അ​ധി​കൃ​ത​ർ​ക്ക് അ​നാ​സ്ഥ​യും മെ​ല്ലെ​പ്പോ​ക്കും : കാ​ഞ്ഞി​ര​പ്പ​ള്ളി​യി​ൽ കു​രു​ക്കി​ൽ​പ്പെ​ട്ട് തീ​ര്‍​ഥാ​ട​ക​രും
Sunday, November 17, 2024 5:33 AM IST
കാ​ഞ്ഞി​ര​പ്പ​ള്ളി: അ​ധി​കൃ​ത​രു​ടെ അ​നാ​സ്ഥ​യും മെ​ല്ലെ​പ്പോ​ക്കും തീ​ര്‍​ഥാ​ട​ക​രെ​യും യാ​ത്ര​ക്കാ​രെ​യും ഒ​രു​പോ​ലെ വ​ല​യ്ക്കു​ന്നു. മ​ണ്ഡ​ല​കാ​ലം ആ​രം​ഭി​ച്ച ആ​ദ്യ​ദി​നം ത​ന്നെ കാ​ഞ്ഞി​ര​പ്പ​ള്ളി മണി​ക്കൂ​റു​ക​ളോ​ളം കു​രു​ക്കി​ല​മര്‍​ന്നു.

ദേ​ശീ​യ​പാ​ത 183ല്‍ ​പൂ​ത​ക്കു​ഴി​ക്കു സ​മീ​പം സീ​ബ്രാ​ലൈ​ന്‍ വ​ര​യ്ക്കു​ന്ന​തി​ന്‍റെ ഭാ​ഗ​മാ​യി ഒരു വ​ശ​ത്തു​കൂ​ടി ഗ​താ​ഗ​ത നി​യ​ന്ത്ര​ണം ന​ട​ത്തി​യ​ത് പേ​ട്ട​ക്ക​വ​ല വ​രെ ഗ​താ​ഗ​ത​ക്കു​രു​ക്കു​ണ്ടാ​ക്കി. എ​ന്നാ​ല്‍, സീ​ബ്രാ​ലൈ​ന്‍ വ​ര​യ്ക്കു​ന്ന ജോ​ലി​ക​ള്‍​ക്ക് മ​ണ്ഡ​ല​കാ​ലം ആ​രം​ഭി​ക്കു​ന്ന ദി​നം വ​രെ കാ​ത്തി​രി​ക്ക​ണ​മാ​യി​രു​ന്നോ എ​ന്നാ​ണ് നാ​ട്ടു​കാ​രു​ടെ ചോ​ദ്യം.

ശ​ബ​രി​മ​ല തീ​ര്‍​ഥാ​ട​ന പാ​ത​യി​ലെ പ്ര​ധാ​ന പ​ട്ട​ണ​ങ്ങ​ളി​ലൊ​ന്നാ​യ കാ​ഞ്ഞി​ര​പ്പ​ള്ളി ടൗ​ണി​ല്‍ പോ​ലീ​സും പ​ഞ്ചാ​യ​ത്തും ഗ​താ​ഗ​ത നി​യ​ന്ത്ര​ണ​ങ്ങ​ള്‍ ഏ​ര്‍​പ്പെ​ടു​ത്താ​റു​ണ്ടെ​ങ്കി​ലും ഇ​ത്ത​വ​ണ പൊ​തു​നി​ര്‍​ദേ​ശ​ങ്ങ​ള്‍ ന​ല്‍​കി​യി​ട്ടി​ല്ല. കോ​ട്ട​യം റെ​യി​ല്‍​വേ സ്റ്റേ​ഷ​നി​ല്‍ നി​ന്ന​ട​ക്ക​മു​ള്ള കെ​എ​സ്ആ​ര്‍​ടി​സി ബ​സു​ക​ള്‍ സ​ര്‍​വീ​സ് ന​ട​ത്തു​ന്ന പാ​ത​യി​ല്‍ വാ​ഹ​ന​ങ്ങ​ള്‍ പെ​രു​കു​ന്ന സാ​ഹ​ച​ര്യം കൂ​ടി​യാ​ണ്. ചൂ​ടു​ള്ള സ​മ​യം യാ​ത്ര​ക്കാ​ര്‍ കു​രു​ക്കി​ല്‍​പ്പെ​ടു​ന്ന​ത് ഏ​റെ ബു​ദ്ധി​മു​ട്ട് സൃ​ഷ്ടി​ക്കു​ന്നുണ്ട്.

അ​ന​ധി​കൃ​ത വാ​ഹ​ന​പാ​ര്‍​ക്കിം​ഗും വാ​ഹ​ന​ങ്ങ​ള്‍ നി​ര ​തെ​റ്റി​ച്ച് ക​യ​റി വ​രു​ന്ന​തും ക​വ​ല​ക​ളി​ല്‍ ശ​രി​യാ​യ രീ​തി​യി​ല്‍ ഗ​താ​ഗ​ത നി​യ​ന്ത്ര​ണം ന​ട​ത്താ​ത്തതും വാ​ഹ​ന​ങ്ങ​ള്‍ ഏ​റെ​നേ​രം കു​രു​ക്കി​ല്‍​ക്കി​ട​ക്കു​ന്ന​തി​ന് കാ​ര​ണ​മാ​യി. ആം​ബു​ല​ന്‍​സി​ന്‍റെ​യും ഫ​യ​ര്‍​ഫോ​ഴ്‌​സി​ന്‍റെ​യും അ​ട​ക്ക​മു​ള്ള വാ​ഹ​ന​ങ്ങ​ള്‍ ഗ​താ​ഗ​ത​ക്കു​രു​ക്കി​ല്‍​പ്പെ​ട്ടു കി​ട​ക്കു​ന്ന​ത് സ്ഥി​രം കാ​ഴ്ച​യാ​യി മാ​റി​യി​ട്ടുണ്ട്.
Copyright @ 2018 , Rashtra Deepika Ltd.