ആലക്കോട്: പി.ആർ. രാമവർമരാജയുടെ നാമധേയത്തിൽ ആധുനിക രീതിയിൽ നിർമിച്ച ആലക്കോട് പഞ്ചായത്ത് കമ്യൂണിറ്റിഹാൾ സജീവ് ജോസഫ് എംഎൽഎ ഉദ്ഘാടനം ചെയ്തു. പഞ്ചായത്ത് പ്രസിഡന്റ് ജോജി കന്നിക്കാട്ട് അധ്യക്ഷത വഹിച്ചു.
ജില്ലാപഞ്ചായത്തംഗം തോമസ് വെക്കത്താനം, മുൻ പഞ്ചായത്ത് പ്രസിഡന്റ് അജിത്ത് വർമ, പഞ്ചായത്ത് വൈസ് പ്രസിഡന്റ് പി.സി. അയിഷ, വികസനകാര്യ സ്റ്റാന്റിംഗ് കമ്മിറ്റി ചെയർമാൻ ജോൺസൺ താരാമംഗലം, ആരോഗ്യ-വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ എം.എ. ഖലീൽ റഹ്മാൻ, പഞ്ചായത്തംഗങ്ങളായ ജോസ് വട്ടമല, കെ.പി. സാബു, പി.ആർ.നിഷ, ജെയ്മി ജോർജ്, എക്സിക്യൂട്ടീവ് എൻജിനീയർ ഷെമി, പി.വി. ബിജു, റോയി ചക്കാനിക്കുന്നേൽ, ബാബു പള്ളിപ്പുറം, ഡെന്നിസ് വാഴപ്പള്ളിൽ, സി.ജി. ഗോപൻ, കെ.എൻ. ചന്ദ്രൻ, പഞ്ചായത്ത് സെക്രട്ടറി അൽത്താഫ് റഹ്മാൻ എന്നിവർ പ്രസംഗിച്ചു.
മുൻ മന്ത്രി കെ.സി. ജോസഫ് എംഎൽഎയുടെ ആസ്തി വികസന ഫണ്ടിൽ നിന്ന് ഒരുകോടിയും സജീവ് ജോസഫ് എംഎൽഎയുടെ ആസ്തി വികസനഫണ്ടിൽ നിന്നും 39 ലക്ഷം രൂപയും ഗ്രാമപഞ്ചായത്തിന്റെ തനത് ഫണ്ടിൽനിന്നും 1.85 കോടി അടക്കം 3.24 ചെലവഴിച്ചാണു കമ്യൂണിറ്റി ഹാൾ നിർമിച്ചിരിക്കുന്നത്.
Tags : Alakodu nattuvisesham local news