ന്യൂ​ഡ​ൽ​ഹി: കോ​ണ്‍ഗ്ര​സി​ന് അ​മേ​രി​ക്ക​ൻ ശ​ത​കോ​ടീ​ശ്വ​ര​ൻ ജോ​ർ​ജ് സോ​റോ​സു​മാ​യി ബ​ന്ധ​മു​ണ്ടെ​ന്ന ആ​രോ​പ​ണ​ത്തി​ൽ ലോ​ക്സ​ഭ വീ​ണ്ടും സ്തം​ഭി​ച്ചു. പ്ര​തി​പ​ക്ഷ നേ​താ​വ് രാ​ഹു​ൽ ഗാ​ന്ധി​ക്കെ​തി​രേ ആ​രോ​പ​ണ​മു​ന്ന​യി​ച്ച ബി​ജെ​പി അം​ഗം നി​ഷി​കാ​ന്ത് ദു​ബെ​യ്ക്കെ​തി​രേ കോ​ണ്‍ഗ്ര​സ് അം​ഗ​ങ്ങ​ൾ അ​വ​കാ​ശ​ലം​ഘ​ന നോ​ട്ടീ​സ് ന​ൽ​കി​യി​രു​ന്നു.

ദു​ബെ​യു​ടെ വ്യാ​ഴാ​ഴ്ച​ത്തെ ആ​രോ​പ​ണ​ത്തി​നെ​തി​രേ കോ​ണ്‍ഗ്ര​സ് അം​ഗ​ങ്ങ​ളാ​യ കെ.​സി. വേ​ണു​ഗോ​പാ​ലും ഗൗ​ര​വ് ഗൊ​ഗോ​യി​യും സ​ഭ​യി​ൽ പ്ര​തി​ഷേ​ധം അ​റി​യി​ച്ചു. തു​ട​ർ​ന്ന് കോ​ണ്‍ഗ്ര​സ് അം​ഗ​ങ്ങ​ൾ ലോ​ക്സ​ഭ​യു​ടെ ന​ടു​ത്ത​ള​ത്തി​ലി​റ​ങ്ങി.

വ്യാ​ഴാ​ഴ്ച പ്ര​തി​ഷേ​ധ​ത്തി​ൽ​നി​ന്നു വി​ട്ടു​നി​ന്ന സ​മാ​ജ്‌​വാ​ദി പാ​ർ​ട്ടി, തൃ​ണ​മൂ​ൽ കോ​ണ്‍ഗ്ര​സ് നേ​താ​ക്ക​ളും ഇ​ന്ന​ലെ പ്ര​തി​ഷേ​ധ​ത്തി​ൽ കോ​ണ്‍ഗ്ര​സി​നൊ​പ്പം ചേ​ർ​ന്നു. ഇ​തോ​ടെ രാ​വി​ലെ 11 ആ​രം​ഭി​ച്ച ലോ​ക്സ​ഭാ​ന​ട​പ​ടി​ക​ൾ 12 വ​രെ നി​ർ​ത്തി​വ​ച്ചു.

ഉ​ച്ച​യ്ക്ക് വീ​ണ്ടും സ​ഭ സ​മ്മേ​ളി​ച്ച​പ്പോ​ൾ അ​ധ്യ​ക്ഷ​നാ​യി​രു​ന്ന ബി​ജെ​പി അം​ഗം ദി​ലീ​പ് സൈ​കി​യ വ്യാ​ഴാ​ഴ്ച ശൂ​ന്യ​വേ​ള​യി​ൽ പൂ​ർ​ത്തി​യാ​ക്കാ​ൻ ക​ഴി​യാ​ത്ത വി​ഷ​യ​ങ്ങ​ൾ സ​ഭ​യി​ൽ അ​വ​ത​രി​പ്പി​ക്കാ​ൻ ദു​ബെ​യ്ക്ക് അ​വ​സ​രം ന​ൽ​കി.


സൊ​റോ​സ് വി​ഷ​യം ദു​ബെ വീ​ണ്ടും സ​ഭ​യി​ൽ അ​വ​ത​രി​പ്പി​ച്ച​പ്പോ​ൾ സ​ഭ​യി​ൽ ഇ​ത്ത​ര​മൊ​രു കീ​ഴ്‌വഴ​ക്ക​മി​ല്ലെ​ന്നു ചൂ​ണ്ടി​ക്കാ​ട്ടി കോ​ണ്‍ഗ്ര​സ് അം​ഗ​ങ്ങ​ൾ പ്ര​തി​ഷേ​ധി​ച്ചു. ഇ​തോ​ടെ സ​ഭാ​ന​ട​പ​ടി​ക​ൾ മി​നി​റ്റു​ക​ൾ​ക്കു​ള്ളി​ൽ അ​വ​സാ​നി​പ്പി​ച്ച് തി​ങ്ക​ളാ​ഴ്ച​വ​രെ പി​രി​ച്ചു​വി​ടു​ക​യാ​യി​രു​ന്നു.

ശീ​ത​കാ​ല സ​മ്മേ​ള​ന​ത്തി​ന്‍റെ ര​ണ്ടാ​മ​ത്തെ ആ​ഴ്ച​യും അ​ദാ​നി, സം​ബാ​ൽ വി​ഷ​യം പ്ര​തി​പ​ക്ഷം ഉ​ന്ന​യി​ച്ച​തോ​ടെ സ​ഭ ക​ലു​ഷി​ത​മാ​യി​രു​ന്നു. സൊ​റോ​സ് വി​ഷ​യം ഉ​യ​ർ​ത്തി ബി​ജെ​പി സം​ര​ക്ഷ​ണവ​ല​യം തീ​ർ​ത്ത​തോ​ടെ ക​ഴി​ഞ്ഞ ചൊ​വ്വ, ബു​ധ​ൻ ദി​വ​സ​ങ്ങ​ളി​ൽ മാ​ത്ര​മാ​ണു സ​ഭാ​ന​ട​പ​ടി​ക​ൾ ശ​രി​യാ​യ രീ​തി​യി​ൽ പൂ​ർ​ത്തി​യാ​ക്കാ​ൻ സാ​ധി​ച്ച​ത്.