സ​നു സി​റി​യ​ക്

ന്യൂ​ഡ​ൽ​ഹി: പ​ക്ഷ​പാ​ത​പ​ര​മാ​യി പെ​രു​മാ​റു​ന്നു​വെ​ന്നാ​രോ​പി​ച്ച് രാ​ജ്യ​സ​ഭാ ചെ​യ​ർ​മാ​ൻ ജ​ഗ്ദീ​പ് ധ​ൻ​ക​റെ പ​ദ​വി​യി​ൽ​നി​ന്നു നീ​ക്കംചെ​യ്യു​ന്ന​തി​ന് പ്ര​മേ​യം കൊ​ണ്ടു​വ​രാ​ൻ പ്ര​തി​പ​ക്ഷം. ഇ​തി​ന്‍റെ ഭാ​ഗ​മാ​യി ഒ​പ്പു​ശേ​ഖ​ര​ണം ന​ട​ത്തി.

നി​ല​വി​ൽ അറുപതോളം എം​പി​മാ​ർ പ്ര​മേയത്തിനുള്ള നോ​ട്ടീ​സി​ൽ ഒ​പ്പു​വ​ച്ചി​ട്ടു​ണ്ട്. ച​രി​ത്ര​ത്തി​ൽ ആ​ദ്യ​മാ​യാ​ണ് ഉ​പ​രാ​ഷ്‌​ട്ര​പ​തി​കൂ​ടി​യാ​യ രാ​ജ്യ​സ​ഭാ​ധ്യ​ക്ഷ​നെ ത​ത്‌​സ്ഥാ​ന​ത്തു​നി​ന്ന് നീ​ക്കാ​നു​ള്ള പ്ര​മേ​യം പാ​സാ​ക്കാ​ൻ പ്ര​തി​പ​ക്ഷം മു​തി​രു​ന്ന​ത്.

ഇ​ന്ന​ലെ രാ​ജ്യ​സ​ഭ​യി​ൽ സ​മാ​ജ് വാ​ദി പാ​ർ​ട്ടി അം​ഗം ജ​യാ ബ​ച്ച​നെ​തി​രേ അ​സ്വീ​കാ​ര്യ​മാ​യ രീ​തി​യി​ൽ സം​സാ​രി​ച്ചു​വെ​ന്നാ​രോ​പി​ച്ചാ​ണ് പ്ര​തി​പ​ക്ഷം ഇ​ത്ത​ര​മൊ​രു നീ​ക്ക​ത്തി​ലേ​ക്കു ക​ട​ന്ന​ത്. എ​ന്നാ​ൽ, പാ​ർ​ല​മെ​ന്‍റി​ന്‍റെ ഇ​രു​സ​ഭ​ക​ളും ഇ​ന്ന​ലെ അ​നി​ശ്ചി​ത​കാ​ല​ത്തേ​ക്കു പി​രി​ഞ്ഞ​തി​നാ​ൽ ഇ​നി ശൈ​ത്യ​കാ​ല സ​മ്മേ​ള​ന​ത്തി​ൽ മാ​ത്ര​മേ പ്ര​മേ​യം അ​വ​ത​രി​പ്പി​ക്കാ​ൻ സാ​ധ്യ​ത​യു​ള്ളൂ.

നി​ല​വി​ൽ പ്ര​തി​പ​ക്ഷ​ത്തി​നു ഭൂ​രി​പ​ക്ഷ​മി​ല്ലാ​ത്ത​തി​നാ​ൽ പ്ര​മേ​യം പാ​സാ​ക്കാ​ൻ സാ​ധി​ച്ചെ​ന്നു വ​രി​ല്ല. എ​ങ്കി​ലും രാ​ജ്യ​സ​ഭാ ചെ​യ​ർ​മാ​ന്‍റെ ഏ​ക​പ​ക്ഷീ​യ​മാ​യ ന​ട​പ​ടി​ക​ളെ തു​റ​ന്നു​കാ​ട്ടാ​ൻ പ്ര​തി​പ​ക്ഷ​ത്തി​നു സാ​ധി​ക്കും.

