ർ​മാ​ണ​ജോ​ലി​ക​ൾ പൂ​ർ​ത്തി​യാ​ക്ക​ണ​മെ​ന്നാ​ണ് യാ​ത്ര​ക്കാ​രു​ടെ​യും നാ​ട്ടു​കാ​രു​ടെും ആ​വ​ശ്യം.