മ​ങ്കൊ​മ്പ്: വീ​ട്ടാ​വ​ശ്യ​ങ്ങ​ള്‍​ക്കും കൃ​ഷി​ക്കും നാ​ട്ടു​കാ​ര്‍ ആ​ശ്ര​യി​ച്ചി​രു​ന്ന തോ​ട് ക​ര​യാ​യി മാ​റി​യ​തു നാ​ട്ടു​കാ​രെ ദു​രി​ത​ത്തി​ലാ​ക്കു​ന്നു. നെ​ടു​മു​ടി ഗ്രാ​മ​പ​ഞ്ചാ​യ​ത്ത് എ​ട്ട്, ഒ​ന്‍​പ​ത് വാ​ര്‍​ഡു​ക​ളെ വേ​ര്‍​തി​രി​ച്ചു ക​ട​ന്നു​പോ​കു​ന്ന കോ​ച്ചേ​രി തോ​ടാ​ണ് നാ​ശ​ത്തി​ന്‍റെ വ​ക്കി​ലെ​ത്തി നി​ല്‍​ക്കു​ന്ന​ത്. കി​ഴ​ക്ക് പ​മ്പ​യാ​റി​ല്‍​നി​ന്നാ​രം​ഭി​ക്കു​ന്ന നാ​ലു കി​ലോ​മീ​റ്റ​റോ​ളം വ​രു​ന്ന തോ​ട് പ​ടി​ഞ്ഞാ​റ് പൂ​ക്കൈ​ത​യാ​റ്റി​ലാ​ണ് അ​വ​സാ​നി​ക്കു​ന്ന​ത്. നെ​ടു​മു​ടി ഗ്രാ​മ​പ​ഞ്ചാ​യ​ത്തി​ലെ ഏ​റ്റ​വും പ്ര​ധാ​ന​പ്പെ​ട്ട തോ​ടാ​ണി​ത്.

മോ​ട്ടോ​ര്‍ ബോ​ട്ടു​ക​ള​ട​ക്കം ഗ​താ​ഗ​തം ന​ട​ത്തി​യി​രു​ന്ന സു​വ​ര്‍​ണ​കാ​ലം ഇ​ന്ന് ഓ​ര്‍​മ​ക​ളി​ല്‍ മാ​ത്ര​മാ​ണ്. കാ​ല​ങ്ങ​ളേ​റെ​യാ​യി മാ​ലി​ന്യ​വാ​ഹി​നി​യാ​യ തോ​ട് നാ​ട്ടു​കാ​ര്‍​ക്കു ദു​രി​ത​മാ​ണ് സ​മ്മാ​നി​ക്കു​ന്ന​ത്.

ഏ​റെ​ക്കാ​ല​മാ​യി പോ​ള​യും ക​ള​ക​ളും പി​ടി​ച്ചു​കി​ട​ക്കു​ന്ന​തി​നാ​ല്‍ ഇ​തു​വ​ഴി​യു​ള്ള ഗ​താ​ഗ​തം പൂ​ര്‍​ണ​മാ​യും നി​ല​ച്ചു. യ​ഥാ​സ​മ​യം വൃ​ത്തി​യാ​ക്കാ​ത്ത​തി​നാ​ല്‍ ചെ​ളി​യും മ​ണ്ണു​മ​ടി​ഞ്ഞു തോ​ടി​ന്‍റെ ആ​ഴം കു​റ​ഞ്ഞു. മ​ഴ​ക്കാ​ലം ക​ഴി​ഞ്ഞ​തോ​ടെ തോ​ട്ടി​ലെ അ​വ​ശേ​ഷി​ക്കു​ന്ന വെ​ള്ള​വും വ​റ്റി​യ നി​ല​യി​ലാ​ണ്.