ചെയർമാനെ നീക്കാനുള്ള വ്യവസ്ഥകൾ ഇങ്ങനെ

☛ ഭ​ര​ണ​ഘ​ട​നാ ലം​ഘ​നം.
☛ അ​ധി​കാ​ര ദു​ർ​വി​നി​യോ​ഗം.
☛ പ്ര​വ​ർ​ത്തി​ക്കാ​നു​ള്ള ക​ഴി​വി​ല്ലാ​യ്മ.
☛ തെ​റ്റാ​യ പെ​രു​മാ​റ്റം ന​ട​പ​ടി​ക്ര​മം.
☛ രാ​ജ്യ​സ​ഭ​യി​ലെ മൊ​ത്തം അം​ഗ​ങ്ങ​ളു​ടെ നാ​ലി​ൽ ഒ​രു ഭാ​ഗം അം​ഗ​ങ്ങ​ൾ (നി​ല​വി​ൽ 50 അം​ഗ​ങ്ങ​ൾ ) രാ​ജ്യ​സ​ഭാ​ധ്യ​ക്ഷ​നെ നീ​ക്കം ചെ​യ്യു​ന്ന​ തി​നു​ള്ള പ്ര​മേ​യ നോ​ട്ടീ​സ് ന​ൽ​ക​ണം.
☛ അ​ധ്യ​ക്ഷ​ന് പ്ര​മേ​യ​ നോ​ട്ടീ​സ് അം​ഗീ​ക​രി​ക്കു​ക​യോ നി​ര​സി​ക്കു​ക​യോ‌ ചെ​യ്യാം. അം​ഗീ​ക​രി​ച്ചാ​ൽ അ​തു ച​ർ​ച്ച​യ്ക്ക് വ​യ്ക്കും.
☛ പ്ര​മേ​യം സ​ഭ​യി​ൽ അ​വ​ത​രി​പ്പി​ക്കു​കയും ച​ർ​ച്ച ചെ​യ്യു​ക​യും ചെ​യ്യാം.
☛ പ്ര​മേ​യം അം​ഗ​ങ്ങ​ളു​ടെ ഭൂ​രി​പ​ക്ഷ വോ​ട്ടോ​ടെ പാ​സാ​ക്ക​ണം.

☛ രാ​ജ്യ​സ​ഭ​യി​ൽ പ്ര​മേ​യം പാ​സാ​യാ​ൽ അ​ന്വേ​ഷ​ണ​ത്തി​ന് ക​മ്മി​റ്റി​യെ​യോ ജ​ഡ്ജി​യെ​യോ നി​യ​മി​ക്കാം.
☛ അ​ന്വേ​ഷ​ണ​റി​പ്പോ​ർ​ട്ട് സ​ഭ​യി​ൽ സ​മ​ർ​പ്പി​ച്ച​തി​ന്‍റെ അ​ടി​സ്ഥാ​ന​ത്തി​ൽ അ​ന്തി​മ വോ​ട്ടെ​ടു​പ്പ് ന​ട​ത്തും. ഇ​വി​ടെ​യും രാ​ജ്യ​സ​ഭാ​ധ്യ​ക്ഷ​നെ നീ​ക്കം ചെ​യ്യാ​ൻ മൂ​ന്നി​ൽ ര​ണ്ട് അം​ഗ​ങ്ങ​ളു​ടെ ഭൂ​രി​പ​ക്ഷം ആ​വ​ശ്യ​മാ​ണ്.

രാജ്യസഭയിൽ ചെയർമാനും ജയാ ബച്ചനും ഏറ്റുമുട്ടി

കോ​ണ്‍ഗ്ര​സ് അ​ധ്യ​ക്ഷ​നും രാ​ജ്യ​സ​ഭ​യി​ലെ പ്ര​തി​പ​ക്ഷ നേ​താ​വു​മാ​യ മ​ല്ലി​കാ​ർ​ജു​ൻ ഖാ​ർ​ഗെ​യ്ക്കെ​തി​രേ ബി​ജെ​പി എം​പി ഘ​ന​ശ്യാം തി​വാ​രി ന​ട​ത്തി​യ പ്ര​സ്താ​വ​ന ചോ​ദ്യം ചെ​യ്തി​ട​ത്തു​നി​ന്നാ​ണു വാ​ക്കേ​റ്റ​ത്തി​ന്‍റെ തു​ട​ക്കം.

