പൊ​ള്ള​ലേ​റ്റ് മ​രി​ച്ച​വ​രു​ടെ പോ​സ്റ്റ്മോ​ർ​ട്ടം സ​ർ​ട്ടി​ഫി​ക്ക​റ്റും പ​രി​ക്കേ​റ്റ​വ​രു​ടെ പ​രി​ക്കു​ക​ളു​മാ​യി ബ​ന്ധ​പ്പെ​ട്ട സ​ർ​ട്ടി​ഫി​ക്ക​റ്റു​ക​ളും ഇ​തു​വ​രെ ല​ഭി​ച്ചി​ട്ടി​ല്ല. പ​രി​ക്കേ​റ്റ​വ​രി​ൽ പ​ല​രും ഇ​പ്പോ​ഴും ചി​കി​ത്സ​യി​ലാ​യ​തി​നാ​ൽ അ​വ​രു​ടെ മൊ​ഴി രേ​ഖ​പ്പെ​ടു​ത്താ​നാ​യി​ട്ടി​ല്ല. ആ​ദ്യ​ദി​വ​സ​ങ്ങ​ളി​ൽ ന​ട​ന്ന​തി​ന​പ്പു​റം അ​ന്വേ​ഷ​ണം ഒ​ര​ടി പോ​ലും മു​ന്നോ​ട്ടു​പോ​യി​ട്ടി​ല്ലാത്ത സ്ഥിതിയാണുള്ളത്.

നീലേ​ശ്വ​രം: നാ​ടി​നെ ന​ടു​ക്കി​യ വെ​ടി​ക്കെ​ട്ട് ദു​ര​ന്ത​ത്തി​ന് ഒ​രു വ​ർ​ഷം തി​ക​ഞ്ഞ​പ്പോ​ഴും എ​ങ്ങു​മെ​ത്താ​തെ അ​ന്വേ​ഷ​ണം. ക​ഴി​ഞ്ഞ വ​ർ​ഷം ഒ​ക്ടോ​ബ​ർ 28 ന് ​അ​ർ​ധ​രാ​ത്രി​യി​ലാ​ണ് നീ​ലേ​ശ്വ​രം അ​ഞ്ഞൂ​റ്റ​മ്പ​ലം വീ​ര​ർ​കാ​വി​ലെ ക​ളി​യാ​ട്ട​ത്തി​നി​ട​യി​ൽ വെ​ടി​മ​രു​ന്ന​റ​യ്ക്ക് തീ​പി​ടി​ച്ച് ആ​റു​പേ​രു​ടെ മ​ര​ണ​ത്തി​നും നൂ​റ്റ​മ്പ​തോ​ളം പേ​ർ​ക്ക് പ​രി​ക്കേ​ൽ​ക്കാ​നും ഇ​ട​യാ​ക്കി​യ അ​പ​ക​ടം ന​ട​ന്ന​ത്. കു​ട്ടി​ക​ളും യു​വാ​ക്ക​ളു​മു​ൾ​പ്പെ​ടെ പ​രി​ക്കേ​റ്റ പ​ല​രും ഇ​പ്പോ​ഴും പൊ​ള്ള​ലി​ന്‍റെ തീ​രാ​മു​റി​പ്പാ​ടു​ക​ളു​മാ​യി ക​ഴി​യു​ക​യാ​ണ്

