മെ​ഡി​ക്ക​ല്‍​കോ​ള​ജ്: പ​ട്ടം-​മു​റി​ഞ്ഞ​പാ​ലം റോ​ഡി​ല്‍ മാ​ലി​ന്യ​നി​ക്ഷേ​പം രൂ​ക്ഷ​മാ​യി തു​ട​രു​ന്നു. സി​ഗ്‌​ന​ല്‍ പോ​യിന്‍റിനു സ​മീ​പ​ത്തു​നി​ന്നു മു​റി​ഞ്ഞ​പാ​ല​ത്തേ​ക്കു പോ​കു​ന്ന റോ​ഡി​ല്‍ ഉ​പ​യോ​ഗ​ശൂ​ന്യ​മാ​യി കി​ട​ക്കു​ന്ന സ്വ​കാ​ര്യ​വ്യ​ക്തി​യു​ടെ ഭൂ​മി​ക്ക​രി​കി​ലാ​ണ് മാ​ലി​ന്യം നി​ക്ഷേ​പി​ച്ചു വ​രു​ന്ന​ത്.

റോ​ഡി​ന് അ​ഭി​മു​ഖ​മാ​യു​ള്ള ഭൂ​മി​യി​ല്‍ ഉ​യ​ര​ത്തി​ല്‍ മ​തി​ല്‍ നി​ര്‍​മി​ച്ചി​ട്ടി​ല്ലാ​ത്ത​തി​നാ​ല്‍ മ​ണ്ണ് റോ​ഡി​ലേ​ക്ക് ഇ​റ​ങ്ങി​ക്കി​ട​ക്കു​ന്നു​ണ്ട്. ഇ​വി​ടെ​യാ​ണ് പ്ലാ​സ്റ്റി​ക് വേ​സ്റ്റു​ക​ളും ആ​ഹാ​രാ​വ​ശി​ഷ്ട​ങ്ങ​ളും നി​ക്ഷേ​പി​ക്കു​ന്ന​ത്. സ്വ​കാ​ര്യ​ഭൂ​മി​യി​ല്‍ നി​ക്ഷേ​പി​ക്കു​ന്ന മാ​ലി​ന്യ​മാ​ണ് കൂ​മ്പാ​ര​മാ​യ​ശേ​ഷം റോ​ഡി​ലേ​ക്കു വീ​ണു​കി​ട​ക്കു​ന്ന​ത്.

പ്ലാ​സ്റ്റി​ക് ക​വ​റു​ക​ള്‍ കാ​റ്റ​ടി​ച്ച് റോ​ഡി​ലേ​ക്ക് ചി​ത​റി​ക്കി​ട​ക്കു​ന്ന അ​വ​സ​ര​ങ്ങ​ളും കു​റ​വ​ല്ല. മ​ണ്ണ് കൂ​ടി​ക്കി​ട​ക്കു​ന്ന സ്ഥ​ല​ത്ത് മ​ത്സ്യ​മാം​സാ​വ​ശി​ഷ്ട​ങ്ങ​ളും നി​ക്ഷേ​പി​ച്ചു​വ​രു​ന്നു​ണ്ട്. ഇ​ട​റോ​ഡാ​യ​തു​കൊ​ണ്ട് പോ​ലീ​സിന്‍റെയും മ​റ്റും പ​രി​ശോ​ധ​ന കു​റ​വാ​യ​തു​കൊ​ണ്ടു​മാ​ണ് മാ​ലി​ന്യ​നി​ക്ഷേ​പം തു​ട​ര്‍​ന്നു​കൊ​ണ്ടി​രി​ക്കു​ന്ന​ത്.

ചി​ല സ്ഥ​ല​ങ്ങ​ളി​ല്‍ മ​തി​ല്‍​ക്കെ​ട്ട് ബ​ല​ക്ഷ​യം​വ​ന്ന നി​ല​യി​ലും ചി​ല സ്ഥ​ല​ങ്ങ​ളി​ല്‍ മ​തി​ല്‍ ഇ​ല്ലാ​ത്ത അ​വ​സ്ഥ​യി​ലു​മാ​യ​തി​നാ​ല്‍ കാ​ടു​പി​ടി​ച്ചു കി​ട​ക്കു​ന്ന ഭാ​ഗ​ത്താ​ണ് കൂ​ടു​ത​ലാ​യി മാ​ലി​ന്യം നി​ക്ഷേ​പി​ക്കു​ന്ന​ത്. പ​ക​ല്‍​സ​മ​യ​ത്ത് വാ​ഹ​ന​ത്തി​ര​ക്കു​ണ്ടെ​ങ്കി​ല്‍ രാ​ത്രി​കാ​ല​ത്ത് ആ​ഹാ​രം അ​ന്വേ​ഷി​ച്ചെ​ത്തു​ന്ന തെ​രു​വു​നാ​യ്ക്ക​ള്‍ വാ​ഹ​ന​യാ​ത്രി​ക​ര്‍​ക്ക് ജീ​വ​നു ഭീ​ഷ​ണി സൃ​ഷ്ടി​ക്കു​ന്നു​ണ്ട്.