ഗോപാലകൃഷ്ണപിള്ള കൊലക്കേസ്: പ്രതികളെ വെറുതെ വിട്ടു
1588113
Sunday, August 31, 2025 6:27 AM IST
കൊല്ലം : പരവൂർ ചീപ്പ് പാലത്തിനു സമീപം പുതുവീട്ടിൽ ഗോപാലകൃഷ്ണപിള്ളയെ ബിയർ കുപ്പി കൊണ്ട് മുഖത്ത് അടിച്ചും തറയിലിട്ട് ചവിട്ടിയും കൊലപ്പെടുത്തിയ കേസിലെ രണ്ടു പ്രതികളെ കോടതി വെറുതെ വിട്ടു.
പരവൂർ പോലീസ് ചാർജ് ചെയ്ത കേസിലെ ഒന്നും മൂന്നും പ്രതികളായ സജിൻ, അഹമ്മദ് എന്നിവരെയാണ് കൊല്ലം നാലാം അഡിഷണൽ സെഷൻസ് ജഡ്ജി സി. എം. സീമ വെറുതെ വിട്ടത്. ഒന്നും മൂന്നുംപ്രതികൾക്കെതിരെ ആരോപിക്കപ്പെട്ട കുറ്റം സംശയാതീതമായി തെളിയിക്കുന്നതിന് പ്രോസിക്യൂഷനു കഴിഞ്ഞില്ല എന്ന പ്രതിഭാഗം വാദം അംഗീകരിച്ചാണ് പ്രതികളെ കോടതി വെറുതെ വിട്ടത്.
രണ്ടാം പ്രതി വിദേശത്തായതിനാൽ വിചാരണ നേരിട്ടില്ല. ഒന്നാം പ്രതിക്കുവേണ്ടി അഡ്വ.പി.കെ.ശ്യാമളാ ദേവി,എം.ജി.അനന്യ, പ്രിയങ്ക ശർമ്മ,അഡ്വ. മീനു ദാസ് എന്നിവർ ആണ് ഹാജരായത്.