ക്ഷേ​ത്ര ഭാ​ര​വാ​ഹി​ക​ളു​ൾ​പ്പെ​ടെ എ​ട്ടു​പേ​ർ​ക്കെ​തി​രെ പോ​ലീ​സ് കേ​സെ​ടു​ത്തെ​ങ്കി​ലും ഇ​നി​യും അ​ന്വേ​ഷ​ണം പൂ​ർ​ത്തി​യാ​ക്കി കു​റ്റ​പ​ത്രം സ​മ​ർ​പ്പി​ച്ചി​ട്ടി​ല്ല. വെ​ടി​ക്കെ​ട്ട് ന​ട​ത്തു​ന്ന​തി​ന് ക്ഷേ​ത്ര​ക​മ്മ​റ്റി നി​യ​മാ​നു​സൃ​തം ലൈ​സ​ൻ​സ് എ​ടു​ത്തി​രു​ന്നോ എ​ന്ന കാ​ര്യ​വും പ​ട​ക്ക​ങ്ങ​ൾ വാ​ങ്ങി​യ ക​ട​യു​ടെ വി​ശ​ദാം​ശ​ങ്ങ​ളു​മു​ൾ​പ്പെ​ടെ ഇ​നി​യും ക​ണ്ടെ​ത്താ​നാ​യി​ട്ടി​ല്ലെ​ന്നാ​ണ് ക​ഴി​ഞ്ഞ ദി​വ​സം പോ​ലീ​സ് സം​സ്ഥാ​ന മ​നു​ഷ്യാ​വ​കാ​ശ ക​മ്മീ​ഷ​നെ അ​റി​യി​ച്ച​ത്.

അ​പ​ക​ട​ത്തി​ൽ പൊ​ള്ള​ലേ​റ്റ് മ​രി​ച്ച​വ​രു​ടെ പോ​സ്റ്റ്മോ​ർ​ട്ടം സ​ർ​ട്ടി​ഫി​ക്ക​റ്റും പ​രി​ക്കേ​റ്റ​വ​രു​ടെ പ​രി​ക്കു​ക​ളു​മാ​യി ബ​ന്ധ​പ്പെ​ട്ട സ​ർ​ട്ടി​ഫി​ക്ക​റ്റു​ക​ളും ഇ​തു​വ​രെ ല​ഭി​ച്ചി​ട്ടി​ല്ല. പ​രി​ക്കേ​റ്റ​വ​രി​ൽ പ​ല​രും ഇ​പ്പോ​ഴും ചി​കി​ത്സ​യി​ലാ​യ​തി​നാ​ൽ അ​വ​രു​ടെ മൊ​ഴി രേ​ഖ​പ്പെ​ടു​ത്താ​നാ​യി​ട്ടി​ല്ല. സം​ഭ​വം നേ​രി​ൽ ക​ണ്ട​വ​രു​ടെ​യും മൊ​ഴി രേ​ഖ​പ്പെ​ടു​ത്ത​ണം. അ​പ​ക​ടം ന​ട​ന്ന സ​മ​യ​ത്ത് എ​ടു​ത്ത സാ​മ്പി​ളു​ക​ളു​ടെ പ​രി​ശോ​ധ​നാ​ഫ​ലം ജി​ല്ലാ ഫോ​റ​ൻ​സി​ക് ലാ​ബി​ൽ നി​ന്നും ല​ഭി​ക്കാ​നു​ണ്ടെ​ന്നും റി​പ്പോ​ർ​ട്ടി​ൽ പ​റ​യു​ന്നു. ചു​രു​ക്ക​ത്തി​ൽ ആ​ദ്യ​ദി​വ​സ​ങ്ങ​ളി​ൽ ന​ട​ന്ന​തി​ന​പ്പു​റം അ​ന്വേ​ഷ​ണം ഒ​ര​ടി പോ​ലും മു​ന്നോ​ട്ടു​പോ​യി​ട്ടി​ല്ലെ​ന്ന് വ്യ​ക്ത​മാ​ണ്.

