പുൽപ്പള്ളി: കൃപാലയ സ്പെഷൽ സ്കൂളിൽ വർണ ചിറകുകൾ എന്ന പേരിൽ കൃപാലയ സ്കൂളിലെ മുഴുവൻ കുട്ടികളുടെയും സൗഹൃദ സംഗമം നടത്തി.
നാളുകളായി സ്കൂളിൽ വരാൻ സാധിക്കാതെ വീടുകളിലിരുന്ന് അധ്യാപകരുടെ സേവനം സ്വീകരിച്ചിരുന്ന കുട്ടികളും അവരുടെ മാതാപിതാക്കളും സംഗമത്തിൽ പങ്കെടുത്തു. ബിജു പി. വർഗീസ് ഉദ്ഘാടനം ചെയ്തു.
എസ്എബിഎസ് മാനന്തവാടി പ്രൊവിൻഷ്യൽ കൗണ്സലർ സിസ്റ്റർ ആൻസ്മരിയ അധ്യക്ഷത വഹിച്ചു. പുൽപ്പള്ളി തിരുഹൃദയ ദേവാലയ വികാരി ഫാ. ജോഷി പുൽപ്പയിൽ, മുരളി, സിസ്റ്റർ ടെസീന, സ്കൂൾ ഹെഡ്മിസ്ട്രിസ് സിസ്റ്റർ ആൻസീന, ടി.യു. ഷിബു എന്നിവർ പ്രസംഗിച്ചു.
Tags : School nattuvishesham local news