പലരുടെയും ആധാര്‍ കാര്‍ഡ് ഉപയോഗിച്ച് ഇത്തരത്തില്‍ തട്ടിപ്പു നടത്തുന്നുണ്ടെന്നും ഇത് വലിയ ശൃംഖലയാണെന്നുമായിരുന്നു പോലീസ് പറഞ്ഞത്. പ്രകാശ് കുമാര്‍ ഗുണ്ടു എന്നയാളോടാണ് ഞാന്‍ സംസാരിച്ചത്. മുംബൈ ക്രൈംബ്രാഞ്ച് എന്നു പറഞ്ഞ് പരിചയപ്പെടുത്തിയ അദ്ദേഹം ഐഡി കാര്‍ഡും എനിക്ക് അയച്ചു തന്നു.
തട്ടിപ്പു സംഘം 12 സംസ്ഥാനങ്ങളില്‍ എന്‍റെ പേരില്‍ അക്കൗണ്ട് തുടങ്ങിയെന്നാണു പറഞ്ഞത്.ഇതിനുപിന്നാലെ എന്‍റെ ബാങ്ക് വിവരങ്ങളും അവര്‍ തേടി. സംശയം തോന്നാത്ത വിധമായിരുന്നു അവരുടെ പെരുമാറ്റം.
അതുകൊണ്ടുതന്നെ ബാങ്ക് അക്കൗണ്ടുകള്‍ എവിടെയൊക്കെയാണെന്ന് പറഞ്ഞു കൊടുത്തു. ഇതിനിടെ ഒരിക്കല്‍ക്കൂടി പോലീസ് ഉദ്യോഗസ്ഥന് അയച്ചു തന്ന ഐഡി കാര്‍ഡ് പരിശോധിച്ചപ്പോഴാണ് അതില്‍ അശോക സ്തംഭം ഇല്ലെന്നു മനസ്സിലായത്.
ഇത് ഗൂഗിളില്‍ തെരഞ്ഞ് ഉറപ്പുവരുത്തുകയും ചെയ്തു. ഇതോടെയാണു തട്ടിപ്പാണെന്ന് മനസിലായത്. പിന്നീട് ഫോണ്‍ കട്ടായി. എന്‍റെ മാനേജര്‍ തിരിച്ച് വിളിച്ചെങ്കിലും അവര്‍ ഫോണ്‍ എടുത്തില്ല. ഏതാണ്ട് 72 മണിക്കൂറോളം എന്നെ വെര്‍ച്വല്‍ അറസ്റ്റിലാക്കാനാണ് തട്ടിപ്പ് സംഘം ശ്രമം നടത്തിയത്’’- മാലാ പാര്‍വതി പറഞ്ഞു.