വീ​ടു പ​ണി​ക്ക് ബ്രേ​ക്കി​ട്ടു : വ​യ​നാ​ടി​ന്‍റെ ക​ണ്ണീ​രൊ​പ്പാ​ൻ അ​ന​ന്ദു​വും
Saturday, August 3, 2024 6:11 AM IST
കൊ​ട്ടാ​ര​ക്ക​ര: വീ​ട് പ​ണി​ക്കാ​യി സ്വ​രൂ​പി​ച്ച തു​ക​യി​ൽ ഒ​രു ഭാ​ഗം വ​യ​നാ​ട്ടി​ലെ ദു​രി​ത​ബാ​ധി​ത​ർ​ക്കാ​യി വി​നി​യോ​ഗി​ച്ച് പ​ത്ത​നാ​പു​രം ത​ല​വൂ​ർ സ്വ​ദേ​ശി അ​ന​ന്ദു. വാ​യ്പ എ​ടു​ത്തും അ​ടു​പ്പ​ക്കാ​രോ​ട് ക​ടം വാ​ങ്ങി​യു​മാ​ണ് അ​ന​ന്തു (36) വീ​ടു​നി​ർ​മാ​ണം ന​ട​ത്തി​വ​ന്ന​ത്. വീ​ട് പ​ണി പ​കു​തി​യാ​യി. അ​പ്പോ​ഴാ​ണ് വ​യ​നാ​ട്ടി​ൽ മ​ഹാ​ദു​ര​ന്ത​മു​ണ്ടാ​യ​ത്.

ക്യാ​മ്പു​ക​ളി​ൽ ക​ഴി​യു​ന്ന​വ​രു​ടേ​യും മ​റ്റും ക​ര​ള​ലി​യി​ക്കു​ന്ന ദൃ​ശ്യ​ങ്ങ​ൾ അ​ന​ന്ദു​വി​ന്‍റെ മ​ന​സി​നെ വ​ല്ലാ​തെ വേ​ദ​നി​പ്പി​ച്ചു. ഇ​തി​നി​ടെ ക്യാ​മ്പു​ക​ളി​ൽ അ​വ​ശ്യ സാ​ധ​ന​ങ്ങ​ളെ​ത്തി​ക്കാ​ൻ അ​ധി​കൃ​ത​രു​ടെ ആ​ഹ്വാ​ന​മു​ണ്ടാ​യി.

സി​മ​ന്‍റ് വാ​ങ്ങാ​ൻ ക​ടം വാ​ങ്ങി​യ 25,000 രൂ​പ​യു​മാ​യി ഇ​ന്ന​ലെ കൊ​ട്ടാ​ര​ക്ക​ര​യി​ലെ വ​സ്ത്ര​ങ്ങ​ളു​ടെ മൊ​ത്ത​വ്യാ​പാ​ര സ്ഥാ​പ​ന​ത്തി​ലെ​ത്തി. അ​വ​ശ്യ വ​സ്ത്ര​ങ്ങ​ൾ വാ​ങ്ങി.


അ​ന​ന്തു​വി​ന്‍റെ ന​ല്ല ചി​ന്ത തി​രി​ച്ച​റി​ഞ്ഞ സ്ഥാ​പ​ന ഉ​ട​മ​യും വി​ല​യി​ൽ വി​ട്ടു​വീ​ഴ്ച ചെ​യ്തു. നൈ​റ്റി, കൈ​ലി, കു​ട്ടി​ക​ൾ​ക്കു​ള്ള വ​സ്ത്ര​ങ്ങ​ൾ, തോ​ർ​ത്ത്, സാ​നി​റ്റ​റി പാ​ഡു​ക​ൾ, മാ​സ്ക്, ബി​സ്ക​റ്റ്, ബ്ര​ഡ്, റ​സ്ക് തു​ട​ങ്ങി​യ​വ​യാ​ണ് ക്യാ​മ്പു​ക​ളി​ലേ​ക്ക് അ​ന​ന്തു ക​യ​റ്റി വി​ട്ട​ത്.

ക​ൽ​പ​റ്റ​യി​ൽ ഇ​റ​ക്കാ​നാ​യി വ​യ​നാ​ട്ടി​ലേ​ക്കു​ള്ള കെ​എ​സ്ആ​ർ​ടി​സി ബ​സി​ലാ​ണ് സാ​ധ​ന​ങ്ങ​ൾ ക​യ​റ്റി​വി​ട്ട​ത്. ക​ൽ​പ​റ്റ​യി​ൽ നി​ന്ന് സാ​ധ​ന​ങ്ങ​ൾ ഏ​റ്റു​വാ​ങ്ങാ​നു​ള്ള ക്ര​മീ​ക​ര​ണ​ങ്ങ​ൾ അ​ന​ന്തു​വി​ന്‍റെ സു​ഹൃ​ത്തു​ക്ക​ൾ ഏ​ർ​പ്പെ​ടു​ത്തി​യി​ട്ടു​ണ്ട്.