സ്കൂ​ളി​ൽ മ​ലി​ന ജ​ല​മെ​ത്തു​ന്ന​ത് ത​ട​യ​ണം: മ​നു​ഷ്യാ​വ​കാ​ശ ക​മ്മീ​ഷ​ൻ
Wednesday, June 12, 2024 11:07 PM IST
കൊ​ല്ലം : നൂ​റു വ​ർ​ഷം പ​ഴ​ക്ക​മു​ള്ള സ്കൂ​ളി​ന്‍റെ പ​രി​സ​ര​ത്ത് സ​മീ​പ പ്ര​ദേ​ശ​ത്തെ ഡ്രൈ​നേ​ജ് ഒ​ഴു​കി​യെ​ത്തു​ന്നു​വെ​ന്ന പ​രാ​തി ഉ​ത്ക​ണ്ഠാ​ജ​ന​ക​മാ​യ​തി​നാ​ൽ തൊ​ടി​യൂ​ർ ഗ്രാ​മ​പ​ഞ്ചാ​യ​ത്ത് സെ​ക്ര​ട്ട​റി​യും കൊ​ല്ലം ജി​ല്ലാ വി​ദ്യാ​ഭ്യാ​സ ഓ​ഫീ​സ​റും 15 ദി​വ​സ​ത്തി​ന​കം ന​ട​പ​ടി​യെ​ടു​ക്ക​ണ​മെ​ന്ന് മ​നു​ഷ്യാ​വ​കാ​ശ ക​മ്മീ​ഷ​ൻ.

കു​ട്ടി​ക​ളു​ടെ സു​ഗ​മ​മാ​യ വി​ദ്യാ​ഭ്യാ​സ​ത്തി​നും മ​നു​ഷ്യ​ജീ​വ​നും ബ​ന്ധ​പ്പെ​ട്ട അ​ധി​കാ​രി​ക​ൾ പ്രാ​ധാ​ന്യം ന​ൽ​ക​ണ​മെ​ന്നും ക​മ്മീ​ഷ​ൻ അം​ഗം വി.​കെ. ബീ​നാ​കു​മാ​രി ആ​വ​ശ്യ​പ്പെ​ട്ടു.

അ​റി​ഞ്ഞു​കൊ​ണ്ട് അ​പ​ക​ടം വ​രു​ത്തിവ​യ്ക്കു​ന്ന​ത് ഒ​ഴി​വാ​ക്ക​ണ​മെ​ന്നും ക​മ്മീ​ഷ​ൻ നി​ർദേശി​ച്ചു. സ്കൂ​ൾ പ​രി​സ​ര​ത്ത് മ​ലി​ന​ജ​ലം എ​ത്താ​തി​രി​ക്കാ​ൻ ക​ർ​ശ​ന ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നും ക​മ്മീ​ഷ​ൻ ആ​വ​ശ്യ​പ്പെ​ട്ടു.ക​രു​നാ​ഗ​പ്പ​ള്ളി തൊ​ടി​യൂ​ർ ഗ്രാ​മ​പ​ഞ്ചാ​യ​ത്തി​ൽ നൂറുവ​ർ​ഷംപ​ഴ​ക്ക​മു​ള്ള എവികെഎംഎംഎ​ൻവി സ്കൂ​ളി​ന്‍റെ പ​ടി​ഞ്ഞാ​റു ഭാ​ഗ​ത്തു​ള്ള കെ​ട്ടി​ട​ങ്ങ​ളു​ടെ അ​ടി​സ്ഥാ​നം വെ​ള്ള​ത്തി​ന​ടി​യി​ലാ​ണെ​ന്നും മ​ലി​ന​ജ​ലം സ്കൂ​ൾ പ​രി​സ​ര​ത്ത് എ​ത്തു​ന്ന​ത് ത​ട​യ​ണ​മെ​ന്നാ​വ​ശ്യ​പ്പെ​ട്ട് സ​മ​ർ​പ്പി​ച്ച പ​രാ​തി​യി​ലാ​ണ് ന​ട​പ​ടി.ശ​ക്ത​മാ​യ മ​ഴ​യു​ള്ള സ​മ​യ​ങ്ങ​ളി​ൽ സ്കൂ​ൾ പ​രി​സ​ര​ത്ത് വെ​ള്ള​ക്കെ​ട്ട് ഉ​ണ്ടാ​കാ​റു​ണ്ടെ​ന്ന് തൊ​ടി​യൂ​ർ ഗ്രാ​മ​പ​ഞ്ചാ​യ​ത്ത് സെ​ക്ര​ട്ട​റി ക​മ്മീ​ഷ​നെ അ​റി​യി​ച്ചു.


നി​ല​വി​ൽ സ്കൂ​ൾ പ​രി​സ​ര​ത്ത് നി​ന്നും ഓ​ട​യി​ലേ​ക്ക് വെ​ള്ളം ഒ​ഴു​കി പോ​കാ​ൻ പൈ​പ്പ് സ്ഥാ​പി​ച്ചി​ട്ടു​ണ്ട്. സ്കൂ​ൾ കെ​ട്ടി​ട​ങ്ങ​ൾ​ക്ക് നി​ല​വി​ൽ അ​പ​ക​ട​ഭീ​ഷ​ണി​യി​ല്ലാ​ത്ത​തി​നാ​ൽ ഫി​റ്റ്ന​സ് സ​ർ​ട്ടി​ഫി​ക്കേ​റ്റ് ന​ൽ​കി​യി​ട്ടു​ണ്ടെ​ന്ന്റി​പ്പോ​ർ​ട്ടി​ൽപ​റ​യു​ന്നു.തൊടിയൂ​ർ സ്വ​ദേ​ശി എ.​എ. ജ​ബാർ സ​മ​ർ​പ്പി​ച്ച പ​രാ​തി​യി​ലാ​ണ് ന​ട​പ​ടി.