മണിപ്പുരിൽ വീണ്ടും ആയുധശേഖരം പിടിച്ചെടുത്തു
Saturday, October 26, 2024 2:42 AM IST
ഇംഫാൽ: മണിപ്പുരിലെ ഇംഫാലിൽ വീണ്ടും വൻ ആയുധശേഖരവും വെടിക്കോപ്പുകളും പിടിച്ചെടുത്തു. ഇംഫാൽ ഈസ്റ്റ്, തൗബൽ, ചന്ദേൽ ജില്ലകളിൽ സുരക്ഷാ സേന നടത്തിയ തെരച്ചിലിലാണ് ആയുധങ്ങൾ കണ്ടെത്തിയത്.
ഗ്രനേഡുകൾ, തോക്കുകൾ, വയർലെസ് സെറ്റ് തുടങ്ങിയവ പിടിച്ചെടുത്തതിൽ ഉൾപ്പെടുന്നു. സംഭവത്തിൽ ഒരാളെ കസ്റ്റഡിയിലെടുത്തതായി പോലീസ് പറഞ്ഞു.