തി​വാ​രി​യു​ടെ പ്ര​സ്താ​വ​ന​യെ കോ​ണ്‍ഗ്ര​സ് എം​പി​മാ​ർ ചോ​ദ്യം ചെ​യ്ത​പ്പോ​ൾ തി​വാ​രി ഖാ​ർ​ഗ​യെ പു​ക​ഴ്ത്തു​ക​യാ​ണു ചെ​യ്ത​തെ​ന്ന് ധ​ൻ​ക​ർ പ​റ​ഞ്ഞു. ഇ​ത് കോ​ണ്‍ഗ്ര​സ് എം​പി​മാ​രെ ചൊ​ടി​പ്പി​ച്ചു. ഇ​തി​ൽ വ്യ​ക്ത​ത വേ​ണ​മെ​ന്ന് എം​പി​മാ​ർ ആ​വ​ശ്യ​പ്പെ​ട്ടു.

ധ​ൻ​ക​റി​ന്‍റെ ശ​രീ​ര​ഭാ​ഷ​യും ശ​ബ്‌​ദ​വ്യ​തി​യാ​ന​വും മോ​ശ​മാ​ണെ​ന്നും അ​തു മ​ന​സി​ലാ​കു​ന്ന അ​ഭി​നേ​ത്രി​യാ​ണു താ​നെ​ന്നും സമാജ്‌വാദി പാർട്ടി അംഗം ജ​യാ ബ​ച്ച​ൻ തു​റ​ന്ന​ടി​ച്ചു. ഇതോടെ വാ​ക്കേ​റ്റ​മാ​യി. സെ​ലി​ബ്രി​റ്റി​യാ​ണെ​ന്ന​തി​ന്‍റെ പേ​രി​ൽ ത​ന്നെ ചോ​ദ്യം ചെ​യ്യ​രു​തെ​ന്ന് ധ​ൻ​ക​റും തി​രി​ച്ച​ടി​ച്ചു. സെ​ലി​ബ്രി​റ്റി​യാ​ണെ​ങ്കി​ൽപോ​ലും സ​ഭ​യി​ൽ മ​ര്യാ​ദ പാ​ലി​ക്ക​ണ​മെ​ന്നും ധ​ൻ​ക​ർ പ്ര​തി​ക​രി​ച്ചു.

പ്ര​തി​പ​ക്ഷ എം​പി​മാ​രോ​ട് ഏ​ക​പ​ക്ഷീ​യ​മാ​യ പെ​രു​മാ​റ്റ​മാ​ണു ചെ​യ​റി​ന്‍റെ ഭാ​ഗ​ത്തു​നി​ന്ന് ഉ​ണ്ടാ​യ​തെ​ന്നും പ്ര​തി​പ​ക്ഷ​ത്തി​നു സം​സാ​രി​ക്കാ​ൻ സ​മ​യം അ​നു​വ​ദി​ക്കു​ന്നി​ല്ലെ​ന്നും ആ​രോ​പി​ച്ച് പി​ന്നീ​ട് പ്ര​തി​പ​ക്ഷ എം​പി​മാ​ർ സ​ഭ​യി​ൽ​നി​ന്ന് ഇ​റ​ങ്ങി​പ്പോ​യി. ത​ങ്ങ​ൾ സ്കൂ​ൾ ​കു​ട്ടി​ക​ള​ല്ലെ​ന്നും അ​തി​ന​നു​സ​രി​ച്ചു​ള്ള പെ​രു​മാ​റ്റം ചെ​യ​റി​ന്‍റെ ഭാ​ഗ​ത്തു​നി​ന്ന് ഉ​ണ്ടാ​ക​ണ​മെ​ന്നും രാ​ജ്യ​സ​ഭ​യ്ക്കു പു​റ​ത്തെ​ത്തി​യ ജ​യാ ബ​ച്ച​ൻ മാ​ധ്യ​മ​ങ്ങ​ളോ​ടു പ​റ​ഞ്ഞു.