പഞ്ചാബിൽ കോൺഗ്രസ് എംപിമാരുടെ ഭാര്യമാർ സ്ഥാനാർഥികൾ
Thursday, October 24, 2024 2:09 AM IST
ചണ്ഡിഗഡ്: പഞ്ചാബിലെ നിയമസഭാ ഉപതെരഞ്ഞെടുപ്പിൽ കോൺഗ്രസ് എംപിമാരുടെ ഭാര്യമാരെ സ്ഥാനാർഥികളാക്കി കോൺഗ്രസ്.
ലുധിയാന എംപി അമരീന്ദർ വാറിംഗിന്റെ ഭാര്യ അമൃത (ഗിദ്ദർബഹ മണ്ഡലം), ഗുരുദാസ്പുർ എംപി സുഖ്ജിന്ദർ സിംഗ് രൺധാവയുടെ ഭാര്യ ജതീന്ദർ കൗർ(ദേര ബാബാ നാനാക്) ലോക്സഭയിലേക്ക് തെരഞ്ഞെടുക്കപ്പെട്ടതിനെത്തുടർന്ന് വാറിംഗും രൺധാവയും രാജിവച്ച മണ്ഡലങ്ങളാണിവ. നാലു തവണ ദേര ബാബാ നാനാക് മണ്ഡലത്തിൽനിന്ന് സുഖ്ജിന്ദർ സിംഗ് രൺധാവ തെരഞ്ഞെടുക്കപ്പെട്ടിട്ടുണ്ട്.
ബർണാല, ഛബ്ബേവാൾ എന്നിവയാണ് ഉപതെരഞ്ഞെടുപ്പ് നടക്കുന്ന മറ്റു മണ്ഡലങ്ങൾ.