കോ​ഴി​ക്കോ​ട്: കോ​ഴി​ക്കോ​ട് ബീ​ച്ചി​ല്‍ ആ​രം​ഭി​ച്ച കാ​ലി​ക്ക​ട്ട് ഫ്‌​ള​വ​ര്‍ ഷോ​യ്ക്ക് തി​ര​ക്കേ​റു​ന്നു. ബീ​ച്ച് മ​റൈ​ന്‍ ഗ്രൗ​ണ്ടി​ല്‍ ഒ​രു​ക്കി​യി​രി​ക്കു​ന്ന പു​ഷ്പ മേ​ള ഓ​രോ ദി​വ​സ​ങ്ങ​ളി​ലും പു​തു​മ​ക​ള്‍ സ​മ്മാ​നി​ക്കു​ക​യാ​ണ്. ​പൂ​ക്ക​ള്‍ തീ​ര്‍​ക്കു​ന്ന വ​ര്‍​ണ വി​സ്മ​യ​ങ്ങ​ള്‍​ക്ക് പു​റ​മേ വി​വി​ധ മ​ല്‍​സ​ര​ങ്ങ​ള്‍, സ​മ്മാ​ന​ങ്ങ​ള്‍ , ക​ലാ​പ​രി​പാ​ടി​ക​ള്‍, ചെ​ടി​ക​ളു​ടെ​യും വി​ത്തു​ക​ളു​ടെ​യും വി​ൽ​പ്പ​ന, കാ​ര്‍​ഷി​ക​യ​ന്ത്ര​സാ​മ​ഗ്രി​ക​ളു​ടെ വി​പ​ണ​നം തു​ട​ങ്ങി​യ​വ മേ​ള​ക്ക് കൊ​ഴു​പ്പേ​കു​ന്നു.

വീ​ട്ടു​മു​റ്റ​ത്ത് മ​നോ​ഹ​ര​മാ​യ പൂ​ന്തോ​ട്ട​വും ഫ​ല​വൃ​ക്ഷ​ത്തോ​ട്ട​വും പ​ച്ച​ക്ക​റി​ത്തോ​ട്ട​വു​മെ​ല്ലാം ഒ​രു​ക്കാ​ന്‍ പു​ഷ്‌​പോ​ത്സ​വ ന​ഗ​രി​യി​ല്‍ എ​ത്തി​യാ​ല്‍​മ​തി. കാ​ലി​ക്ക​ട്ട് അ​ഗ്രി-​ഹോ​ര്‍​ട്ടി​ക​ള്‍​ച്ച​റ​ല്‍ സൊ​സൈ​റ്റി​യു​ടെ ആ​ഭി​മു​ഖ്യ​ത്തി​ല്‍ ന​ട​ത്തു​ന്ന മേ​ള 16-ന് ​അ​വ​സാ​നി​ക്കും.

വി​ദേ​ശ​രാ​ജ്യ​ങ്ങ​ളി​ല്‍​നി​ന്നും ഇ​റ​ക്കു​മ​തി ചെ​യ്ത​തും കേ​ര​ള​ത്തി​ന​ക​ത്തു​നി​ന്നും പു​റ​ത്തു​നി​ന്നും ഉ​ള്ള പൂ​ക്ക​ളും ചെ​ടി​ക​ളും ചേ​ര്‍​ത്തു 15,000 ച​തു​ര​ശ്ര അ​ടി​യി​ല്‍ ഒ​രു​ക്കു​ന്ന വ​ര്‍​ണോ​ദ്യാ​ന​മാ​ണ് ഇ​ത്ത​വ​ണ​ത്തെ മു​ഖ്യ ആ​ക​ര്‍​ഷ​ണം അ​മ്പ​തോ​ളം വ​ര്‍​ഷ​മാ​യ പേ​രാ​ലും കു​ഞ്ഞ​ന്‍ രൂ​പ​ത്തി​ല്‍ ചെ​ടി​ച്ച​ട്ടി​യി​ല്‍ ഒ​രു​ക്കി​യ അ​മ്പ​തോ​ളം ബോ​ണ്‍​സാ​യി മ​ര​ങ്ങ​ളും പ്ര​ദ​ര്‍​ശി​പ്പി​ക്കു​ന്നു​ണ്ട്. സ്വ​ന്തം വീ​ട്ടി​ല്‍ 1,300 ഓ​ര്‍​ക്കി​ഡു​ക​ളു​ടെ തോ​ട്ടം ഉ​ണ്ടാ​ക്കി​യ മൈ​ല​മ്പാ​ടി സീ​ന​യു​ടെ 'ഓ​ര്‍​ക്കി​ഡ് മി​റ​ക്ക‌​ള്‍' പ്ര​ദ​ര്‍​ശ​ന ന​ഗ​രി​യി​ലെ അ​ത്ഭു​തം ത​ന്നെ​യാ​ണ്.​അ​ഞ്ഞൂ​റോ​ളം സൂ​ര്യ​ഗാ​ന്ധി പൂ​ക്ക​ളു​ടെ ഉ​ദ്ധ്യാ​ന​വും മേ​ള​യ്ക്ക് മാ​റ്റേ​കു​ന്നു.

