പിന്നീട് രാത്രി ഒരു മണിയോടെ ബൈജുവിനെ സ്റ്റേഷന്‍ ജാമ്യത്തില്‍ വിട്ടയച്ചു. ഇടിയുടെ ആഘാതത്തില്‍ കാറിന്‍റെ വലതു ടയര്‍ പഞ്ചറായിട്ടുണ്ട്.അപകടത്തില്‍പ്പെട്ട ഇരുചക്രവാഹനയാത്രക്കാരന്‍ പരാതി നല്‍കിയിട്ടില്ല.
അതേസമയം നടന്‍ ബൈജുവിന്‍റെ കാര്‍ അപകടത്തില്‍പ്പെട്ടതുമായി ബന്ധപ്പെട്ട് തന്‍റെ പേര് ഉയര്‍ന്ന പശ്ചാത്തലത്തില്‍ വിശദീകരണവുമായി മകള്‍ ഐശ്വര്യ രംഗത്തെത്തി. കാറില്‍ ഉണ്ടായിരുന്നത് താനല്ലെന്നും അച്ഛന്‍റെ ബന്ധുവിന്‍റെ മകളായിരുന്നുവെന്നും ഐശ്വര്യ സമൂഹ മാധ്യമത്തില്‍ കുറിച്ചു.