ഉരുൾപൊട്ടലിൽ വ്യാപക നാശനഷ്ടമുണ്ടായ മഞ്ഞക്കുന്ന്, മഞ്ഞച്ചീളി പ്രദേശങ്ങൾ മാർ റാഫേൽ തട്ടിൽ സന്ദർശിച്ചു. താമരശേരി ബിഷപ് മാർ റെമീജിയോസ് ഇഞ്ചനാനിയിൽ, വിലങ്ങാട് സെന്റ് ജോർജ് ഫൊറോന പള്ളി വികാരി ഫാ. വിൽസണ് മുട്ടത്തുകുന്നേൽ എന്നിവർ ദുരന്തത്തിന്റെ ഭീകരത മാർ റാഫേൽ തട്ടിലിനോടു വിവരിച്ചു.
ഉരുൾപൊട്ടലിൽ മരണമടഞ്ഞ കുളത്തിങ്കൽ മാത്യുവിന്റെ കുടുംബാംഗങ്ങളെ മാർ റാഫേൽ തട്ടിൽ വീട്ടിലെത്തി ആശ്വസിപ്പിച്ചു. ഉരുൾപൊട്ടലിൽ നാശമുണ്ടായ വാളൂക്ക് പ്രദേശവും സന്ദർശിച്ച ശേഷമാണ് അദ്ദേഹം മടങ്ങിയത്.
സീറോ മലബാർ സഭാ ചാൻസലർ ഫാ. ഏബ്രഹാം കാവിൽപുരയിടം, താമരശേരി രൂപത വികാരി ജനറാൾ മോണ്. ഏബ്രഹാം വയലിൽ, മഞ്ഞക്കുന്ന് സെന്റ് അൽഫോൻസ പള്ളി വികാരി ഫാ. ടിൻസ് മറ്റപ്പിള്ളിൽ, പാലൂർ സെന്റ് തോമസ് പള്ളി വികാരി ഫാ. ആൽവിൻ കോയിപ്പുറത്ത്, ഫാ. മാത്യു ചൂരപ്പൊയ്കയിൽ തുടങ്ങിയവരും മാർ റാഫേൽ തട്ടിലിനെ അനുഗമിച്ചു.