കോ​ഴി​ക്കോ​ട്: ഉ​രു​ള്‍​പൊ​ട്ട​ല്‍, വെ​ള്ള​പ്പൊ​ക്കം തു​ട​ങ്ങി​യ പ്ര​കൃ​തി​ദു​ര​ന്ത സാ​ഹ​ച​ര്യ​ങ്ങ​ളി​ല്‍ വ​ള​ര്‍​ത്തു​മൃ​ഗ​ങ്ങ​ളെ സം​ര​ക്ഷി​ക്കു​ന്ന​തി​നാ​യി വ​യ​നാ​ട് ജി​ല്ല​യി​ലെ കോ​ട്ട​ത്ത​റ പ​ഞ്ചാ​യ​ത്തി​ല്‍ അ​ഭ​യ​കേ​ന്ദ്രം സ്ഥാ​പി​ക്കാ​ന്‍ സ​ര്‍​ക്കാ​ര്‍ അ​നു​മ​തി ന​ല്‍​കി.

ഹ്യൂ​മ​ന്‍ സൊ​സൈ​റ്റി ഇ​ന്‍റ​ര്‍​നാ​ഷ​ണ​ല്‍ ഇ​ന്ത്യ അ​ഭ​യം കേ​ന്ദ്രം സ്ഥാ​പി​ക്കാ​നു​ള്ള സ​ന്ന​ദ്ധ​ത വ​യ​നാ​ട് ക​ള​ക്ട​റെ അ​റി​യി​ച്ചി​രു​ന്നു. ഇ​തു​പ്ര​കാ​രം ക​ള​ക്ട​ര്‍ സ​മ​ര്‍​പ്പി​ച്ച പ​ദ്ധ​തി​ക്കാ​ണ് സം​സ്ഥാ​ന ദു​ര​ന്ത നി​വാ​ര​ണ അ​ഥോ​റി​റ്റി അ​നു​മ​തി ന​ല്‍​കി​യ​ത്.

അ​ഭ​യ​കേ​ന്ദ്രം സ്ഥാ​പി​ക്കാ​നാ​യി കോ​ട്ട​ത്ത​റ വി​ല്ലേ​ജി​ല്‍ (ബ്ലോ​ക്ക് ന​മ്പ​ര്‍ 9, റീ​സ​ര്‍​വ്വേ ന​മ്പ​ര്‍ 225/102) 50 സെ​ന്‍റ് സ്ഥ​ലം അ​നു​വ​ദി​ക്കാ​ന്‍ കോ​ട്ട​ത്ത​റ പ​ഞ്ചാ​യ​ത്ത് സ​ന്ന​ദ്ധ​ത അ​റി​യി​ച്ചി​ട്ടു​ണ്ട്. ജി​ല്ലാ ദു​ര​ന്ത​നി​വാ​ര​ണ അ​ഥോ​റി​റ്റി, കോ​ട്ട​ത്ത​റ ഗ്രാ​മ​പ​ഞ്ചാ​യ​ത്ത്, ഹ്യൂ​മ​ന്‍ സൊ​സൈ​റ്റി ഇ​ന്‍റ​ര്‍​നാ​ഷ​ണ​ല്‍ ഇ​ന്ത്യ എ​ന്നി​വ സം​യു​ക്ത​മാ​യാ​ണ് പ​ദ്ധ​തി ന​ട​പ്പി​ലാ​ക്കു​ന്ന​ത്. ഏ​ക​ദേ​ശം 69.5 ല​ക്ഷം രൂ​പ​യാ​ണ് പ​ദ്ധ​തി​യു​ടെ ചെ​ല​വ്. ഇ​ത് പൂ​ര്‍​ണ്ണ​മാ​യും ഹ്യൂ​മ​ന്‍ സൊ​സൈ​റ്റി ഇ​ന്‍റ​ര്‍​നാ​ഷ​ണ​ല്‍ ഇ​ന്ത്യ വ​ഹി​ക്കും. ജി​ല്ലാ ദു​ര​ന്ത​നി​വാ​ര​ണ അ​ഥോ​റി​റ്റി പ​ദ്ധ​തി​യു​ടെ മേ​ല്‍​നോ​ട്ടം വ​ഹി​ക്കു​ക​യും കോ​ട്ട​ത്ത​റ ഗ്രാ​മ​പ​ഞ്ചാ​യ​ത്ത് തു​ട​ര്‍​ച്ച​യാ​യ പ്ര​വ​ര്‍​ത്ത​ന​ങ്ങ​ള്‍ ഏ​റ്റെ​ടു​ക്കു​ക​യും ചെ​യ്യും.

പ​ദ്ധ​തി​യു​ടെ ന​ട​ത്തി​പ്പി​നാ​യി സം​സ്ഥാ​ന ദു​ര​ന്ത​നി​വാ​ര​ണ അ​ഥോ​റി​റ്റി​യു​ടെ (കെ​എ​സ്ഡി​എം​എ) കോ​ര്‍​പ​റേ​റ്റ് സോ​ഷ്യ​ല്‍ റെ​സ്പോ​ണ്‍​സി​ബി​ലി​റ്റി (സി​എ​സ്ആ​ര്‍) ഫ​ണ്ടി​ല്‍ നി​ന്ന് 10 ല​ക്ഷം രൂ​പ അ​നു​വ​ദി​ക്കാ​നും സ​ര്‍​ക്കാ​ര്‍ തീ​രു​മാ​നി​ച്ചി​ട്ടു​ണ്ട്. അ​ഭ​യ​കേ​ന്ദ്ര​ത്തി​ന്‍റെ വാ​ര്‍​ഷി​ക പ്ര​വ​ര്‍​ത്ത​ന ചെ​ല​വ് ത​ദ്ദേ​ശ സ്വ​യം​ഭ​ര​ണ സ്ഥാ​പ​നം വ​ഹി​ക്ക​ണ​മെ​ന്ന വ്യ​വ​സ്ഥ​യി​ലാ​ണ് അ​നു​മ​തി ന​ല്‍​കി​യി​രി​ക്കു​ന്ന​ത്.

പ്ര​കൃ​തി​ദു​ര​ന്ത സാ​ഹ​ച​ര്യ​ങ്ങ​ളി​ല്‍ ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ല്‍ നി​ന്നു​ള്ള വ​ള​ര്‍​ത്തു​മൃ​ഗ​ങ്ങ​ളെ അ​ഭ​യ​കേ​ന്ദ്ര​ത്തി​ലേ​ക്കു മാ​റ്റി സം​ര​ക്ഷി​ക്കു​ക​യാ​ണ് പ​ദ്ധ​തി​യു​ടെ ല​ക്ഷ്യം.