ജോ​ർ​ജ് ക​ള്ളി​വ​യ​ലി​ൽ

ന്യൂ​ഡ​ൽ​ഹി: തൈ​രി​നെ ദ​ഹി ആ​ക്കാ​നു​ള്ള കേ​ന്ദ്ര​തീ​രു​മാ​ന​ത്തി​നു തി​രി​ച്ച​ടി. കേ​ർ​ഡ്, തൈ​ര് തു​ട​ങ്ങി​യ​വ ഒ​ഴി​വാ​ക്കി ഹി​ന്ദി​പ​ദ​മാ​യ ദ​ഹി എ​ന്നാ​ക്ക​ണ​മെ​ന്ന വി​ജ്ഞാ​പ​നം പി​ൻ​വ​ലി​ച്ച​താ​യി ഭ​ക്ഷ്യ​സു​ര​ക്ഷാ അ​ഥോ​റി​റ്റി അ​റി​യി​ച്ചു. ഹി​ന്ദി അ​ടി​ച്ചേ​ൽ​പ്പി​ക്കാ​നു​ള്ള കേ​ന്ദ്ര​നീ​ക്ക​ത്തി​നെ​തി​രേ ത​മി​ഴ്നാ​ട് അ​ട​ക്ക​മു​ള്ള ദ​ക്ഷി​ണേ​ന്ത്യ​ൻ സം​സ്ഥാ​ന​ങ്ങ​ൾ പ്ര​തി​ഷേ​ധി​ച്ച​തോ​ടെ ദ​ഹി എ​ല്ലാ​യി​ട​ത്തും ദ​ഹി​ക്കി​ല്ലെ​ന്നു മ​ന​സി​ലാ​ക്കി​യാ​ണു വി​വാ​ദ​നി​ർ​ദേ​ശം പി​ൻ​വ​ലി​ച്ച​ത്.

തൈ​രി​ന്‍റെ പാ​യ്ക്ക​റ്റി​ൽ ഇം​ഗ്ലീ​ഷ് വാ​ക്കാ​യ കേ​ർ​ഡ് ഒ​ഴി​വാ​ക്കി ഹി​ന്ദി​യി​ലെ ദ​ഹി എ​ന്നെ​ഴു​താ​നും തൈ​ര് ഉ​ൾ​പ്പെ​ടെ​യു​ള്ള പ്രാ​ദേ​ശി​ക വാ​ക്ക് ബ്രാ​ക്ക​റ്റി​ൽ എ​ഴു​തി​യാ​ൽ മ​തി​യെ​ന്നു​മാ​യി​രു​ന്നു ക​ഴി​ഞ്ഞ ജ​നു​വ​രി 11ലെ ​ഭ​ക്ഷ്യ​സു​ര​ക്ഷാ അ​ഥോ​റി​റ്റി​യു​ടെ (എ​ഫ്എ​സ്എ​സ്എ​ഐ) വി​ജ്ഞാ​പ​നം. തൈ​രി​നു​പു​റ​മെ വെ​ണ്ണ, ചീ​സ് ഉ​ത്പ​ന്ന​ങ്ങ​ൾ​ക്കും ഇ​തു ബാ​ധ​ക​മാ​ക്കി​യി​രു​ന്നു.

ത​മി​ഴ്നാ​ടി​നു പു​റ​മെ ക​ർ​ണാ​ട​ക, ആ​ന്ധ്ര, തെ​ലു​ങ്കാ​ന തു​ട​ങ്ങി​യ സം​സ്ഥാ​ന​ങ്ങ​ളും പ്ര​തി​ഷേ​ധി​ച്ചു കേ​ന്ദ്ര ഉ​ത്ത​ര​വ് പാ​ലി​ക്കി​ല്ലെ​ന്ന് അ​റി​യി​ച്ച​തോ​ടെ​യാ​ണു വി​വാ​ദ വി​ജ്ഞാ​പ​നം പി​ൻ​വ​ലി​ച്ച് ഇ​ന്ന​ലെ പ​ത്ര​ക്കു​റി​പ്പ് ഇ​റ​ക്കി​യ​ത്.തൈ​രി​ന്‍റെ പാ​യ്ക്ക​റ്റു​ക​ളി​ലും ലേ​ബ​ലു​ക​ളി​ലും ഇം​ഗ്ലീ​ഷി​ൽ കേ​ർ​ഡ് എ​ന്നെ​ഴു​താ​മെ​ന്നും ഒ​പ്പം വി​വി​ധ ഭാ​ഷ​ക​ളി​ലെ വാ​ക്കു​ക​ളാ​യ ദ​ഹി, തൈ​ര്, പെ​രു​ഗു, മൊ​സാ​റു, സാ​മു​ത്ത് ദൗ​ദ് എ​ന്നി​വ കൂ​ടി ഉ​പ​യോ​ഗി​ക്കാ​മെ​ന്നു​മാ​ണ് പ​ത്ര​ക്കു​റി​പ്പി​ലെ വി​ശ​ദീ​ക​ര​ണം.


