മാ​ന്നാ​ര്‍ പ​ഞ്ചാ​യ​ത്ത് ആ​രു ഭ​രി​ക്കും?
Sunday, July 14, 2024 11:14 PM IST
മാ​ന്നാ​ര്‍: മാ​ന്നാ​ര്‍ പ​ഞ്ചാ​യ​ത്ത് ഇ​നി​യു​ള്ള വ​ര്‍​ഷം ആ​രു ഭ​രി​ക്ക​ണ​മെ​ന്ന് തീ​രു​മാ​നി​ക്കു​ന്ന കു​ട്ട​മ്പേ​രൂ​ര്‍ ഉ​പ​തി​ര​ഞ്ഞെ​ടു​പ്പി​ന് ക​ള​മൊ​രു​ങ്ങി. മൂ​ന്നു മു​ന്ന​ണി സ്ഥാ​നാ​ര്‍​ഥിക​ളും അ​ര​യും ത​ല​യും മു​റു​ക്കി പ്ര​ച​ര​ണം തു​ട​ങ്ങി. നാ​മ​നി​ര്‍​ദേ​ശ പ​ത്രി​കാ​സ​മ​ര്‍​പ്പ​ണം പൂ​ര്‍​ത്തീ​ക​രി​ച്ച് മൂ​ന്നു സ്ഥാ​നാ​ര്‍​ഥി​ക​ളും വി​ജ​യ​ല​ക്ഷ്യ​ത്തി​നാ​യി പ്ര​ചാ​ര​ണം ശ​ക്ത​മാ​ക്കി​യി​രി​ക്കു​ക​യാ​ണ്.

മാ​ന്നാ​ര്‍ പ​ഞ്ചാ​യ​ത്തി​ല്‍ വൈ​സ് പ്ര​സി​ഡ​ന്‍റാ​യി​രു​ന്ന സു​നി​ല്‍ ശ്ര​ദ്ധേ​യ​ത്തെ അ​യോ​ഗ്യ​നാ​ക്കി​യ​തി​നെ​ത്തു​ട​ര്‍​ന്ന് ഒ​ഴി​വു​വ​ന്ന കു​ട്ട​മ്പേ​രൂ​ര്‍ പ​തി​നൊ​ന്നാം വാ​ര്‍​ഡി​ല്‍ ഉ​പ​തി​ര​ഞ്ഞെ​ടു​പ്പ് ഈ ​മാ​സം 30ന് ​ന​ട​ക്കും.

യു​ഡി​എ​ഫ് സ്ഥാ​നാ​ര്‍​ഥി​യാ​യി കൈ ​അ​ട​യാ​ള​ത്തി​ല്‍ വി​ജ​യി​ച്ച ശേ​ഷം എ​ല്‍​ഡി​എ​ഫ് പി​ന്തു​ണ​യോ​ടെ സു​നി​ല്‍ വൈ​സ് പ്ര​സി​ഡ​ന്‍റാ​യി. കൂ​റു​മാ​റ്റ നി​രോ​ധി​ത നി​യ​മ​പ്ര​കാ​രം സു​നി​ലി​നെ തെ​ര​ഞ്ഞെ​ടു​പ്പു ക​മ്മീ​ഷ​ന്‍ അ​യോ​ഗ്യ​നാ​ക്കി​യ​തി​നാ​ലാ​ണ് ഉ​പ​തി​ര​ഞ്ഞെ​ടു​പ്പ് വേ​ണ്ടി​വ​ന്ന​ത്. യു​ഡി​എ​ഫ്- ച​ന്ദ്ര​കു​മാ​ര്‍ എ​സ്., എ​ല്‍​ഡി​എ​ഫ്-​സ​ജു തോ​മ​സ്, എ​ന്‍​ഡി​എ-​ശ്രീ​ക്കു​ട്ട​ന്‍ എ​ന്‍. എ​ന്നി​വ​രാ​ണ് ഉ​പ​തെ​ര​ഞ്ഞെ​ടു​പ്പി​ലെ മു​ന്ന​ണി സ്ഥാ​നാ​ര്‍​ഥി​ക​ള്‍.

18 സീ​റ്റു​ക​ളാ​ണ് മാ​ന്നാ​ര്‍ പ​ഞ്ചാ​യ​ത്തി​ല്‍ ആ​കെ​യു​ള്ള​ത്.​ എ​ല്‍ഡിഎ​ഫ് എ​ട്ട്, യു​ഡി​എ​ഫ് എ​ട്ട്, ബി​ജെ​പി-​ഒ​ന്ന് എ​ന്ന ത​ല​ത്തി​ലാ​ണ് നി​ല​വി​ലെ ക​ക്ഷി​നി​ല. ഉ​പ​തെര​ഞ്ഞെ​ടു​പ്പി​ല്‍ എ​ല്‍​ഡി​എ​ഫ് വി​ജ​യി​ച്ചാ​ല്‍ ഭ​ര​ണം നി​ല​നി​ര്‍​ത്താം. യു​ഡി​എ​ഫ് വി​ജ​യി​ച്ചാ​ല്‍ എ​ല്‍​ഡി​എ​ഫ് ഭ​ര​ണം അ​വ​സാ​നി​പ്പി​ച്ച് യു​ഡി​എ​ഫി​ന് അ​ധി​കാ​ര​ത്തി​ല്‍ വ​രാം. ഒ​പ്പം മു​ന്ന​ണി വി​ട്ടുപോ​യ സു​നി​ല്‍ ശ്ര​ദ്ധേ​യ​ത്തി​ന് മ​ധു​ര​മാ​യ പ്ര​തി​കാ​ര​വും ന​ല്‍​കാം.

മാ​ന്നാ​ര്‍ ഗ്രാ​മ​പ​ഞ്ചാ​യ​ത്തി​ല്‍ നി​ല​വി​ല്‍ എ​ട്ടു സീ​റ്റു​ക​ള്‍ വീ​ത​മാ​യി തു​ല്യശ​ക്തി​ക​ളാ​യി മാ​റി​യ എ​ല്‍​ഡി​എ​ഫും യു​ഡി​എ​ഫും അ​ധി​ക സീ​റ്റി​നാ​യി ശ​ക്ത​മാ​യ പോ​രാ​ട്ടം ന​ട​ത്തു​മ്പോ​ള്‍ അം​ഗ​സം​ഖ്യ ഒ​ന്നി​ല്‍​നി​ന്നു ര​ണ്ടാ​ക്കാനു​ള്ള പോ​രാ​ട്ട​ത്തി​ലാ​ണ് ബി​ജെ​പി.
Copyright @ 2018 , Rashtra Deepika Ltd.