"ചിലമ്പൊലി 2കെ24' സമാപിച്ചു : Deepika.com Nattu Visesham

KOTTAYAM

"ചിലമ്പൊലി 2കെ24' സമാപിച്ചു

Saturday, November 16, 2024 7:26 AM IST

കുറുമ്പനാടം: സെന്‍റ് പീറ്റേഴ്സ് ഹയർ സെക്കൻഡറി സ്കൂളിൽ നടന്ന ചങ്ങനാശേരി ഉപജില്ലാ സ്കൂൾ കലോത്സവം ചിലമ്പൊലി 2കെ24 സമാപിച്ചു. അതിരൂപത വികാരി ജനറാൾ മോൺ. ആന്‍റണി എത്തക്കാട്ട് സമാപന സമ്മേളനം ഉദ്ഘാടനം ചെയ്തു. മാടപ്പള്ളി ബ്ലോക്ക് പഞ്ചായത്ത് വൈസ് പ്രസിഡന്‍റ് സുനിതാ സുരേഷ് അധ്യക്ഷത വഹിച്ചു. സ്കൂൾ മാനേജർ റവ.ഡോ. ജോബി കറുകപ്പറമ്പിൽ സമ്മാനങ്ങൾ വിതരണം ചെയ്തു.

കലോത്സവത്തിൽ എൽപി വിഭാഗത്തിൽ തൃക്കോതമംഗലം പിഎൻഎംഎൽപി സ്കൂൾ ഓവറോൾ ചാമ്പ്യൻഷിപ്പ് നേടി. കുറുമ്പനാടം സെന്‍റ് ആന്‍റണീസ് എൽപിഎസ് രണ്ടാം സ്ഥാനവും ചങ്ങനാശേരി സെന്‍റ് ആൻസ് മൂന്നാം സ്ഥാനവും നേടി.

യുപി വിഭാഗത്തിൽ ചങ്ങനാശേരി സെന്‍റ് ആൻസും ചങ്ങനാശേരി സെന്‍റ് ജോസഫ്സും ഓവറോൾ ചാമ്പ്യൻഷിപ്പ് പങ്കിട്ടു. തൃക്കൊടിത്താനം വിബിയുപിഎസ് രണ്ടാം സ്ഥാനവും ചങ്ങനാശേരി എസ്ബി എച്ച്എസ്എസ് മൂന്നാം സ്ഥാനവും നേടി. ഹൈസ്കൂൾ വിഭാഗത്തിൽ പായിപ്പാട് സെന്‍റ് ജോസഫ് ഓവറോൾ ചാമ്പ്യൻഷിപ്പ് നേടി. വാഴപ്പള്ളി സെന്‍റ് തെരേസാസ് രണ്ടാം സ്ഥാനവും, ചങ്ങനാശേരി സെന്‍റ് ജോസഫ്സ് മൂന്നാം സ്ഥാനവും കരസ്ഥമാക്കി.

അറബി കലോത്സവത്തിൽ എൽപി വിഭാഗത്തിൽ വെരൂർ സെന്‍റ് മേരീസ് എൽപിഎസ്, ചങ്ങനാശേരി സെന്‍റ് ജോസഫ്സ് എൽപിഎസ്, പായിപ്പാട് ഗവൺമെന്‍റ് എൽപിഎസ്, തൃക്കൊടിത്താനം വിബി യുപിഎസ്, ഫാത്തിമാപൂരം ബിടികെ എൽപിഎസ് സ്കൂളുകൾ ഓവറോൾ ചാമ്പ്യൻഷിപ്പ് പങ്കിട്ടു.

ഹൈസ്കൂൾ വിഭാഗം അറബി കലോത്സവത്തിൽ ചങ്ങനാശേരി ഗവൺമെന്‍റ് മോഡൽ എച്ച്എസ്എസ് ഓവറോൾ ചാമ്പ്യൻഷിപ്പ് നേടി. സംസ്കൃതോത്സവത്തിൽ യുപി വിഭാഗത്തിൽ കുറുമ്പനാടം സെന്‍റ് പീറ്റേഴ്സ് ഓവറോൾ ചാമ്പ്യൻഷിപ്പ് നേടി. അർക്കാട്ട്‌വയൽ പയനിയർ യുപിഎസ് രണ്ടാം സ്ഥാനം നേടി. മലകുന്നം ഇത്തിത്താനം എച്ച്എസ്എസ് മൂന്നാം സ്ഥാനവും നേടി.

സംസ്കൃതോത്സവം ഹൈസ്കൂൾ വിഭാഗത്തിൽ പെരുന്ന എൻഎസ്എസ് ബോയ്സ് ഹയർ സെക്കൻഡറി സ്കൂൾ ചാമ്പ്യൻഷിപ്പ് നേടി. ഇത്തിത്താനം എച്ച്എസ്എസ് മലകുന്നം രണ്ടാം സ്ഥാനവും എൻഎസ്എസ് ഗേൾസ് എച്ച്എസ്എസ് മൂന്നാം സ്ഥാനവും നേടി.