ഭ​ക്ഷ്യ​സു​ര​ക്ഷാ മാ​ന​ദ​ണ്ഡ​ങ്ങ​ൾ പ്ര​കാ​രം പാ​ലി​നും പാ​ൽ ഉ​ത്പ​ന്ന​ങ്ങ​ൾ​ക്കും പൊ​തു​വാ​യ മാ​ന​ദ​ണ്ഡം എ​ന്ന വ്യ​വ​സ്ഥ​യു​ടെ മ​റ​വി​ലാ​ണു പു​ളി​പ്പി​ച്ച പാ​ൽ ഉ​ത്പ​ന്ന​ങ്ങ​ളു​ടെ പേ​രു​ക​ളി​ൽ ഹി​ന്ദി അ​ടി​ച്ചേ​ൽ​പ്പി​ക്കാ​ൻ ശ്ര​മം ന​ട​ത്തി​യ​ത്.

ഹി​ന്ദി അ​ടി​ച്ചേ​ൽ​പ്പി​ക്കാ​നു​ള്ള ശ്ര​മം അം​ഗീ​ക​രി​ക്കി​ല്ലെ​ന്നു ത​മി​ഴ്നാ​ട് മു​ഖ്യ​മ​ന്ത്രി എം.​കെ. സ്റ്റാ​ലി​ൻ വ്യ​ക്ത​മാ​ക്കി. മാ​തൃ​ഭാ​ഷ​യെ അ​വ​ഹേ​ളി​ക്കു​ന്ന​വ​രെ ദ​ക്ഷി​ണേ​ന്ത്യ​യി​ൽ​നി​ന്നു പു​റ​ത്താ​ക്ക​ണ​മെ​ന്ന് അ​ദ്ദേ​ഹം ട്വി​റ്റ​റി​ൽ കു​റി​ച്ചു. മാ​തൃ​ഭാ​ഷ​യെ പ്രോ​ത്സാ​ഹി​പ്പി​ക്കു​ന്ന പ്ര​ധാ​ന​മ​ന്ത്രി​യു​ടെ ന​യ​ത്തി​നെ​തി​രാ​ണ് കേ​ന്ദ്ര​നി​ർ​ദേ​ശ​മെ​ന്ന് ബി​ജെ​പി ത​മി​ഴ്നാ​ട് അ​ധ്യ​ക്ഷ​ൻ കെ. ​അ​ണ്ണാ​മ​ലൈ പ്ര​തി​ക​രി​ച്ചി​രു​ന്നു.

ഭ​ക്ഷ്യ​സു​ര​ക്ഷാ അ​ഥോ​റി​റ്റി​യു​ടെ തീ​രു​മാ​നം അം​ഗീ​ക​രി​ക്കു​ക​യോ ന​ട​പ്പാ​ക്കു​ക​യോ ചെ​യ്യി​ല്ലെ​ന്നു ത​മി​ഴ്നാ​ട്ടി​ലെ ക്ഷീ​രോ​ത്പാ​ദ​ക സ​ഹ​ക​ര​ണ പ്ര​സ്ഥാ​ന​മാ​യ ആ​വി​നും, ക​ന്ന​ഡ​യി​ൽ മൊ​സാ​റു എ​ന്നേ തു​ട​ർ​ന്നും എ​ഴു​തു​ക​യു​ള്ളൂ​വെ​ന്ന് ക​ർ​ണാ​ട​ക മിൽക്ക് ഫെ​ഡ​റേ​ഷ​നും വ്യ​ക്ത​മാ​ക്കി​യി​രു​ന്നു.