അറവുശാലയുടെ പേരിൽ പൊടിച്ചത് ലക്ഷങ്ങൾ

അ​ജി​ വ​ള്ളി​ക്കീ​ഴ്

കൊ​ല്ലം : ഒ​രു കോ​ടി​ക്ക​ടു​ത്ത് ചെ​ല​വ​ഴി​ച്ചി​ട്ടും പ്ര​തി​വ​ർ​ഷം 60 ല​ക്ഷ​ത്തോ​ളം ന​ഷ്ട​മു​ണ്ടാ​യി​ട്ടും കൊ​ല്ല​ത്തി​ന് ആ​ധു​നി​ക അ​റ​വു​ശാ​ല എ​ന്ന ആവ​ശ്യം യാ​ഥാ​ർ​ഥ്യ​മാ​ക്കാ​നാ​യി​ട്ടി​ല്ല. ന​ഗ​ര​സ​ഭ​ക്കാ​യി അ​റ​വു​ശാ​ല നി​ർ​മി​ക്കാ​നു​ള്ള പ​ദ്ധ​തി​യു​ടെ പേ​രി​ൽ കോ​ടി​ക​ൾ ന​ഷ്ട​മാ​ക്കി​യ ക​ഥ​യാ​ണ് ക​ഴി​ഞ്ഞ നാ​ല​ര വ​ർ​ഷ​ക്കാ​ല​മാ​യി പ്ര​വ​ർ​ത്തി​ക്കാ​തി​രി​ക്കു​ന്ന അ​റ​വ് ശാ​ല​യ്ക്കു പ​റ​യാ​നു​ള്ള​ത്.

ന​വീ​ക​ര​ണ​ത്തി​ന്‍റെ​യും വി​ക​സ​ന​ത്തി​ന്‍റെ​യും പേ​രു​പ​റ​ഞ്ഞു ഒ​രു കോ​ടി​യി​ലേ​റെ പ​ല​പ്പോ​ഴാ​യി ചെ​ല​വ​ഴി​ച്ച അ​റ​വു​ശാ​ല നാ​ല​ര വ​ർ​ഷ​മാ​യി അ​ട​ഞ്ഞു ത​ന്നെ കി​ട​ക്കു​ക​യാ​ണ്.

നേ​ര​ത്തെ പ്ര​തി​വ​ർ​ഷം 60 ല​ക്ഷ​ത്തോ​ളം രൂ​പ​യാ​ണ് ലേ​ല വ​ര​വ് ഇ​ന​ത്തി​ൽ കോ​ർ​പ​റേ​ഷ​നു കി​ട്ടി​കൊ​ണ്ടി​രു​ന്ന​ത്. അ​ട​ഞ്ഞു​കി​ട​ന്ന​തു​മൂ​ലം ഒ​ന്ന​ര കോ​ടി​യോ​ളം രൂ​പ ഇ​ന​ത്തി​ൽ കോ​ർ​പ​റേ​ഷ​നു ഇ​തു​വ​രെ ന​ഷ്ട​മാ​യി.

2010 ൽ ​അം​ഗീ​കാ​രം

2010 ലാ​ണ് ന​ഗ​ര​കാ​ര്യ ഡ​യ​റ​ക്ട​ർ കൊ​ല്ലം ന​ഗ​ര​സ​ഭ​ക്ക് അ​റ​വു​ശാ​ല നി​ർ​മി​ക്കാ​ൻ അം​ഗീ​കാ​രം ന​ൽ​കു​ന്ന​ത്. പ​തി​ന​ഞ്ചു വ​ർ​ഷം ക​ഴി​ഞ്ഞി​ട്ടും അ​തൊ​രു നി​റ​വേ​റാ​ത്ത സ്വ​പ്ന​മാ​ണ്. മൊ​ത്തം ചെ​ല​വാ​യ 77.30 ല​ക്ഷം രൂ​പ​യു​ടെ 50 ശ​ത​മാ​നം തു​ക​യാ​യ 38.65 ല​ക്ഷം രൂ​പ ന​ഗ​ര​സ​ഭ​ക്ക് 2011 ജ​നു​വ​രി അ​ഞ്ചി​ന് ഇ​തി​നാ​യി കൈ​മാ​റി.

തു​ക 2018-19 വ​രെ ഉ​പ​യോ​ഗി​ക്കാ​തെ ന​ഗ​ര​സ​ഭ​യു​ടെ അ​ക്കൗ​ണ്ടി​ൽ ത​ന്നെ കി​ട​ക്കു​ക​യാ​യി​രു​ന്നു. തു​ട​ർ​ന്ന് 2019-20, 2020-21 വ​ർ​ഷ​ങ്ങ​ളി​ൽ അ​റ​വു​ശാ​ല​യു​ടെ ന​വീ​ക​ര​ണം എ​ന്ന പേ​രി​ൽ ര​ണ്ടു പ​ദ്ധ​തി​ക​ളാ​ണ് ന​ഗ​ര​സ​ഭ ത​യാ​റാ​ക്കു​ന്ന​ത്. മ​രാ​മ​ത്തു പ​ണി​ക​ളു​ടെ ഭാ​ഗ​മാ​യി 26,30,946 രൂ​പ ചെ​ല​വ​ഴി​ച്ചു.

