ആശംസകളോടെ,
സ്വന്തം കൊച്ചേട്ടൻ
ഡിസിഎൽ മേഖലാ ടാലന്റ് ഫെസ്റ്റുകൾ കോട്ടയം: ദീപിക ബാലസഖ്യത്തിന്റെ മേഖലാതല ടാലന്റ് ഫെസ്റ്റുകൾ ആരംഭിച്ചു. കേരളത്തിലെ വിവിധ മേഖ ലകളിൽ എൽപി, യുപി, ഹൈസ്കൂൾ വിഭാഗങ്ങൾ തിരിച്ചാണ് മത്സരം. പ്രസംഗം, ലളിതഗാനം, ഡിസിഎൽ ആന്തം, ഡിസിഎൽ ലഹരിവിരുദ്ധ ഗാനം, ചെറുകഥാരചന, കവിതാരചന, ഉപന്യാസരചന എന്നീ ഇനങ്ങളിലാണ് മത്സരം.
ഡിസിഎൽ ആന്തം, ലഹരിവിരുദ്ധഗാനം എന്നിവ ഒഴികെ എല്ലാ മത്സരങ്ങളും ആൺകുട്ടികൾക്കും പെൺകുട്ടികൾക്കും പ്രത്യേകമായിരിക്കും. ഗ്രൂപ്പ് മത്സരങ്ങളിൽ പങ്കെടുക്കുന്ന കുട്ടികൾക്ക് രചനാമത്സരത്തിൽ പങ്കെടുക്കാൻ അർഹതയുണ്ടായിരിക്കുകയില്ല.
ഡിസിഎൽ ആന്തം, ഡിസിഎൽ ലഹരിവിരുദ്ധ സംഘഗാനം മത്സരങ്ങളിൽ ഏഴു പേരടങ്ങുന്ന ടീമിന് പങ്കെടുക്കാം. കരോക്കെ ഉണ്ടായിരിക്കുന്നതല്ല.
പ്രസംഗത്തിന് എൽപി വിഭാഗത്തിന് മൂന്നു മിനിറ്റും യു.പി. ഹൈസ്കൂൾ വിഭാഗങ്ങൾക്ക് 5 മിനിറ്റുമായിരിക്കും സമയം. വിഷയം - എൽ പി വിഭാഗം: കൃത്യനിഷ്ഠയും അച്ചടക്കവും ജീവിത വിജയത്തിന്.
യു.പി വിഭാഗം - (1) അധ്യാപകർ അറിവിന്റെ വഴികാട്ടികൾ (2) മാറുന്ന ലോകവും നിർമ്മിത ബുദ്ധിയും (നിർമിത ബുദ്ധി - Artificial Intelligence - AI) ഹൈസ്കൂൾ വിഭാഗത്തിന് മത്സരത്തിന് 5 മിനിറ്റു മുന്പ് വിഷയം നൽകും.
തൊടുപുഴ മേഖലാ ടാലന്റ് ഫെസ്റ്റ് തൊടുപുഴ: ജയ്റാണി ഹയർ സെക്കൻഡറി സ്കൂളിൽ നടന്ന ഡിസിഎൽ തൊടുപുഴ മേഖലാ ടാലന്റ് ഫെസ്റ്റിൽ ഡിപോൾ പബ്ലിക് സ്കൂൾ തൊടുപുഴ ചാന്പ്യന്മാരായി. എൽ.പി., യു.പി., ഹൈസ്കൂൾ വിഭാഗങ്ങളിൽ ഡിപോൾ വിജയികളായപ്പോൾ, ഹൈസ്കൂൾ, എൽപി വിഭാഗങ്ങളിൽ വിമല പബ്ലിക് സ്കൂൾ തൊടുപുഴയും യു.പി വിഭാഗത്തിൽ ജയ്റാണി പബ്ലിക് സ്കൂൾ തൊടുപുഴയും രണ്ടാംസ്ഥാനം നേടി.
