സ്ഥിരമായി പരിശോധിക്കുന്ന ഡോക്‌ടര്‍ അവിടെ ഉണ്ടായിരുന്നില്ല. വേദന കൂടിയപ്പോള്‍ ഡോക്‌ടറെ കാണണമെന്ന് അശ്വതി ആവശ്യപ്പെട്ടിട്ടും ഡോക്‌ടര്‍ വന്നില്ല. വേറെ ആശുപത്രിയിലേക്കു മാറ്റണമെന്ന് ആവശ്യപ്പെട്ടപ്പോഴും എല്ലാം ശരിയാകുമെന്നാണ് പറഞ്ഞത്.
വ്യാഴാഴ്ച പുലര്‍ച്ചെയാണ് തിയറ്ററിലേക്കു കൊണ്ടുപോയത്. ഗര്‍ഭപാത്രത്തില്‍ വിള്ളലുണ്ടെന്നും കുഞ്ഞ് മരിച്ചുവെന്നു ആദ്യം അറിയിച്ചു. അശ്വതിയുടെ ജീവന്‍ രക്ഷിക്കാന്‍ ഉടനെതന്നെ ഗര്‍ഭപാത്രം നീക്കം ചെയ്യണമെന്ന് അറിയിക്കുകയും ഇതിനായി സമ്മതപത്രം വാങ്ങുകയും ചെയ്തു.
പിന്നീട് ഗുരുതരാവസ്ഥയിലായപ്പോള്‍ ആശുപത്രി അധികൃതര്‍ തന്നെ മറ്റൊരു സ്വകാര്യ ആശുപത്രിയിലേക്ക് റഫര്‍ ചെയ്യുകയും ആംബുലന്‍സ് ഏര്‍പ്പെടുത്തുകയുമായിരുന്നു. ഇതൊന്നും തങ്ങളോട് ആലോചിച്ചിരുന്നില്ലെന്നാണ് ബന്ധുക്കള്‍ പറയുന്നത്. എന്നാൽ സംഭവത്തിൽ വീഴ്ചയുണ്ടാതായുള്ള ആരോപണം ആശുപത്രി അധികൃതര്‍ നിഷേധിക്കുകയാണ്.