പ്ര​ദ​ര്‍​ശ​ന​ഗ​രി​യി​ലും വീ​ടു​ക​ളി​ലു​മാ​യി 50തി​ല്‍​പ​രം വി​വി​ധ​മ​ത്സ​ര​ങ്ങ‌​ള്‍, പു​ഷ്പ​റാ​ണി പു​ഷ്പ​രാ​ജ മ​ത്സ​രം, നാ​വി​ലൂ​റും വി​ഭ​വ​ങ്ങ​ളു​മാ​യി കു​ടും​ബ​ശ്രീ ജി​ല്ലാ ക​മ്മീ​ഷ​ന്‍റെ ഭ​ക്ഷ​ണ​ശാ​ല ആ​ക​ര്‍​ഷ​മാ​യ പു​ഷ്പാ​ല​ങ്കാ​രം, കൂ​ത്താ​ളി ജി​ല്ലാ കൃ​ഷി​ത്തോ​ട്ടം, ഫാം ​ഇ​ന്‍​ഫ​ര്‍​മേ​ഷ​ന്‍ ബ്യൂ​റോ തു​ട​ങ്ങി കേ​ന്ദ്ര​സം​സ്ഥാ​ന സ്ഥാ​പ​ന​ങ്ങ​ള്‍ വ്യ​ക്തി​ഗ​ത പു​ഷ്പ​ങ്ങ​ളു​ടെ​യും ചെ​ടി​ക​ളു​ടെ​യും ശേ​ഖ​ര​ങ്ങ‌​ള്‍, 12ഓ​ളം ന​ഴ്സ​റി​ക‌​ള്‍, അ​ടു​ക്ക​ള​ത്തോ​ട്ടം, ന​ടീ​ല്‍ വ​സ്തു​ക്ക​ളും ഉ​പ​ക​ര​ണ​ങ്ങ​ളും, വ​ള​ങ്ങ​ളും വി​ല്‍​ക്കു​ന്ന കൊ​മേ​ഷ്യ​ല്‍ സ്റ്റാ​ളു​ക​ള്‍ എ​ന്നി​വ​യും പു​ഷ്പ​മേ​ള​യി​ലു​ണ്ട്. വാ​ല​ന്‍റ​യി​ന്‍​സ് ഡേ​യി​ല്‍ എ​ല്ലാ​വ​ര്‍​ക്കും സൗ​ജ​ന്യ​മാ​യി മേ​ള കാ​ണാ​നു​ള്ള സൗ​ക​ര്യ​മൊ​രു​ക്കി​യി​ട്ടു​ണ്ട്.

സെ​ല്‍​ഫി മ​ല്‍​സ​ര​വും ഏ​ര്‍​പ്പെ​ടു​ത്തി​യി​ട്ടു​ണ്ട്. മ​റ്റ് ദി​വ​സ​ങ്ങ​ളി​ല്‍ അ​ഞ്ച് വ​യ​സി​നു താ​ഴെ​യു​ള്ള കു​ട്ടി​ക​ള്‍​ക്ക് പ്ര​വേ​ശ​നം സൗ​ജ​ന്യ​മാ​ണ്. മു​തി​ര്‍​ന്ന​വ​ര്‍​ക്ക് 70 രൂ​പ​യും കു​ട്ടി​ക​ള്‍​ക്ക് മു​പ്പ​ത് രൂ​പ​യു​മാ​ണ് പ്ര​വേ​ശ​ന ഫീ​സ്. സ്‌​കൂ​ള്‍ അ​ധി​കൃ​ത​രു​ടെ ക​ത്തു​മാ​യി​വ​രു​ന്ന വി​ദ്യാ​ര്‍​ഥി​ക​ളു​ടെ സം​ഘ​ത്തി​ന് 20 രൂ​പ​യാ​ണ് പ്ര​വേ​ശ​ന ഫീ​സ്.

സ്വ​ന്തം ലേ​ഖ​ക​ന്‍