സമ്മാനാർഹർക്ക് ജയ്റാണി ഇ.എം.എച്ച്.എസ്.എസ്., വൈസ് പ്രിൻസിപ്പൽ സിസ്റ്റർ ടെസി എസ്എബിഎസ്, തൊടുപുഴ പ്രവിശ്യാ കോ-ഓർഡിനേറ്റർ റോയി ജെ. കല്ലറങ്ങാട്ട് എന്നിവർ സമ്മാനങ്ങൾ വിതരണം ചെയ്തു.
ഡിസിഎൽ മൂലമറ്റം മേഖലാ സാരഥി സംഗമം മൂലമറ്റം: ഡി.സി.എൽ. മേഖലാ സാരഥി സംഗമവും 2024 - 25 വർഷത്തെ ഭാരവാഹികളുടെ തെരഞ്ഞെടുപ്പും എസ്.എച്ച് ഇ.എം. ഹയർ സെക്കൻഡറി സ്കൂളിൽ നടത്തി. മൂലമറ്റം സെൻറ് ജോസഫ്സ് കോളേജ് റിട്ട: ലൈബ്രേറിയൻ കുരുവിള ജേക്കബ്, തൊടുപുഴ പ്രവിശ്യ കോ - ഓർഡിനേറ്റർ റോയ് ജെ. കല്ലറങ്ങാട്ട് എന്നിവർ ക്ലാസുകൾ നയിച്ചു.
ഭാരവാഹികളായി ഫിലോമിന ജെ പൈകട - ലീഡർ (സെന്റ് മേരീസ് അറക്കുളം), റ്റോമിൻ റ്റോണി - ഡെപ്യൂട്ടി ലീഡർ (സെന്റ് ജോസഫ്സ് പബ്ലിക് സ്കൂൾ , നീലൂർ ), മീവൽ എസ് കോടാമുള്ളിൽ - കൗൺസിലർ (സെന്റ് തോമസ് എച്ച്.എസ്. തുടങ്ങനാട് ), അഖിൽ ജെയ്സൺ - കൗൺസിലർ (സെന്റ് മേരീസ് അറക്കുളം), ആൽബർട്ട് ബിബിൻ - ജനറൽ സെക്രട്ടറി (എസ് എച്ച് മൂലമറ്റം), സേറ സിജു - ജനറൽ സെക്രട്ടറി (സെന്റ് ജോർജ് മൂലമറ്റം), കിരൺ റെനീഷ് - പ്രോജക്ട് സെക്രട്ടറി (സെന്റ് ജോൺസ് കുറുമണ്ണ്), ജോവിറ്റ കെ. ജെസ്മോൻ - ട്രഷറർ (എസ്.എച്ച് മൂലമറ്റം) എന്നിവരെ തെരഞ്ഞെടുത്തു.
ആലിയ ഷൈൻ പ്രസാദ് - സൗഹാർദം ക്ലബ് കൺവീനർ (ഷന്താൾ ജ്യോതി പബ്ലിക് സ്കൂൾ മുട്ടം), റോസ് മരിയ ജോസ് - സർഗവേദി കൺവീനർ സെന്റ് തോമസ് അറക്കുളം), ദേവനന്ദ സുനിൽ ജി.എൻ. എൽ.പി എസ് കുടയത്തൂർ), ഡേവിഡ് ജോ എബി (സെന്റ് ജോർജ് മൂലമറ്റം),
എലിസബത്ത് സോണി (സെന്റ് ജോൺസ് കുറുമണ്ണ് ) - മേഖലാ എക്സിക്യൂട്ടീവ് എന്നിവരാണ് ഇതര ഭാരവാഹികൾ.
ശാഖാ ഡയറക്ടർമാരായ സൗമ്യ ജോൺ, റെജീന സെബാസ്റ്റ്യൻ, നവ്യ ജോസഫ്, സ്മിത വർഗീസ് , അനിത തോമസ്, പി.സി. സജിത, ദീപ്തി ജെസ് മോൻ, രജനി രാജൻ, ജെസി ചാണ്ടി തുടങ്ങിയവർ നേതൃത്വം നൽകി.