പാ​രി​സ്ഥി​തി​ക പ്ര​ശ്ന​ങ്ങ​ൾ

മാ​ലി​ന്യം സം​സ്ക​രി​ക്കു​ന്ന​തി​നു സ്ഥാ​പി​ച്ച ബ​യോ​ഗ്യാ​സ് പ്ലാ​ന്‍റ് പ്ര​വ​ർ​ത്ത​ന​ര​ഹി​ത​മാ​വു​ക​യും ര​ക്ത​വും അ​വ​ശി​ഷ്ട​ങ്ങ​ളും അ​ഷ്ട​മു​ടി കാ​യ​ലി​ലേ​ക്ക് ഒ​ഴു​കി ഗു​രു​ത​ര​മാ​യ പാ​രി​സ്ഥി​തി​ക പ്ര​ശ്ന​ങ്ങ​ൾ ഉ​ണ്ടാ​കു​ന്ന​തോ​ടെ​യാ​ണ് മ​ലി​നീ​ക​ര​ണ നി​യ​ന്ത്ര​ണ ബോ​ർ‍​ഡ് ഇ​ട​പെ​ട്ട് അ​റ​വു​ശാ​ല​യു​ടെ പ്ര​വ​ർ​ത്ത​നം നി​ർ​ത്തി വെ​ക്കു​ന്ന​ത്. തു​ട​ർ​ന്ന് പു​തി​യ സം​സ്ക​ര​ണ പ്ലാ​ന്‍റി​നെ കു​റി​ച്ച് ആ​ലോ​ച​ന​യാ​യി. പ്ലാ​ന്‍റ് നി​ർ​മാ​ണം തു​ട​ങ്ങി​യ​തോ​ടെ അ​റ​വു​ശാ​ല അ​ട​ച്ചു പൂ​ട്ടി. അ​ത്യാ​ധു​നി​ക സം​വി​ധാ​നം എ​ന്നു പ​റ​ഞ്ഞാ​ണ് പു​തി​യ മാ​ലി​ന്യ സം​സ്ക​ര​ണ പ്ലാ​ന്‍റ് സ്ഥാ​പി​ക്കു​ന്ന​ത്.

26ല​ക്ഷം രൂ​പ അ​ന്ന് മാ​ത്രം പ്ലാ​ന്‍റി​നു ചെ​ല​വാ​യി. ജ​ന​റേ​റ്റ​ർ, കെ​ട്ടി​ട​ങ്ങ​ളു​ടെ ന​വീ​ക​ര​ണം എ​ന്നി​വ​യു​ടെ പേ​രി​ൽ 50 ല​ക്ഷം രൂ​പ കൂ​ടി ചെ​ല​വ് വ​ന്നു. അ​ത്യാ​ർ​ഭാ​ട​പൂ​ർ​വം കൊ​ല്ലം മു​ഴു​വ​ൻ കൊ​ട്ടി​ഘോ​ഷി​ച്ച് ഉ​ദ്ഘാ​ട​നം ന​ട​ത്തി​യ പ്ലാ​ന്‍റ് ഒ​രാ​ഴ്ച പോ​ലും പ്ര​വ​ർ​ത്തി​ച്ചി​ല്ല. 30,000 ലീ​റ്റ​ർ ആ​യി​രു​ന്നു പ്ലാ​ന്‍റി​ലെ ജ​ല സം​ഭ​ര​ണി​യു​ടെ ശേ​ഷി.

ദി​വ​സ​വും 84 വ​ലി​യ മൃ​ഗ​ങ്ങ​ളേ​യും 120 ആ​ട് ഉ​ൾ​പ്പ​ടെ​യു​ള്ള ചെ​റി​യ മൃ​ഗ​ങ്ങ​ളെ​യും ക​ശാ​പ്പു ചെ​യ്യാ​നു​ള്ള സൗ​ക​ര്യ​മാ​ണ് പു​തി​യ അ​റ​വ് ശാ​ല​യി​ൽ ഒ​രു​ക്കി​യ​ത്. ഉ​ദ്ഘാ​ട​ന​ത്തി​നു പി​റ​കെ ക​ശാ​പ്പു തു​ട​ങ്ങി​യെ​ങ്കി​ലും പ്ലാ​ന്‍റി​ന്‍റെ പ്ര​വ​ർ​ത്ത​നം സ്തം​ഭി​ക്കു​ക​യാ​യി​രു​ന്നു.

84 വ​ലി​യ മൃ​ഗ​ങ്ങ​ളെ ക​ശാ​പ്പു ചെ​യ്യാ​ൻ ക​ഴി​യു​മെ​ന്നു അ​വ​കാ​ശ​പ്പെ​ട്ടി​രു​ന്ന അ​റ​വ് ശാ​ല​യി​ൽ അ​തി​ന്‍റെ പ​കു​തി മൃ​ഗ​ങ്ങ​ളെ ഒ​രു ദി​വ​സം ക​ശാ​പ്പു ചെ​യ്യു​ന്ന​ത്. ഏ​ഴു ദി​വ​സം തു​ട​ർ​ന്ന​പ്പോ​ൾ ത​ന്നെ പ്ലാ​ന്‍റ് അ​ട​ച്ചു പൂ​ട്ടു​ക​യാ​യി​രു​ന്നു.