എടത്വ: കുട്ടനാട് സാംസ്കാരിക വേദിയുടെ നേതൃത്വത്തില് ശ്രീനാരായണ എവറോളിംഗ് ട്രോഫിക്കു വേണ്ടിയുള്ള അഞ്ചാമത് ആനപ്രമ്പാല് ജലോത്സവം സെപ്റ്റംബര് 22ന് രണ്ടിന് ആനപ്രമ്പാല് വാട്ടര് സ്റ്റേഡിയത്തില് നടക്കും. ജലോത്സവത്തിന് മുന്നോടിയായുള്ള സ്വാഗത സംഘ രൂപീകരണവും അനുസ്മരണ സമ്മേളനവും ഗ്രാമപഞ്ചായത്ത് പ്രസിഡന്റ് ഗായത്രി ബി. നായര് യോഗം ഉദ്ഘാടനം ചെയ്തു. കുട്ടനാട് സാംസ്കാരിക വേദി പ്രസിഡന്റ് പീയൂഷ് പി. പ്രസന്നന് അധ്യക്ഷത വഹിച്ചു.
ജില്ലാ പഞ്ചായത്ത് വികസനകാര്യ സ്ഥിരംസമിതി അധ്യക്ഷ ബിനു ഐസക് രാജു മുഖ്യപ്രഭാഷണം നടത്തി. ബ്ലോക്ക് പഞ്ചായത്തംഗം അജിത് കുമാര് പിഷാരത്ത്, ഗ്രാമപഞ്ചായത്ത് അംഗങ്ങളായ എല്സി പ്രകാശ്, ബിനു സുരേഷ്, പ്രിയ അരുണ്, സാംസ്കാരിക വേദി സെക്രട്ടറി ജിനു ശാസ്താംപറമ്പ്, ബിജു പറമ്പുങ്കല്, സുനില് മൂലയില്, അരുണ് പുന്നശേരി, എം.ജി. കൊച്ചുമോന്, തോമസ്കുട്ടി ചാലുങ്കല്, കെ.വി മോഹനന്, മനോഹരന് വെറ്റിലകണ്ടം, പ്രദീപ് അറക്കല്, സി.കെ. പ്രസന്നന്, മനോജ് തുണ്ടിയില്, സുകു പാക്കള്ളില് എന്നിവര് പ്രസംഗിച്ചു.
ജലോത്സവത്തിന്റെ ഭാഗമായി ഓണം ഫെസ്റ്റ്, കൈകൊട്ടിക്കളി, വടംവലി, ചിത്രരചനാ മത്സരം, വഞ്ചിപ്പാട്ട് മത്സരം, അത്തപ്പൂക്കള മത്സരം, ലഹരി വിരുദ്ധ വിളംബര ജാഥ, കാര്ഷിക സെമിനാര്, അനുമോദന യോഗം, സ്മരണിക പ്രകാശനം, വിവിധ സാംസ്കാരിക പരിപാടികള് എന്നിവയും നടക്കും.