മു​ക്കം: പ്ര​ധാ​ന​മ​ന്ത്രി സ​ഡ​ക് യോ​ജ​ന പ​ദ്ധ​തി പ്ര​കാ​രം പ്ര​വൃ​ത്തി പൂ​ർ​ത്തി​യാ​യ റോ​ഡ് ക​യ്യേ​റി സ്വ​കാ​ര്യ വ്യ​ക്തി കെ​ട്ടി​ട നി​ർ​മാ​ണം ന​ട​ത്തു​ന്ന​താ​യി പ​രാ​തി. മു​ക്കം ക​ട​വ് - ക​ള​രി​ക്ക​ണ്ടി റോ​ഡി​ന്‍റെ ആ​ദ്യ ഭാ​ഗ​ത്താണ് കൈയ്യേറ്റം നടത്തി നി​ർ​മാ​ണ പ്ര​വ​ർ​ത്ത​ന​ം നടത്തുന്നതെന്ന് ആരോപിച്ച് നാ​ട്ടു​കാ​ർ രം​ഗ​ത്തെ​ത്തി​യ​ത്. നി​ല​വി​ൽ എട്ട് മീ​റ്റ​ർ വീ​തി​യു​ള്ള റോ​ഡി​ൽ സ്വ​കാ​ര്യ വ്യ​ക്തി​യു​ടെ നി​ർ​മാ​ണ​മാ​രം​ഭി​ച്ച​തോ​ടെ റോ​ഡ് ഏ​റെ വീ​തി കു​റ​ഞ്ഞ​താ​യി നാ​ട്ടു​കാ​ർ പ​റ​യു​ന്നു.

കെ​ട്ടി​ട നി​ർ​മാ​ണ​ത്തി​നെ​തി​രേ നാ​ട്ടു​കാ​ർ പ​രാ​തി​യു​മാ​യി രം​ഗ​ത്തെ​ത്തി​യ​തോ​ടെ പ​ഞ്ചാ​യ​ത്ത് സ്റ്റോ​പ്പ് മെ​മ്മോ ന​ൽ​കി. രാ​ത്രി​യി​ലും ഒ​ഴി​വു ദി​വ​സ​ങ്ങ​ളി​ലു​മൊ​ക്കെ​യാ​ണ് പ്ര​വൃ​ത്തി ന​ട​ക്കു​ന്ന​തെ​ന്ന് പ്ര​ദേ​ശ​വാ​സി​ക​ൾ പ​റ​യു​ന്നു.

പ്ര​ദേ​ശ​വാ​സി​ക​ൾ സൗ​ജ​ന്യ​മാ​യി സ്ഥ​ലം വി​ട്ടു ന​ൽ​കി​യാ​ണ് എട്ട് മീ​റ്റ​ർ റോ​ഡ് യാ​ഥാ​ർ​ഥ്യ​മാ​ക്കി​യ​ത്. എ​ന്നാ​ൽ കെ​ട്ടി​ട നി​ർ​മാ​ണം ന​ട​ക്കു​ന്ന സ്ഥ​ല​മൊ​ഴി​ച്ച് ബാ​ക്കി എ​ല്ലാ​യി​ട​ത്തും എ​ട്ട് മീ​റ്റ​ർ വീ​തി​യു​ണ്ട​ന്നാ​ണ് നാ​ട്ടു​കാ​ർ പ​റ​യു​ന്ന​ത്.

സ​ർ​വേ ന​ട​ത്തി​യ​തി​ന് ശേ​ഷം മാ​ത്ര​മേ പ്ര​വൃ​ത്തി ന​ട​ത്താ​ൻ അ​നു​വ​ദി​ക്കാ​വൂ എ​ന്നും നാ​ട്ടു​കാ​ർ പ​റ​യു​ന്നു. നി​ല​വി​ൽ സ്റ്റോ​പ്പ് മെ​മ്മോ ന​ൽ​കി​യി​രി​ക്കു​ക​യാ​ണ​ന്നും അ​ന​ധി​കൃ​ത നി​ർ​മ്മാ​ണ​ത്തി​നെ​തി​രേ ഇ​നി​യും ന​ട​പ​ടി സ്വീ​ക​രി​ക്കു​മെ​ന്നും പ​ഞ്ചാ​യ​ത്തം​ഗം കൃ​ഷ്ണ​ദാ​സ് പ​റ​ഞ്ഞു.

അ​തേ സ​മ​യം എ​ല്ലാ മാ​ന​ദ​ണ്ഡ​ങ്ങ​ളും പാ​ലി​ച്ച് എ​ല്ലാ അ​നു​മ​തി​യും നേ​ടി​യാ​ണ് നി​ർ​മാ​ണം ന​ട​ക്കു​ന്ന​തെ​ന്ന് കെ​ട്ടി​ട ഉ​ട​മ​യും അ​റി​യി​ച്ചു. ത​ങ്ങ​ൾ സ്ഥ​ലം വാ​ങ്ങി​യ​തു​ൾ​പ്പെ​ടെ​യു​ള്ള തെ​ളി​വു​ക​ൾ കൈ​വ​ശ​മു​ണ്ട​ന്നും അ​വ​ർ പ​റ​ഞ്ഞു.