ഒപ്പം കേന്ദ്രത്തിന്‍റെ 950 ഇ ബസുകള്‍ക്കുള്ള നടപടികളും മരവിപ്പിച്ചിരുന്നു. കൊച്ചി, കോഴിക്കോട് നഗരങ്ങള്‍ക്ക് 150 വീതവും തിരുവനന്തപുരം, കൊല്ലം, തൃശൂര്‍, മലപ്പുറം, കണ്ണൂര്‍ നഗരങ്ങള്‍ക്ക് 100 വീതവും ചേര്‍ത്തല, കായംകുളം, കോട്ടയം നഗരങ്ങള്‍ക്ക് 50 വീതവും ബസുകളായിരുന്നു ആദ്യഘട്ടത്തില്‍ ലഭിക്കേണ്ടിയിരുന്നത്.
സംസ്ഥാനങ്ങള്‍ക്ക് ലഭ്യമാക്കുന്ന ബസുകള്‍ക്ക് 12 വര്‍ഷത്തെ മെയിന്‍റനന്‍സ് ഗാരന്‍റി ഉറപ്പാക്കുന്ന പുതുക്കിയ പദ്ധതിക്കാണ് സെപ്റ്റംബര്‍ 13ന് കേന്ദ്ര മന്ത്രിസഭ അംഗീകാരം നല്‍കിയത്. ഒറ്റ ചാര്‍ജിംഗില്‍ 350 കിലോമീറ്റര്‍ വരെ ഓടിക്കാവുന്ന ബസുകളാണ് ലഭ്യമാക്കുന്നത്.
കിലോമീറ്ററിന് 54 രൂപയാണ് വാടക. 22 രൂപ കേന്ദ്രം നല്‍കും. ബാക്കി കേരളം വഹിക്കണം. ഡ്രൈവറെ നിയമിക്കുന്നതും ശമ്പളം കൊടുക്കുന്നതും ബസ് നല്‍കുന്ന സ്വകാര്യ കമ്പനിയായിരിക്കും. ചാര്‍ജിംഗ്, നികുതി, ഇന്‍ഷ്വറന്‍സ് തുടങ്ങിയ ചെലവുകളും അവര്‍ വഹിക്കും.
കണ്ടക്ടറെ നിയമിച്ച് ശമ്പളം നല്‍കേണ്ടതു മാത്രമാണ് കെഎസ്ആര്‍ടിസിയുടെ ചുമതല.