മു​ക്കം: പു​ട്ടും പ​പ്പ​ട​വും മ​ൺ​ച്ച​ട്ടി​ക്ക​ച്ച​വ​ട​വും ഒ​രു ഭാ​ഗ​ത്ത് അ​ര​ങ്ങ് ത​ക​ർ​ക്കു​മ്പോ​ൾ ഉ​പ്പി​ലി​ട്ട​തും ഉ​ണ്ണി​യ​പ്പ​വും നാ​ട​ൻ പ​ച്ച​ക്ക​റി​ക​ളും വ​ള​യും മാ​ല​യു​മെ​ല്ലാം വാ​ങ്ങു​ന്ന​തി​നാ​യി നാ​ട്ടു​കാ​രു​ടെ​യും അ​യ​ൽ​നാ​ട്ടു​കാ​രു​ടെ​യും നീ​ണ്ട നി​ര മ​റു​ഭാ​ഗ​ത്തും. പ​ഴ​യ​കാ​ല ഗാ​ന​ങ്ങ​ൾ കൂ​ടി​യാ​യ​തോ​ടെ നാ​ട്ടു​കാ​ർ​ക്കെ​ല്ലാം ചെ​റു​പ്പ​കാ​ല​ത്തേ​ക്ക് തി​രി​ച്ചു​പോ​യ അ​നു​ഭ​വ​മാ​യി​രു​ന്നു. പു​തി​യ ത​ല​മു​റ​യ്ക്കു വേ​ണ്ടി ലെ​യ്സും ച​ട്ടി​പ്പ​ത്തി​രി​യു​മൊ​ക്കെ​യാ​യി ഫു​ഡ് ഫെ​സ്റ്റും ഒ​രു​ക്കി​യി​രു​ന്നു. സാ​ധാ​ര​ണ നി​ല​യി​ൽ തെ​ര​ഞ്ഞെ​ടു​പ്പ് കൊ​ട്ടി​ക്ക​ലാ​ശം സം​ഘ​ർ​ഷ​ത്തി​ലേ​ക്ക് നീ​ങ്ങാ​റു​ണ്ട​ങ്കി​ൽ വെ​സ്റ്റ് കൊ​ടി​യ​ത്തൂ​രി​ലേ​ത് ക​ക്ഷി​രാ​ഷ്ട്രീ​യ നാ​ട്ടു​ചി​ന്ത​ക​ൾ​ക്ക​തീ​ത​മാ​യി നാ​ട്ടു​കാ​രു​ടെ സ്നേ​ഹ​കൂ​ട്ടാ​യ്മ​യാ​യി​രു​ന്നു.

വ​ർ​ഷ​ങ്ങ​ളാ​യി കാ​ത്തി​രി​ക്കു​ന്ന റോ​ഡ് വി​ക​സ​നം സാ​ധ്യ​മാ​ക്കു​ന്ന​തി​ന് റോ​ഡ് ക​ല്യാ​ണം ന​ട​ത്തി ജ​ന​ശ്ര​ദ്ധ നേ​ടി​യ വെ​സ്റ്റ് കൊ​ടി​യ​ത്തൂ​ർ ഗ്രാ​മ​മാ​ണ് വ്യ​ത്യ​സ്ത​മാ​യ രീ​തി​യി​ൽ കൊ​ട്ടി​ക്ക​ലാ​ശം സം​ഘ​ടി​പ്പി​ച്ച​ത്. പ​ഞ്ചാ​യ​ത്തി​ലെ 13,14,16 വാ​ർ​ഡു​ക​ളു​ടെ സം​ഗ​മ ദേ​ശ​മാ​യ വെ​സ്റ്റ് കൊ​ടി​യ​ത്തൂ​രി​ൽ നി​ന്ന് എ​ര​ഞ്ഞി​മാ​വ്- മാ​വൂ​ർ- കോ​ഴി​ക്കോ​ട് പാ​ത​യി​ലെ ഇ​ട​വ​ഴി​ക്ക​ട​വി​ലേ​ക്ക് എ​ത്തു​ന്ന 1.2 കി​ലോ​മീ​റ്റ​ർ റോ​ഡി​ന്‍റെ വി​ക​സ​ന​ത്തി​നാ​യാ​ണ് വെ​സ്റ്റ് കൊ​ടി​യ​ത്തൂ​ർ വി​ക​സ​ന സ​മി​തി​യു​ടെ നേ​തൃ​ത്വ​ത്തി​ൽ റോ​ഡ് ക​ല്യ​ണ​ത്തി​ന് ശേ​ഷം കൊ​ട്ടി​ക്ക​ലാ​ശം സം​ഘ​ടി​പ്പി​ച്ച​ത്. ക​ലാ​ശ​ക്കൊ​ട്ട് വെ​റു​തെ​യാ​യി​ല്ല​ന്ന് മാ​ത്ര​മ​ല്ല നാ​ട്ടു​കാ​ർ ക​യ്യ​യ​ച്ച് സ​ഹാ​യി​ച്ച​പ്പോ​ൾ റോ​ഡ് വി​ക​സ​ന​ത്തി​നാ​യി അ​ഞ്ച് ല​ക്ഷ​ത്തോ​ളം രൂ​പ​യും ല​ഭി​ച്ചു.

