യുപിയിൽ സ്കൂൾ വാനിനു നേരേ വെടിവയ്പ്
Saturday, October 26, 2024 2:42 AM IST
അംറോഹ: ഉത്തർപ്രദേശിലെ അംറോഹയിൽ സ്വകാര്യ സ്കൂൾ വാനിനു നേരെ മുഖംമൂടി ധാരികൾ വെടിയുതിർത്തു. എസ്ആർഎസ് ഇന്റർനാഷണൽ സ്കൂളിൽനിന്ന് വിദ്യാർഥികളുമായി വരികയായിരുന്ന വാനിനു നേർക്കാണ് ആക്രമണമുണ്ടായത്.
ആക്രമണസമയത്ത് വാനിൽ 28 കുട്ടികളുണ്ടായിരുന്നു. വാനിന്റെ ഡ്രൈവറെ ലക്ഷ്യമിട്ടാണ് ആക്രമികൾ വെടിയുതിർത്തതെന്നു പോലീസ് പറഞ്ഞു.
ഡ്രൈവറും കുട്ടികളും സുരക്ഷിതരാണ്. ആക്രമണവുമായി ബന്ധപ്പെട്ട് മൂന്നു പേരെ പോലീസ് കസ്റ്റഡിയിൽ എടുത്തിട്ടുണ്ട്.