സാ​ഹ​ച​ര്യ​ങ്ങ​ൾ അ​നു​കൂ​ല​മാ​കാ​തെ വ​ന്ന​തോ​ടെ ആ ​ശ്ര​മം പ​രാ​ജ​യ​പ്പെ​ട്ടു. ഇ​തോ​ടെ ക​ല​വൂ​ർ കോ​ർ​ത്തു​ശേ​രി​യി​ലെ വീ​ട്ടി​ലേ​ക്ക് സു​ഭ​ദ്ര​യെ എ​ത്തി​ച്ചു. സു​ഭ​ദ്ര വ​ന്ന കാ​ര്യം നാ​ട്ടു​കാ​രും സു​ഭ​ദ്ര​യു​ടെ ബ​ന്ധു​ക്ക​ളും അ​റി​യാ​തി​രി​ക്കാ​ൻ പ്ര​തി​ക​ൾ ശ്ര​ദ്ധി​ച്ചു.

കൊ​ല​പാ​ത​ക​ത്തി​ന് സു​ഹൃ​ത്ത് റെ​യ്നോ​ൾ​ഡ്സിന്‍റെ സ​ഹാ​യ​വും തേ​ടി. അ​ടു​ത്ത ബ​ന്ധു വി​ഷാ​ദ​രോ​ഗ​ത്തി​ന് ഉ​പ​യോ​ഗി​ക്കു​ന്ന മ​രു​ന്നു​ക​ൾ എ​ത്തി​ച്ച റെ​യ് നോ​ൾ​ഡ്സിന് കൊ​ല​പാ​ത​ക​ത്തി​ൽ നേ​രി​ട്ട് പ​ങ്കി​ല്ലെ​ങ്കി​ലും ആ​സൂ​ത്ര​ണ​ത്തി​ൽ പ​ങ്കു​ണ്ടെ​ന്ന് പോ​ലീ​സ് പ​റ​യു​ന്നു.

റെ​യ്നോ​ൾ​ഡ്സിന്‍റെ ര​ണ്ടാം വി​വാ​ഹം ക​ഴി​ഞ്ഞിട്ട് ഒരാഴ്ച

ആല​പ്പു​ഴ: സു​ഭ​ദ്ര കൊ​ല​ക്കേ​സി​ലെ കൂ​ട്ടു​പ്ര​തി റെ​യ്നോ​ൾ​ഡ്സിന്‍റെ വി​വാ​ഹം ന​ട​ന്നി​ട്ട് ആ​ഴ്ച​ക​ഴി​ഞ്ഞേ​യു​ള്ളൂ. ര​ണ്ടാം വി​വാ​ഹ​മാ​ണ്. ര​ണ്ടാം തീ​യ​തി കാ​ട്ടൂ​രി​ലെ പ​ള്ളി​യി​ലാ​യി​രു​ന്നു വി​വാ​ഹം. ആ​ദ്യഭാ​ര്യ രോ​ഗം ബാ​ധി​ച്ചു മ​രി​ച്ചു. സ​ഹോ​ദ​രി​യു​ടെ മ​ക​നാ​ണ് മു​ഖ്യ​പ്ര​തി മാ​ത്യൂ​സ്.

ഇ​രു​വ​രും ഉ​റ്റ സു​ഹൃ​ത്തു​ക്ക​ളു​മാ​ണ്. സു​ഭ​ദ്ര​യു​ടെ കൊ​ല​പാ​ത​ക വി​വ​രം പു​റ​ത്തി​റ​ഞ്ഞ​പ്പോ​ഴും നാ​ട്ടി​ൽത്തന്നെ ഉ​ണ്ടാ​യി​രു​ന്നു. ആ ​ദി​വ​സ​ങ്ങ​ളി​ൽ മാ​ത്യൂ​സി​നെ വീ​ട്ടി​ൽ ക​ണ്ട​താ​യി പോ​ലീ​സി​ന് വി​വ​രം ല​ഭി​ച്ചി​രു​ന്നു.