1980ൽ ​നി​ർ​മാ​ണം പൂ​ർ​ത്തി​യാ​ക്കി​യ ശ​രാ​ശ​രി മൂ​ന്ന​ര മീ​റ്റ​ർ വീ​തി​യു​ള്ള പ​ഞ്ചാ​യ​ത്ത് റോ​ഡാ​യ വെ​സ്റ്റ് കൊ​ടി​യ​ത്തൂ​ർ- ഇ​ട​വ​ഴി​ക്ക​ട​വ് റോ​ഡി​ന്‍റെ വി​ക​സ​ന​ത്തി​നാ​യി പ​ഞ്ചാ​യ​ത്ത് അം​ഗം എം.​ടി. റി​യാ​സ് ചെ​യ​ർ​മാ​നും വി.​സി രാ​ജ​ൻ ക​ൺ​വീ​ന​റും കെ. ​അ​ബ്ദു​ല്ല ഖ​ജാ​ൻ​ജി​യു​മാ​യി വെ​സ്റ്റ് കൊ​ടി​യ​ത്തൂ​ർ വി​ക​സ​ന സ​മി​തി എ​ന്ന പേ​രി​ൽ ജ​ന​കീ​യ ക​മ്മി​റ്റി രൂ​പീ​ക​രി​ച്ചു പ്ര​വ​ർ​ത്തി​ക്കു​ക​യാ​ണ്.
ഒ​ന്ന​ര വ​ർ​ഷം ന​ട​ത്തി​യ പ്ര​യ​ത്ന​ത്തി​ലൂ​ടെ റോ​ഡ് ആ​റ് മീ​റ്റ​റാ​ക്കി മാ​റ്റു​ന്ന​തി​ന് ആ​വ​ശ്യ​മാ​യ പ​ദ്ധ​തി ത​യാ​റാ​ക്കു​ക​യും റോ​ഡി​നി​രു​വ​ശ​വു​മു​ള്ള 107 ഭൂ​ഉ​ട​മ​ക​ളെ റോ​ഡി​നാ​യി ഭൂ​മി വി​ട്ടു ന​ൽ​കു​വാ​ൻ സ​ന്ന​ദ്ധ​രാ​ക്കു​ക​യും ചെ​യ്തു. റോ​ഡി​നാ​യി പൊ​ളി​ച്ചു മാ​റ്റു​ന്ന മ​തി​ലു​ക​ൾ പു​ന​ർ​നി​ർ​മി​ച്ച് ന​ൽ​കു​ന്ന​തി​നും പ​ദ്ധ​തി ത​യാ​റാ​ക്കി.

റോ​ഡ് ആ​റ് മീ​റ്റ​ർ വീ​തി​യി​ലാ​ക്കി ന​ൽ​കി​യാ​ൽ ജി​ല്ലാ പ​ഞ്ചാ​യ​ത്ത് റോ​ഡാ​യി ഏ​റ്റെ​ടു​ത്ത് ഫ​ണ്ട് അ​നു​വ​ദി​ക്കും. പൊ​ളി​ക്കു​ന്ന മ​തി​ലു​ക​ൾ പു​ന​ർ​നി​ർ​മി​ച്ച് ന​ൽ​കു​ന്ന​തി​ന് 50 ല​ക്ഷം രൂ​പ​യി​ൽ അ​ധി​കം ചെ​ല​വ് വ​ന്നു. ഈ ​പ്ര​വൃ​ത്തി 90 ശ​ത​മാ​ന​വും പൂ​ർ​ത്തി​യാ​യി​ക്ക​ഴി​ഞ്ഞു. ബാ​ക്കി പ്ര​വൃ​ത്തി​ക്കാ​യു​ള്ള തു​ക​യാ​ണ് കൊ​ട്ടി​ക്ക​ലാ​ശ​ത്തി​ലൂ​ടെ ല​ഭ്യ​മാ​ക്കി​യ​ത്. ഇ​നി ബി​എം​ബി​സി നി​ല​വാ​ര​ത്തി​ൽ ടാ​റിം​ഗ് ന​ട​ത്തു​ക​യാ​ണ് ല​ക്ഷ്യം. ജ​നു​വ​രി മാ​സ​ത്തോ​ടെ ഇ​തും പൂ​ർ​ത്തി​യാ​കു​മെ​ന്നാ​ണ് സം​ഘാ​ട​ക​രു​ടെ പ്ര​തീ​ക്ഷ.