ബംഗളൂരു കെട്ടിടദുരന്തം: മരണം അഞ്ചായി
Thursday, October 24, 2024 2:09 AM IST
ബംഗളൂരു: ബാബുസപാളയത്തിൽ നിർമാണത്തിലിരുന്ന ഏഴുനിലക്കെട്ടിടം തലകീഴ് മറിഞ്ഞ് തകർന്നടിഞ്ഞ സംഭവത്തിൽ കെട്ടിടാവശിഷ്ടങ്ങളിൽനിന്ന് ഇന്നലെ നാലു മൃതദേഹങ്ങൾകൂടി കണ്ടെടുത്തു. ഇതോടെ മരണസംഖ്യ അഞ്ചായി ഉയർന്നു.
മൂന്നുപേരെ കണ്ടുകിട്ടാനുണ്ട്. ദേശീയ ദുരന്തനിവാരണ സേന, സംസ്ഥാന ദ്രുതകർമ സേന എന്നിവയുടെ സഹായത്തോടെ 13 പേരെ രക്ഷപ്പെടുത്തി. ചൊവ്വാഴ്ച കനത്ത മഴയിലാണ് കെട്ടിടം നിലംപൊത്തിയത്.