അ​പ​ക​ട​ത്തെ സ​ർ​ക്കാ​ർ സം​സ്ഥാ​ന ദു​ര​ന്ത​മാ​യി പ്ര​ഖ്യാ​പി​ക്കു​ക​യും പ​രി​ക്കേ​റ്റ​വ​രു​ടെ ചി​കി​ത്സ​ച്ചെ​ല​വ് ഏ​റ്റെ​ടു​ക്കു​ന്ന​താ​യും പ്ര​ഖ്യാ​പി​ച്ചി​രു​ന്നു. മ​രി​ച്ച​വ​രു​ടെ കു​ടും​ബ​ങ്ങ​ൾ​ക്ക് നാ​ലു​ല​ക്ഷം രൂ​പ വീ​തം ധ​ന​സ​ഹാ​യ​വും അ​നു​വ​ദി​ച്ചു. ക്ഷേ​ത്ര ക​മ്മി​റ്റി​യു​ടെ വ​ക​യാ​യി അ​ഞ്ചു ല​ക്ഷ​വും എ​സ്എ​ൻ​ഡി​പി, തീ​യ്യ സ​മു​ദാ​യ ക്ഷേ​ത്ര​സം​ര​ക്ഷ​ണ സ​മി​തി എ​ന്നി​വ​യു​ടെ വ​ക​യാ​യി ഓ​രോ ല​ക്ഷം രൂ​പ വീ​ത​വും മ​രി​ച്ച​വ​രു​ടെ കു​ടും​ബ​ങ്ങ​ൾ​ക്ക് ന​ൽ​കി.

മ​രി​ച്ച​വ​രി​ൽ ഒ​രാ​ൾ ക്ഷേ​ത്ര ക​മ്മി​റ്റി​യു​മാ​യി ബ​ന്ധ​പ്പെ​ട്ട ആ​ളാ​യി​രു​ന്ന​തി​നാ​ൽ അ​ദ്ദേ​ഹ​ത്തി​ന്‍റെ കു​ടും​ബം ഈ ​സ​ഹാ​യ​ങ്ങ​ൾ ക്ഷേ​ത്ര​ത്തി​നു​ത​ന്നെ മ​ട​ക്കി​ന​ൽ​കി.
മ​രി​ച്ച​വ​രു​ടെ കു​ടും​ബ​ങ്ങ​ൾ​ക്ക് സ​ഹാ​യ​വു​മാ​യെ​ത്തി​യ​വ​രി​ൽ പ​ല​രും പ​രി​ക്കേ​റ്റ​വ​രു​ടെ കാ​ര്യം അ​വ​ഗ​ണി​ച്ച​താ​യു​ള്ള പ​രാ​തി​ക​ൾ നേ​ര​ത്തേ​യു​ണ്ട്. ദു​ര​ന്തം ന​ട​ന്ന് ര​ണ്ടു​മാ​സം വ​രെ​യു​ള്ള ആ​ശു​പ​ത്രി ബി​ല്ലു​ക​ൾ മാ​ത്ര​മാ​ണ് സ​ർ​ക്കാ​ർ ഏ​റ്റെ​ടു​ത്ത​ത്. പ​രി​ക്കേ​റ്റ ഭൂ​രി​ഭാ​ഗം പേ​രും ശ​സ്ത്ര​ക്രി​യ, ലേ​സ​ർ ചി​കി​ത്സ എ​ന്നി​വ​യ്ക്ക് വി​ധേ​യ​മാ​യി​ട്ടു​ണ്ട്. ഭീ​മ​മാ​യ തു​ക​യാ​ണ് പ​ല​ർ​ക്കും ഈ​യി​ന​ത്തി​ൽ ചെ​ല​വാ​യ​ത്. അ​പ​ക​ടം ന​ട​ന്ന് ഇ​തു​വ​രെ ജോ​ലി​ക്കു പോ​കാ​ൻ പ​റ്റാ​ത്ത​വ​രു​മു​ണ്ട്.

