കു​ള​ത്തൂ​പ്പു​ഴ: ചോ​ഴി​യ​ക്കോ​ട് അ​രി​പ്പ മോ​ഡ​ൽ റ​സി​ഡ​ൻ​ഷ്യ​ൽ സ്കൂ​ൾ സം​സ്ഥാ​ന ത​ല സ്കൂ​ൾ കാ​യി​ക മേ​ള​യി​ലും ക​ലാ​മേ​ള​യി​ലും പ​ങ്കെ​ടു​ത്ത് മി​ക​ച്ച വി​ജ​യം ക​ര​സ്ഥ​മാ​ക്കി​യ സ്കൂ​ൾ വി​ദ്യാ​ർ​ഥി​ക​ൾ​ക്ക് അ​നു​മോ​ദ​ന​വും സ്വീ​ക​ര​ണ​വും ന​ൽ​കി.

സ്കൂ​ളി​ന്‍റെ നേ​തൃ​ത്വ​ത്തി​ൽ വി​ജ​യ ഘോ​ഷ​യാ​ത്ര സം​ഘ​ടി​പ്പി​ച്ചു. പ​ട്ടി​ക വ​ർ​ഗ വി​ക​സ​ന വ​കു​പ്പി​ന് കീ​ഴി​ൽ അ​രി​പ്പ​യി​ൽ പ്ര​വ​ർ​ത്തി​ക്കു​ന്ന മോ​ഡ​ൽ റ​സി​സ​ഷ്യ​ൽ സ്കൂ​ളി​ലെ മു​ഴു​വ​ൻ വി​ദ്യാ​ർ​ഥി​ക​ളും അ​ധ്യാ​പ​ക​രും ജീ​വ​ന​ക്കാ​രും പി​ടി​എ ഭാ​ര​വാ​ഹി​ക​ളും പ​ങ്കെ​ടു​ത്ത ഘോ​ഷ​യാ​ത്ര സ്കൂ​ൾ സീ​നി​യ​ർ സൂ​പ്ര​ണ്ട് വി. ​സു​രേ​ഷ്കു​മാ​ർ ഫ്ലാ​ഗ് ഓ​ഫ് ചെ​യ്തു.

സം​സ്ഥാ​ന ക​ലോ​ത്സ​വ​ത്തി​ൽ ഇ​രു​ള നൃ​ത്ത വി​ഭാ​ഗ​ത്തി​ൽ ഹൈ​സ്കൂ​ൾ, ഹ​യ​ർ സെ​ക്ക​ൻ​ഡ​റി വി​ഭാ​ഗ​ങ്ങ​ളി​ൽ എ ​ഗ്രേ​ഡ് നേ​ടി​യ കു​ട്ടി​ക​ളെ​യും സം​സ്ഥാ​ന കാ​യി​ക മേ​ള​യി​ൽ 100 മീ​റ്റ​ർ ഓ​ട്ട​ത്തി​ലും ഹൈ ​ജം​മ്പി​ലും മി​ന്നും പ്ര​ക​ട​നം ന​ട​ത്തി​യ​വ​രെ​യും ജി​ല്ലാ ഫു​ട്ബോ​ൾ ടീ​മി​ൽ സെ​ല​ക്ഷ​ൻ നേ​ടി​യ​വ​രെ​യും വ​കു​പ്പു​ത​ല​ത്തി​ൽ സം​ഘ​ടി​പ്പി​ച്ച ' സ​ർ​ഗോ​ത്സ​വം', 'ക​ളി​ക്ക​ളം' തു​ട​ങ്ങി​യ ക​ലാ-​കാ​യി​ക മേ​ള​ക​ളി​ലെ മി​ക​ച്ച മ​ത്സ​രാ​ർ​ഥി​ക​ളെ​യും അ​ഭി​ന​ന്ദി​ച്ചു.

സ്കൂ​ളി​ൽ നി​ന്നാ​രം​ഭി​ച്ച് ചോ​ഴി​യ​ക്കോ​ട് ജം​ഗ്ഷ​നി​ലെ​ത്തി​യ ഘോ​ഷ​യാ​ത്ര​യി​ൽ ക​ലോ​ത്സ​വ​ത്തി​ലെ ശ്ര​ദ്ധേ​യ ഇ​ന​മാ​യി​രു​ന്ന ഇ​രു​ള നൃ​ത്തം കു​ട്ടി​ക​ൾ ടൗ​ണി​ൽ​ അ​വ​ത​രി​പ്പി​ച്ചു. പ്ര​ഥ​മാ​ധ്യാ​പി​ക സി. ​ഗി​രി​ജ, സ്റ്റാ​ഫ് സെ​ക്ര​ട്ട​റി സ്മി​ത. ബി. ​ദാ​സ്, പി​ടി​എ പ്രി​സി​ഡ​ന്‍റ് എ.​അ​രു​ണി​മ, വൈ​സ് പ്ര​സി​ഡ​ന്‍റ് എ​സ്. ആ​ര്യ, എം​പി​ടി​എ പ്ര​സി​ഡ​ന്‍റ് ആ​ർ. പ്രീ​ത​കു​മാ​രി, അ​ധ്യാ​പ​ക​ർ എ​ന്നി​വ​ർ ഘോ​ഷ​യാ​ത്ര​യ്ക്ക് നേ​തൃ​ത്വം ന​ൽ​കി.