മു​ക്കം: മ​ത്താ​യി ചാ​ക്കോ പ​ഠ​ന ഗ​വേ​ഷ​ണ​കേ​ന്ദ്രം സം​ഘ​ടി​പ്പി​ക്കു​ന്ന മ​ല​യോ​ര​ത്തി​ന്‍റെ മ​ഹോ​ത്സ​വ​മാ​യ മു​ക്കം ഫെ​സ്റ്റി​ന് ഇ​ന്ന് തു​ട​ക്ക​മാ​വും. വൈ​കു​ന്നേ​രം നാ​ലി​ന് മു​ക്കം പു​തി​യ ബ​സ് സ്റ്റാ​ൻ​ഡ് പ​രി​സ​ര​ത്തു​നി​ന്നും ആ​രം​ഭി​ക്കു​ന്ന ഘോ​ഷ​യാ​ത്ര​യോ​ടെ​യാ​ണ് 18 നാ​ൾ നീ​ളു​ന്ന ഫെ​സ്റ്റി​ന് തു​ട​ക്ക​മാ​വു​ക​യെ​ന്ന് സം​ഘാ​ട​ക​ർ വാ​ർ​ത്താ സ​മ്മേ​ള​ന​ത്തി​ൽ അ​റി​യി​ച്ചു.

ജ​ന​പ്ര​തി​നി​ധി​ക​ൾ, രാ​ഷ്ട്രീ​യ സാം​സ്കാ​രി​ക നാ​യ​ക​ന്മാ​ർ, കു​ടും​ബ​ശ്രീ പ്ര​വ​ർ​ത്ത​ക​ർ, വി​ദ്യാ​ർ​ഥി​ക​ൾ, സ​ന്ന​ദ്ധ സം​ഘ​ട​ന​ക​ൾ, നാ​ട്ടു​കാ​ർ എ​ന്നി​വ​ർ ഘോ​ഷ​യാ​ത്ര​യി​ൽ അ​ണി​നി​ര​ക്കും.

മു​ൻ വ​ർ​ഷ​ങ്ങ​ളി​ൽ നി​ന്നും വ്യ​ത്യ​സ്ത​മാ​യി നി​ര​വ​ധി വേ​റി​ട്ട കാ​ഴ്ച​ക​ളാ​ണ് ഫെ​സ്റ്റി​ൽ ഒ​രു​ക്കി​യി രി​ക്കു​ന്ന​ത്. അ​ക്വ​ട​ണ​ൽ, റോ​ബോ​ട്ടി​ക് ഷോ, ​കാ​ർ​ഷി​ക വ്യ​വ​സാ​യി​ക ശാ​സ്ത്ര പ്ര​ദ​ർ​ശ​നം, വി​വി​ധ സ​ർ​ക്കാ​ർ സ്റ്റാ​ളു​ക​ൾ, വി​പ​ണ​ന​മേ​ള​ക​ൾ, ഫു​ഡ്‌ ഫെ​സ്റ്റ്, അ​മ്യു​സ്മെ​ന്‍റ് പാ​ർ​ക്ക് തു​ട​ങ്ങി വി​പു​ല​മാ​യ സ​ജീ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌​ക​ര​ണ​ങ്ങ​ളാ​ണ് അ​ഗ​സ്ത്യ​ൻ മു​ഴി ജി​ല്ലാ പ​ഞ്ചാ​യ​ത്ത് സ്റ്റേ​ഡി​യ​ത്തി​ലെ ഫെ​സ്റ്റ് ന​ഗ​ര​യി​ൽ ഒ​രു​ക്കി യി​രി​ക്കു​ന്ന​ത്.

ഉ​ച്ച​ക​ഴി​ഞ്ഞ് ര​ണ്ട് മു​ത​ൽ പ്ര​ദ​ർ​ശ​നം തു​ട​ങ്ങും. ദി​വ​സ​വും രാ​ത്രി എ​ട്ട് മു​ത​ൽ പ​ത്ത് വ​രെ വി​വി​ധ ക​ലാ​പ​രി​പാ​ടി​ക​ൾ അ​ര​ങ്ങേ​റും. ഗൗ​രി​ല​ക്ഷ്മി, സ​മീ​ർ ബി​ൻ​സി, ഹ​നാ​ൻ​ഷാ, അ​തു​ൽ ന​റു​ക​ര, സ​ലീം ഫാ​മി​ലി, നി​ർ​മ​ൽ പാ​ലാ​ഴി തു​ട​ങ്ങി പ്ര​മു​ഖ ക​ലാ​കാ​ര​ന്മാ​ർ അ​ണി​നി​ര​ക്കു​ന്ന ക​ലാ​പ​രി​പാ​ടി​ക​ളും നാ​ട​ൻ പാ​ട്ടും മാ​പ്പി​ള​പ്പാ​ട്ടും ബാ​വു​ൽ സം​ഗീ​ത​വും ഫെ​സ്റ്റി​ന് മാ​റ്റു​കൂ​ട്ടും.

23ന് ​ഫെ​സ്റ്റ് സ​മാ​പി​ക്കും. മു​ക്കം ന​ഗ​ര​സ​ഭ ചെ​യ​ർ​മാ​ൻ പി.​ടി. ബാ​ബു, ഫെ​സ്റ്റ് സം​ഘാ​ട​ക സ​മി​തി വ​ർ​ക്കിം​ഗ് ചെ​യ​ർ​മാ​ൻ ടി.​പി. രാ​ജീ​വ്, പി. ​ച​ന്ദ്ര​ബാ​ബു എ​ന്നി​വ​ർ വാ​ർ​ത്താ സ​മ്മേ​ള​ന​ത്തി​ൽ പ​ങ്കെ​ടു​ത്തു.