ഗു​രു​ത​ര​മാ​യി പൊ​ള്ള​ലേ​റ്റ എ​റ​ണാ​കു​ളം ചോ​റ്റാ​നി​ക്ക​ര സ്വ​ദേ​ശി അ​ല​ൻ നി​നോ​യ് ഉ​ൾ​പ്പെ​ടെ 12 പേ​ർ ഇ​പ്പോ​ഴും തു​ട​ർ​ചി​കി​ത്സ​യു​മാ​യി വീ​ടു​ക​ളി​ൽ ത​ന്നെ ക​ഴി​യു​ക​യാ​ണ്. മം​ഗ​ളൂ​രു​വി​ൽ എം​എ​സ്ഡ​ബ്ള്യു കോ​ഴ്സ് പൂ​ർ​ത്തി​യാ​ക്കി പ​രീ​ക്ഷാ​ഫ​ലം കാ​ത്തി​രി​ക്കു​ന്ന​തി​നി​ട​യി​ലാ​ണ് അ​ല​ൻ ഒ​രു സു​ഹൃ​ത്തി​നൊ​പ്പം നീ​ലേ​ശ്വ​ര​ത്ത് ക​ളി​യാ​ട്ടം കാ​ണാ​നെ​ത്തി​യ​ത്. ദേ​ഹ​മാ​സ​ക​ലം പൊ​ള്ള​ലേ​റ്റ അ​ല​ന് ഇ​നി​യും മൂ​ന്നു ശ​സ്ത്ര​ക്രി​യ​ക​ൾ ന​ട​ത്താ​നു​ണ്ട്. കൈ​വി​ര​ലു​ക​ളു​ടെ ച​ല​ന​ശേ​ഷി ഇ​തു​വ​രെ തി​രി​കെ കി​ട്ടാ​ത്ത​തി​നാ​ൽ സ്വ​ന്ത​മാ​യി ആ​ഹാ​രം പോ​ലും ക​ഴി​ക്കാ​നാ​കി​ല്ല. എ​ല്ലാ ദി​വ​സ​വും ഫി​സി​യോ​തെ​റാ​പ്പി​ക്കു മാ​ത്രം 500 രൂ​പ വേ​ണം. സ്റ്റി​റോ​യ്ഡ് ഇ​ൻ​ജ​ക്ഷ​നും എ​ടു​ക്ക​ണം.

മം​ഗ​ളൂ​രു​വി​ലും പി​ന്നീ​ട് കോ​യ​മ്പ​ത്തൂ​രി​ലു​മു​ള്ള ആ​ശു​പ​ത്രി​ക​ളി​ൽ ചി​കി​ത്സ​യി​ൽ ക​ഴി​ഞ്ഞ അ​ല​ൻ ഇ​പ്പോ​ൾ കൊ​ച്ചി​യി​ലെ സ്വ​കാ​ര്യ ആ​ശു​പ​ത്രി​യി​ലാ​ണ് ചി​കി​ത്സ തേ​ടു​ന്ന​ത്. ഡി​സ്റ്റിം​ഗ്ഷ​നോ​ടെ എം​എ​സ്ഡ​ബ്ള്യു പാ​സാ​യി​ട്ടും ജോ​ലി​ക്കു​പോ​ലും പോ​കാ​നാ​കാ​ത്ത​തി​ന്‍റെ സ​ങ്ക​ട​വും ഇ​തോ​ടൊ​പ്പ​മു​ണ്ട്. ദു​ര​ന്തം ഉ​ണ്ടാ​ക്കി​യ മാ​ന​സി​കാ​ഘാ​തം കൂ​ടാ​തെ ഭീ​മ​മാ​യ ചി​കി​ത്സാ​ചെ​ല​വ് കൂ​ടി​യാ​യ​തോ​ടെ എ​ന്തു ചെ​യ്യ​ണ​മെ​ന്ന​റി​യാ​തെ പ​ക​ച്ചു​നി​ൽ​ക്കു​ക​യാ​ണ് ദു​ര​ന്ത​ബാ​ധി​ത​ർ. ഇ​വ​രു​ടെ തു​ട​ർ​ചി​കി​ത്സ​യു​ടെ ചെ​ല​വ് സ​ർ​ക്കാ​ർ വ​ഹി​ക്ക​ണ​മെ​ന്ന ആ​വ​ശ്യം ശ​ക്ത​മാ​കുക​യാ​ണ്.

Tags : shooting tragedy nattuvisesham local news