ക​രി​യ​മ്പ​ള്ളി, മ​ണ​ത്രാ​ക്ക​ല്‍ എ​ന്നീ ര​ണ്ടു പാ​ട​ശേ​ഖ​ര​ങ്ങ​ളി​ലെ കൃ​ഷി​ക്കാ​വ​ശ്യ​മാ​യ വെ​ള്ളം ഈ ​തോ​ട്ടി​ല്‍​നി​ന്നാ​ണ് എ​ടു​ത്തി​രു​ന്ന​ത്. പാ​ട​ശേ​ഖ​ര​ത്തി​ലെ വെ​ള്ളം വ​റ്റി​ക്കു​ന്ന​തി​നാ​യി ഒ​ഴു​ക്കി​ക്ക​ള​യു​ന്ന​തും ഇ​തു​വ​ഴി ത​ന്നെ. ഇ​തി​നാ​യി ഇ​രു പാ​ട​ശേ​ഖ​ര​ങ്ങ​ളു​ടേ​തു​മാ​യി ര​ണ്ടു മോ​ട്ടോ​റു​ക​ള്‍ തോ​ട്ടി​ലേ​ക്കാ​ണ് വെ​ള്ള​മൊ​ഴു​ക്കു​ന്ന​ത്.

പ​മ്പിം​ഗ് ന​ട​ക്കു​ന്ന​തു​മൂ​ലം ചെ​ളി​യ​ടി​ഞ്ഞു​കൂ​ടി മോ​ട്ടോ​ര്‍ ത​റ​ക​ളു​ടെ സ​മീ​പ​ത്തെ തോ​ടി​ന്‍റെ പ്ര​ദേ​ശ​ങ്ങ​ള്‍ ഇ​പ്പോ​ള്‍ ക​ര​യാ​യി മാ​റി​യ നി​ല​യി​ലാ​ണ്. 112 ഏ​ക്ക​ര്‍ വ​രു​ന്ന ക​രി​യ​മ്പ​ള്ളി പാ​ട​ശേ​ഖ​ര​ത്തി​ല്‍ കൃ​ഷി അ​ന്‍​പ​തു ദി​വ​സം മാ​ത്ര​മാ​ണ് പി​ന്നി​ട്ടി​രി​ക്കു​ന്ന​ത്. തോ​ടു​വ​റ്റി​യ​തു​മൂ​ലം പാ​ട​ശേ​ഖ​ര​ത്തി​ലേ​ക്കു വെ​ള്ളം ക​യ​റ്റാ​നാ​കാ​ത്ത സാ​ഹ​ച​ര്യ​മാ​ണു​ള്ള​ത്. ഇ​തു​മൂ​ലം നെ​ല്‍​ച്ചെ​ടി​ക​ള്‍ ക​രി​ഞ്ഞു തു​ട​ങ്ങി​യെ​ന്നു ക​ര്‍​ഷ​ക​ര്‍ പ​റ​യു​ന്നു.

ഈ ​സ്ഥി​തി തു​ട​ര്‍​ന്നാ​ല്‍ ര​ണ്ടു പാ​ട​ശേ​ഖ​ര​ങ്ങ​ളി​ലെ​യും കൃ​ഷി ഉ​പേ​ക്ഷി​ക്കേ​ണ്ടി വ​രു​മോ​യെ​ന്നാ​ണ് ക​ര്‍​ഷ​ക​ര്‍ ആ​ശ​ങ്ക​പ്പെ​ടു​ന്ന​ത്. തോ​ടി​ന്‍റെ ശോ​ച​നീ​യാ​വ​സ്ഥ​യ്ക്കു പ​രി​ഹാ​രം ആ​വ​ശ്യ​പ്പെ​ട്ടു ക​ര്‍​ഷ​ക​ര്‍ പ​ല​വ​ട്ടം ഗ്രാ​മ​പ​ഞ്ചാ​യ​ത്ത​ധി​കൃ​ത​രെ സ​മീ​പി​ച്ചി​രു​ന്നെ​ങ്കി​ലും യാ​തൊ​രു ന​ട​പ​ടി​യു​മു​ണ്ടാ​യി​ല്ല.

കൃ​ഷി സു​ഗ​മ​മാ​ക്കു​ന്ന​തി​നും തോ​ടി​ന്‍റെ പ​ഴ​യ​കാ​ല പ്ര​താ​പം വീ​ണ്ടെ​ടു​ക്കു​ന്ന​തി​നു​മാ​യി അ​ധി​കൃ​ത​ര്‍ അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്ന് കി​യ​മ്പ​ള്ളി പാ​ട​ശേ​ഖ​ര​സ​മി​തി പ്ര​സി​ഡ​ന്‍റ് ജോ​സ് ച​ക്കാ​ത്ര, സെ​ക്ര​ട്ട​റി മാ​ത്യു ആ​ന്‍റ​ണി എ​ന്നി​വ​ര്‍ ആ​വ​ശ്യ​പ്പെ​ട്ടു.