ആദിത്യ താക്കറെയ്ക്കെതിരേ മിലിന്ദ് ദേവ്റയെ രംഗത്തിറക്കും
Saturday, October 26, 2024 2:42 AM IST
മുംബൈ: ശിവസേന അധ്യക്ഷൻ ഉദ്ധവ് താക്കറെയുടെ മകൻ ആദിത്യ താക്കറെയ്ക്കെതിരേ രാജ്യസഭാംഗം മിലിന്ദ് ദേവ്റയെ ഷിൻഡെപക്ഷം മത്സരിപ്പിക്കും.
അടുത്ത ദിവസംതന്നെ തീരുമാനമുണ്ടായേക്കും. വർളിയാണ് ആദിത്യയുടെ മണ്ഡലം. മത്സരിക്കുന്ന കാര്യം മിലിന്ദ് സൂചിപ്പിച്ചു. മുൻ കേന്ദ്രമന്ത്രിയായ മിലിന്ദ് ദേവ്ര ഈ വർഷം ജനുവരിയിലാണ് കോൺഗ്രസ് വിട്ട് ശിവസേനയിൽ (എക്നാഥ് ഷിൻഡെ) ചേർന്നത്.
വർളി ഉൾപ്പെടുന്ന മുംബൈ സൗത്ത് ലോക്സഭാ മണ്ഡലത്തിൽനിന്ന് മിലിന്ദ് രണ്ടു തവണ വിജയിച്ചിട്ടുണ്ട്.