തു​ട​ർ​ന്ന് പോ​ലീ​സ് ഇ​യാ​ളെ ചോ​ദ്യം ചെ​യ്തി​രു​ന്നു. മ​ണി​പ്പാ​ലി​ൽ മാ​ത്യൂ​സും ശർ​മി​ള​യും പി​ടി​യി​ലാ​യി പോ​ലീ​സ് കൂ​ടു​ത​ൽ ചോ​ദ്യം ചെ​യ്ത​തോ​ടെ​യാ​ണ് കൊ​ല​പാ​ത​ക​വു​മാ​യി റെ​യ്നോ​ൾ​ഡ്സിന്‍റെ ബ​ന്ധം വ്യ​ക്ത​മാ​യ​ത്. തു​ട​ർ​ന്ന് കൂ​ട്ടു പ്ര​തി​യാ​ക്കി അ​റ​സ്റ്റ് ചെ​യ്യു​ക​യാ​യി​രുന്നു.

മാ​ത്യൂ​സി​നെ​യും ശ​ർ​മി​ള​യെ​യും തേ​ടി ഉഡുപ്പി​യി​ലേ​ക്ക് പു​റ​പ്പെ​ട്ട പോ​ലീ​സ് സം​ഘ​ത്തി​ന് തു​ട​ക്കം മു​ത​ൽ വ​ലി​യ പ്ര​തി​സ​ന്ധി​യാ​യി​രു​ന്നെ​ങ്കി​ലും ര​ണ്ടു പ്ര​തി​ക​ളെ​യുംകൊ​ണ്ടാ​ണ് അ​വ​ർ തി​രി​ച്ചെ​ത്തി​യ​ത്. വാ​ട​ക​യ്ക്കെടു​ത്ത കാ​റി​ന്‍റെ എ​സി ത​ക​രാ​റി​ലാ​യി. ക​ടു​ത്ത ചൂ​ട് സ​ഹി​ച്ച് യാ​ത്ര, വ​ട​ക്ക​ൻ കേ​ര​ള​ത്തി​ൽ എ​ത്തി​യ​പ്പോ​ൾ മ​ഴ ശ​ക്ത​മാ​യി.

യാ​ത്ര ദു​ഷ്ക​ര​മാ​യി കാ​ർ വ​ർ​ക്ക് ഷോ​പ്പി​ൽ ക​യ​റ്റി​യാ​ൽ സ​മ​യം ന​ഷ്ട​മാ​കു​മെ​ന്നും പ്ര​തി​ക​ൾ ക​ട​ന്നേ​ക്കു​മെ​ന്നും ക​ണ​ക്കാ​ക്കി യാ​ത്ര തു​ട​ർ​ന്നു.

ഉ​ഡുപ്പി​യി​ൽ പ​രി​ച​യ​മു​ള്ള ഒ​രു പോ​ലീ​സു​കാ​ര​ന്‍റെ വാ​ഹ​നം ത​ത്കാ​ലം വാ​ങ്ങി വാ​ട​ക​യ്ക്ക് എ​ടു​ത്ത കാ​ർ ന​ന്നാ​ക്കാ​ൻ കൊ​ടു​ത്തു. പ്ര​തി​ക​ളുമായി ആ​ല​പ്പു​ഴ എ​ത്തു​മ്പോ​ഴേ​ക്കും കാ​റി​ന് അ​ടു​ത്ത പ്ര​ശ്നം. ട​യ​ർ പ​ഞ്ച​റാ​യി. തുടർന്ന് പ്ര​തി​ക​ളെ എ​ങ്ങ​നെ​യും മ​ണ്ണ​ഞ്ചേ​രി സ്റ്റേ​ഷ​നി​ൽ എ​ത്തി​ക്കു​ക​യാ​യി​രു​ന്നു.