തിരുവനന്തപുരം: ചീഫ് സെക്രട്ടറിയും ഡിജിപിയും രാജ്ഭവനില് വരേണ്ടതില്ലെന്ന മുന് നിലപാടില് മാറ്റം വരുത്തി ഗവര്ണര് ആരിഫ് മുഹമ്മദ് ഖാന്. ഔദ്യോഗിക കാര്യങ്ങള്ക്ക് മുഖ്യമന്ത്രിയുടെ അനുമതിയില്ലാതെ വരരുതെന്നാണു പറഞ്ഞത്. വ്യക്തിപരമായ ആവശ്യങ്ങള്ക്ക് എപ്പോള് വേണമെങ്കിലും ഉദ്യോഗസ്ഥര്ക്ക് രാജ്ഭവനിലേക്കു വരാം. ഔദ്യോഗിക ആവശ്യങ്ങള്ക്ക് മുഖ്യമന്ത്രിയുടെ അനുമതിയോടെ മാത്രം വന്നാല് മതിയെന്ന് ഗവര്ണര് വ്യക്തമാക്കി.
ഗവര്ണര്ക്ക് മറുപടിയുമായി മുഖ്യമന്ത്രിയുടെ കത്ത് തിരുവനന്തപുരം: ഗവര്ണറുടെ കത്തിന് അതേ നാണയത്തില് രൂക്ഷമായ വാക്കുകള് ഉള്ക്കൊള്ളുന്ന മറുപടിയുമായി മുഖ്യമന്ത്രി പിണറായി വിജയന്റെ കത്ത്. തനിക്കൊന്നും മറച്ചുവയ്ക്കാനില്ല. സ്വര്ണക്കടത്ത് രാജ്യവിരുദ്ധമാണ്. താന് പറയാത്ത കാര്യങ്ങള്ക്ക് പറഞ്ഞെന്നു വ്യാഖ്യാനിക്കരുതെന്നും ഗവര്ണര്ക്കയച്ച കത്തില് മുഖ്യമന്ത്രി വ്യക്തമാക്കി.
താന് പറയാത്ത കാര്യങ്ങളാണ് പ്രസിദ്ധീകരിച്ചതെന്ന് ദ ഹിന്ദു ദിനപത്രം വ്യക്തമാക്കിയിട്ടുണ്ട്. സ്വര്ണക്കടത്തുമായി ബന്ധപ്പെട്ട് താന് നടത്തിയത് രാജ്യവിരുദ്ധ ശക്തികള് ഇത്തരം സാഹചര്യം മുതലാക്കുന്നതിനെക്കുറിച്ചാണ്. പോലീസ് വെബ്സൈറ്റില് ഉണ്ടെന്ന് പറഞ്ഞ് ഗവര്ണര് ഉയര്ത്തിക്കാട്ടിയ കാര്യങ്ങള് തെറ്റാണെന്നും പോലീസിന്റെ ഔദ്യോഗിക വെബ്സൈറ്റില് അത്തരത്തില് ഒരു കാര്യവുമില്ലെന്നും മുഖ്യമന്ത്രി പറഞ്ഞു.