മാമിയുടെ തിരോധാനത്തിൽ എഡിജിപി എം.ആർ. അജിത്കുമാറിന് പങ്കുണ്ടെന്ന് പി.വി. അൻവർ എംഎൽഎ ആരോപിച്ചിരു ന്നു. ഇതിനു പിന്നാലെയാണ് മാമി തിരോധാന കേസിന്‍റെ അന്വേഷണ പുരോഗതി റിപ്പോർട്ടുകൾ ആരോപണം നേരിടുന്ന എഡിജിപി വഴി പോലീസ് ആസ്ഥാനത്തേക്ക് അയയ്ക്കരുതെന്ന് ഷെയ്ക്ക് ദർബേഷ് സാഹിബ് നിർദേശിച്ചത്.
ഡിഐജി വഴി റിപ്പോർട്ട് അയയ്ക്കാനാണ് ഇരുവർക്കും നിർദേശം നൽകിയത്. എന്നാൽ, മുൻ മലപ്പുറം എസ്പി ശശിധരനും കോഴിക്കോട് സിറ്റി പോലീസ് കമ്മീഷണർ ടി. നാരായണനും ഡിജിപിയുടെ വിലക്ക് ലംഘിച്ച് എം.ആർ. അജിത്കുമാർ വഴിയാണ് ഫയലുകൾ അയച്ചത്. ഇത് ആവർത്തിച്ച സാഹചര്യത്തിലാണ് ഡിജിപി കടുത്ത അതൃപ്തി രേഖപ്പെടുത്തിയത്.
കേസിന്‍റെ അന്വേഷണ പുരോഗതി ആരോപണവിധേയനായ ഉദ്യോഗസ്ഥൻ വിലയിരുത്തുന്നതിലെ അസ്വാഭാവികത ഒഴിവാക്കാനുള്ള ഡിജിപിയുടെ നീക്കം അട്ടിമറിക്കപ്പെടുന്നതു ഗുരുതര പ്രശ്നങ്ങൾക്ക് ഇടയാക്കുമെന്ന വിലയിരുത്തലുണ്ട്.